HINI UWASI-BIADRCIMOWA ya-sfadoci MAFIYO 1
1
1Yomv ini awigrdagi ut vnvnkvwi nhvlwaladewa Jesise Kivisde, nili u qihfvli Dapide, nili u qihfvli Aplahame.
2Aplahame u nejrninrli Visigeli; chena Visige u nejrninrli Jakvbeli; chena Jakvbe u nejrninrli Jotvli macimi u janinvhi; 3chena Jotv u nejrninrli Baliaseli macimi Salali Damrli uci; chena Baliase u nejrninrli Haslvneli; chena Haslvne u nejrninrli La-meli; 4chena Lame u nejrninrli Aminitabeli; chena Aminitabe u nejrninrli Nrsuneli; chena Nrsune u nejrninrli Salmvneli; 5chena Salmvne u nejrninrli Boaseli Lahvbeli uci; chena Boase u nejrninrli Opideli Lofeli uci; chena Opide u nejrninrli Caseli; 6che-Case u nejrninrli Dapideli nili ugimrli.
Chena Dapide u nejrninrli Svlvmvneli nili uci iahgi wewvli Ulriv; 7chena Svlvmvne u nejrninrli Lihopuameli; chena Lihopuame u nejrninrli Vpvicvli; chena Vpvicv u nejrninrli Aseli; 8chena Ase u nejrninrli Jehosifadeli; chena Jehosifade u nejrninrli Jolameli; chena Jolame u nejrninrli Usrivli; 9chena Usriv u nejrninrli Jofameli; chena Jofame u nejrninrli Ahaseli; chena Ahase u nejrninrli Hasigrivli; 10chena Hasigriv u nejrninrli Manasvli; chena Manasv u nejrninrli Amvneli; chena Amvne u nejrninrli Josvivli; 11chena Josviv u nejrninrli Cikunrivli; macimi u janinvhi, ina Irqv ina Papaloni si waladewa.
12Chena ina Papaloni si waladewa vhkuwihi, Cikunriv u nejrninrli Saltiali; chena Saltia u nejrninrli Sulubapvleli; 13chena Sulubapvle u nejrninrli Apvideli; chena Apvide u nejrninrli Ilvikvmeli; chena Xlvikvme u nejrninrli Asoli; 14chena Aso u nejrninrli Satvkvli; chena Satvkv u nejrninrli Agimeli; chena Agime u nejrninrli Elivdeli; 15chena Elivde u nejrninrli Eliyasvli; chena Eliyasv u nejrninrli Matfaneli; chena Matfane u nejrninrli Jakvbeli; 16chena Jakvbe u nejrninrli Joseli nili wahsici Male, inv na-neginrtv Jesiseli, Kivisde yr-lofulici.
17Waciganvhi jrivhki nili vnkvwi sqewanv Aplahame uci brluhi Dapide iqi, matvhfwi-gita-nyawi sqewanv; chena Dapide uci brlu’ hina Papaloni si waladewa iqi matvhfwi-gita-nyawi vnkvwi sqewanv.
18Huwa ini usgi-lanvwawewa Jesise Kivisde vlv-yomv yagi : Nili u gali Maleli iah mahci uhsihofulici Joseli, pvyaqv wihsibur nihki utfatiwrci, mgofu inv ut vpaluhfami inv Ufapi Ucvjrlvhqv u nejrnvli. 19Chena Jose wahsici Male, dawvhi tapvsvwi ’lani, macimi u malvwrci panvlrli nili wvhsi tapisqi wrkumakufilici, mamagini-taha wvhsi gemi pigawhrci. 20Pvyaqv ia hina mam-aginalatvgi yolumv wiahi, wrpvmahku, utfagoli vhpuwawa-nagi inv Dabalamiwatv ut ancvlemvli, Jose, gelv u qihfvli Dapide, tagi kutvnu wvshi mvmvci gewv Male; xvga inv nili ba-bemudrkuci inv Ufapi Ucvjrlvhqv uciwi inv. 21Macimi inv wah neginrli uqihfimrli; chena gelv JESISE gah sitv u wefowa; xvga yonv u mvjesilvwewa-nilici wa hnci wrpvnashvhi u ta lanvwamhi inv, iwvli. 22Huwa jrivhki yomv ini biamikvtwi, wvhsi manvwv’ hini uqrufagi mviahci kvlvwici inv Dabalamiwatv srpwi nili mrmosigesqalici,
23Wrpvmahku, inv sasgihqa wa hut vpaluhfami, macimi wah neginrli uqihfimrli,
Chena Imanual wah sidrnrwv nihki inv u wefowa;
Mvnatu weci gelvwa, iyowa ini yalrbrtudodagi. 24Macimi Jose unskv u nabrwa uci, chena yasi tapimakuci nili silvwi inv Dabalamiwatv ut ancvlemvli, macimi u mvmrli wewvli; 25chena mvtv u wrkumrli nili brlu’ hinv u mahci bialrli uqihfimrli : macimi JESISE u ta sinrli.
Selectat acum:
HINI UWASI-BIADRCIMOWA ya-sfadoci MAFIYO 1: SJW
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Published for Thomas Wildcat Alford in 1929
