Gimpuunan 10
10
Kay manga Linahi manga Anak ni Nuwi
(1 Kru. 1:5-23)
1Inda ti tultulanun tungkul sa manga linahi manga anak ni Nuwi sida ni Sim, ni Kam ag ni Hapit. Siyun ginan sa nagkagunaw nagkaimaw sida manga anak.
2Kay manga anak lalaki ni Hapit sida ni Gumir, ni Magug, ni Maday, ni Haban, ni Tubal, ni Misik ag ni Tiras. 3Si Gumir may imaw diman manga anak lalaki sida ni Askinas, ni Ripat ag ni Tugarma. 4Kan Haban pag manga anak lalaki sida ni Ilisa, ni Tarsis, ni Kitim ag ni Dudanim.#10:4 Dudanim: ngatay, Rudanim. 5Tunda ngani sida kay manga linahi ni Hapit. Sida ti gimpuunan manga tawu mag-uli sa manga baybay hanggan manga puru sa dagat. Ti kada magtal-anakan nida mag-uli sa sadili nida rugar sakup nida nasyun, ag may sadili sida pamagaw.
6Kay manga anak lalaki ni Kam sida ni Kus, ni Misraim,#10:6 Misraim: ngatay, Ihiptu. ni Put ag ni Kanaan. 7Si Kus may manga anak diman lalaki sida ni Siba, ni Habila, ni Sabta, ni Raama ag ni Sabtika. Kay manga anak lalaki ni Raama sida ni Shiba ni Didan. 8May usa waya ka anak si Kus kay ngaran si Nimrud. Si Nimrud binmaliw makapangyarihan pag tawu sa kalibutan. 9Mahusay gid siya pag manug-idu sa atubangan Panginuun, nakan may kabagawan magkun, “Parihu kawu sa kan Nimrud mahusay gid pag manug-idu sa atubangan Panginuun.” 10Ti un-an pinamahalaan ni Nimrud pag kaharian ti rugar Babilunya, ti Irik, ti Akad hanggan ti Kalni. Inda tanan sakup daga Sinar. 11Ginan sa ati pag manga rugar, nag-ati siya sa Asirya bag-u ipinatindug niya ti Ninibi, ti Rihubut Ir, ti Kala 12hanggan ti Risin ati sa tab-anan Ninibi ag Kala usa ka bantug pag banwa.
13Si Misraim ti gimpuunan manga Ludiyu, Aramiyu, Lihabiyu, Naptu, 14Patrusiyu, Kaslu hanggan manga Kapturyu imaw ti gimpuunan manga Pilistiyu.
15Si Kanaan kay ama ni Sidun ag ni Hit.#10:15 Sidun ... Hit: Si Sidun imaw ti gimpuunan manga Siduniyu ag si Hit imaw ti gimpuunan manga Hitiyu. Si Sidun kay panganay. 16Si Kanaan imaw diman ti gimpuunan manga Hibusiyu, Amuriyu, Girgisiyu, 17Hibiyu, Arkiyu, Siniyu, 18Arbadiyu, Simariyu ag manga Hamatiyu.
Igu dugay, nangalat ti manga linahi ni Kanaan. 19Ti katugkaan nida daga ginan sa Sidun atabug sa Girar tugka sa Gasa, ag abut sa Suduma, Gumura, Adma, Sibuyim ag tugka sa Lasa.
20Inda kay manga linahi ni Kam. Ti kada magtal-anakan nida mag-uli sa kanda sadili daga sakup nida nasyun, ag may sadili sida pamagaw.
21Si Sim kay aka ni Hapit imaw ti gimpuunan tanan linahi ni Ibir. 22Kay manga anak lalaki sida ni Ilam, ni Asur, ni Arpaksad, ni Lud ag ni Aram. 23Kay manga anak ni Aram sida ni Us, ni Hul, ni Gitir ag ni Misik. 24Si Arpaksad kay ama ni Sila, ag si Sila kay ama ni Ibir. 25May duwa ka anak lalaki si Ibir: kay usa pinaingarnan Pilig, dahil sa kay kaudasan ti manga tawu naduwa sa kalibutan; kay ikadwa si Huktan. 26Si Huktan kay ama nida ni Almudad, ni Silip, ni Hasarmabit, ni Hira, 27ni Haduram, ni Usal, ni Dikla, 28ni Ubal, ni Abimail, ni Shiba, 29ni Upir, ni Habila ag ni Hubab. Sida tanan kay anak ni Huktan. 30Kanda pag-ulian pag daga ginan sa Misa atabug sa Sipar, sa kabantudan sa butlakan. 31Inda ngani kay manga linahi ni Sim. Ti kada magtal-anakan nida mag-uli sa sadili nida daga sakup nida nasyun, ag may sadili sida pamagaw.
32Inda tanan kay linahi manga anak ni Nuwi sa tuhay-tuhay pag nasyun. Sida ti gimpuunan manga nasyun sa buu kalibutan ginan sa nagkagunaw.
Selectat acum:
Gimpuunan 10: HNN
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Copyright © 2023 by OMF International, Philippines