Псалми 23
23
ПСАЛМ 23
Свеченото доаѓање на великиот Цар
1 #
88,11; 1 Кор 10,26 Псалм на Давид; на првиот ден од седмицата.
Господова е земјата и сѐ што ја исполнува,
вселената и сите што живеат во неа.
2 #
45,2; 74,3; 103,5; Јов 38,4-6 Тој неа врз мориња ја основа
и врз реки ја устрои.
3 #
14,1-5
Кој ќе се искачи на гората Господова
и кој ќе застане на светото место Негово?
4 #
25,6; Мт 5,8 Оној со невини раце и чист по срце,
кој не ја примил залудно душата своја
и не се заколнал лажно на ближниот свој.
5Тој ќе добие благослов од Господа
и милост од Бога, Спасителот свој.
6Овој е родот на тие што Го бараат Него,
што го бараат лицето на Бога Јаковов.
7 #
117,19-20; 2 Цар 6,12-16; Ез 44,2; Мал 3,1 Подигнете ги портите, вие кнезови,
и издигнете се порти вечни
и ќе влезе Царот на славата.
8Кој е Тој Цар на славата?
Господ моќен и силен,
Господ силен во борба.
9Подигнете ги портите, вие кнезови,
и издигнете се порти вечни
и ќе влезе Царот на славата.
10 #
2 Мојс 24,16
Кој е Тој Цар на славата?
Господ на силите, Тој е Царот на славата!
Selectat acum:
Псалми 23: MAK2024PS
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Македонско библиско здружение 2024