San Mateo 3

Ri Juan ri Bautista nutzijoj ri ruch'abel ri Dios

1Chupan c'a ri k'ij ri', ri Juan ri Bautista xuchop ruk'alajsaxic ri ruch'abel ri Dios chiquiwech ri winek ri ye'apon riq'ui, ri chiri' pa jun desierto#3.1 Jos. 14.10. ri c'o chiri' pa rucuenta ri Judea. 2Riya' xubij c'a chique ri winek: Can titzolin c'a pe ic'u'x#3.2 Mt. 3.8, 11; Hch. 17.30. riq'ui ri Dios, ruma xa nakaj chic c'o wi pe ri rajawaren ri Dios,#3.2 Mt. 4.17. nicha' chique.

3Can chrij c'a ri Juan ri' ch'onak wi ca ri profeta Isaías, jun achi ri xk'alajsan ri ruch'abel ri Dios ojer ca. Riya' quec'are' ri rutz'iban ca:

C'o c'a jun achi ri xtic'oje' pa jun desierto.

Y riya' xturek c'a ruchi' riche (rixin) chi xtubij chique ri winek ri xque'apon riq'ui:

Tichojmirisaj apo rubey ri Ajaf.#3.3 Is. 40.3; Lc. 1.76; 3.4.

Y can choj c'a tibana' chare.

Quec'ari' ri tz'ibatal ca.

4Ri rutziak c'a ri Juan ri Bautista banon riq'ui rusmal camello,#3.4 Zac. 13.4. y rucusan jun tz'um ri oconek ximibel xerupan.#3.4 2 R. 1.8. Y ri ruway ye c'a ri sac'#3.4 Lv. 11.22. y ri cab#3.4 1 S. 14.25. ri niquiya' ri tak chicop pa tak juyu'.#3.4 Re' nich'o chrij ri colmena. 5Y ri winek ri ye'apon c'a riq'ui ri Juan ri Bautista, sibilaj c'a ye q'uiy. Yec'o c'a ri ye aj pa tinamit Jerusalem, ri tinamit ri c'o pa rucuenta ri Judea. Y yec'o chuka' ri aj pa nic'aj chic tinamit riche (rixin) ri Judea. Y chuka' can yec'o c'a ri yepe c'a quela' chunakajal ri raken ya' Jordán. Can quinojel c'a ri winek ri' ri ye'apon riq'ui. 6Ri winek c'a ri' yeban c'a el bautizar ruma riya' ri chiri' pa raken ya' Jordán. Y can yequik'alajsaj wi c'a ri quimac.

7Y tek riya' xutz'et chi can ye q'uiy c'a chique ri achi'a' fariseos y ye q'uiy chuka' chique ri achi'a' saduceos ye'apon riq'ui ruma nicajo' chi yeban el bautizar ruma riya', riya' xubij c'a chique: Riyix xa yix achi'el itzel tak cumatz, ruma niwajo' yixanmej chuwech ri ruc'ayewal.#3.7 Ro. 5.9; 1 Ts. 1.10. ¿Achique xbin chiwe chi utz yixanmej chuwech ri ruc'ayewal ri xtutek pe ri Dios, re chkawech apo? 8Riyix rajawaxic c'a chi nik'alajin chupan ri ic'aslen chi can kitzij xtzolin pe ic'u'x#3.8 Mt. 4.17; Hch. 17.30. riq'ui ri Dios. 9Man c'a tich'ob ta ka riyix chi can xu (xe) wi ruma chi yix ralc'ual#3.9 Jn. 8.33; Hch. 13.26. ca ri Abraham, chi ruma ta ri' xquixcolotej, ma que ta ri'. Ruma xa ta ri Dios nrajo', Riya' can nicowin wi nuben ralc'ual ri Abraham chique re abej re ye'itz'et wawe'. 10Ri ruc'ayewal ri nuya' ri Dios xa nipe yan. Riya' can xtuben achi'el nuben jun achi ri c'o chic ri iquej pa ruk'a' riche (rixin) chi xqueruchoy ri che' ri xa ma yewachin ta jabel. Y ronojel c'a ri xqueruchoy el, xqueruq'uek pa k'ak'.#3.10 Mt. 7.19; Jn. 15.6.

11Riyin, pa ya' yixinben wi bautizar tek nitzolin pe ic'u'x riq'ui ri Dios. Pero c'o c'a jun achi ri xtipe re chkawech apo, ri man achi'el ta oc riyin. Riyin can ma yin ruc'amon ta (takal ta chuwij) riche (rixin) chi nc'uaj ri ruxajab, ruma ri jun achi ri' can más wi nim ruk'ij y can más wi nim ruchuk'a' que chinuwech riyin. Tek Riya' xtipe, can xquixruben wi bautizar riq'ui ri Lok'olaj Espíritu#3.11 Mr. 1.8; Hch. 2.4. y riq'ui k'ak'.#3.11 Is. 4.4; Mal. 3.2; Lc. 3.16. 12Y can ruchojmirisan chic ri' riche (rixin) chi nuben achi'el nuben jun achi tek nujosk'ij ri rutrigo pan era,#3.12 Mal. 3.3. ri can c'o chic jun horqueta pa ruk'a' riche (rixin) chi nuq'uek chuwacak'ik' ri trigo ri ch'ayon chic. Ri trigo ri nuchayuj ca ri', yari' ri numol y nuyec. Yac'a ri raken ri trigo ri nuc'uaj el cak'ik', xa nuporoj pa k'ak' ri majun bey nichuptej ta.#3.12 Mal. 4.1; Mt. 13.30.

Tek xban bautizar ri Jesús

13Y yac'ari' tek ri Jesús petenak c'a pa Galilea#3.13 Mt. 2.22. y xapon riq'ui ri Juan chiri' chuchi' ri raken ya' Jordán. Riya' can petenak c'a riche (rixin) chi niban el bautizar ruma ri Juan ri Bautista. 14Yac'a ri Juan ma nrajo' ta nuben bautizar ri Jesús, y nubij c'a chare: Xa yin ta riyin ri' ri utz chi yiban bautizar awuma riyit y mani chi can yit c'a riyit ri xatoka wuq'ui riyin, riche (rixin) chi yatinben el bautizar, xcha' ri Juan.

15Yac'a ri Jesús xubij chare ri Juan ri Bautista: Riyoj rajawaxic c'a chi nikaben#3.15 1 Jn. 3.7. ronojel ri nubij ri Dios chake. Rumari' re wacami rajawaxic c'a chi riyit yinaben bautizar riyin. Y c'ac'ari' tek ri Juan ri Bautista xuben bautizar ri Jesús.#3.15 Dn. 9.24.

16Y tek ri Jesús banon chic c'a bautizar, xbe'el pe pa ya'. Y Riya' xutz'et c'a chi ri caj xjakatej#3.16 Lc. 3.21. y xutz'et chuka' chi ri Lok'olaj Espíritu riche (rixin) ri Dios nika c'a pe pa ruwi'#3.16 Is. 11.2; Mr. 1.10. achi'el jun palomax. Can choj wi c'a petenak pa ruwi' Riya'. 17Y can c'o c'a jun ch'abel xpe chila' chicaj#3.17 Mt. 17.5; Mr. 9.7; Lc. 9.35. y xubij: Yare' ri Nuc'ajol#3.17 Sal. 2.7. y can sibilaj nwajo', y nucukuban nuc'u'x riq'ui, xcha' ri ch'abel ri'.

Selectat acum:

San Mateo 3: cakWS

Evidențiere

Partajează

Copiază