লুক 17
17
পাপনি বিষিনায়
(মথি ১৮:৬,৭,২১,২২; মার্ক ৯:৪২)
1যীশু নগোমি শিষ্যদো আৰা ব্রাকৌ, “চৗপচিনি সায়চানা উৱো সায় মাঞ্চা; নাত্নে যি মাৰাবনি দ্বাৰায় সায়ঙা উম্রা খিৰ নিগিনি। 2উম্রা ই পৗমৗৰদোনি মাজাৰায় সাকসাৱো চৗপচিতিন্নি চৗইবা উনি তুকুৰায় লহং হালাব হায়মৗন চিকাবৗৰৗইয়ায় বাকায়লাৱোন উন গৗমৗন নেম্মা। 3#মথি 18:15 ননোক অৗপিনি বিষিনায় হুশিয়াৰ সায়।
“নিনি ভৗইয়া যুদি পাপ গাসায়া, উগুৰৗন উৱো লেত, আৰা উম্রা যুদি শুং তালায়া, উগুৰৗন উৱো মাফ গাসায়। 4আৰা উম্রা যুদি সানসায় সিনবাৰ নিনি আকেষায় পাপ গাসায়া, আৰা সিনবাৰ নিনায় ফৗইমৗন ব্রাকা, আং শুং তালায়ৌ উগুৰৗন উৱো মাফ গাসায়।”
বিশ্বাসনি বিষিনায়
5উম্প্রিং দিমসেন মাস্তানি বাৰা প্রভুৱো ব্রাকৌ, “নিঙি বিশ্বাস বাঢ়ায় তিনলাও।”
6প্রভুৱা ব্রাকৌ, “বেশৰ কাৰ কাৰসানি গানা যুদি ননোঙায় বিশ্বাস তৱা, উগুৰৗন নৗং যুদি ই গংসিপিৰ* ফাঙো ব্রাকা, পুৰুকনাংমৗন চিকাবৗৰৗইয়ায় দৗমৗই লৗই, উৱোন উম্রা ননোঙি ক্রৌ মানায়ঙা।
দাসনি তৗৰৗই নিগিনি
7 “আৰা ননোঙি মাজাৰায় চাং তৱা, উনি দাসা পাথাৰায়প্রিং হৗল বৗইমৗন এবা পুৰুন চাৰায়মৗন ফৗইৰৗন উৱো ব্রাঙা, নৗং তিয়ৗন ফৗইমৗন আম্বাকফৗই মায় স্বাহনা? 8উন চৗইবা, ‘ইনি স্বাহনি আহাৰ তৈয়াৰ গাসায়, আৰা আং স্বাহনি নৗঙি মাঞ্চা লাগেত সৗঙায় গামচা হায়মৗন আঙো পতায়; জিখৗমায় নৗংবান স্বাহন মান্না, ইগিনা ব্রাকচানা কনায়?’ 9উ দাসা হুকুম গানা কৗম তৗৰৗইৰৗন, গিৰা উৱো দয়া গাসায়ৌ ব্রাকৗইমৗন ব্রাং কনায়? 10উগুনান ননোঙা যাযা হুকুম লাওঙি সায়ৌ, উৱো বেবাকন দুসুনমৗন, ‘নিং মাগাপচা চৗকিৰ, নিং যিয়ো তৗৰৗই নিগিনি, উৱোসৗন তৗৰৗয়ৌ, ই ক্রৌ ব্রাকা।’ ”
সাছি-কায় কুষ্ঠ ৰোগী তেনেমি
11যিৰূশালেমাং লৗইতোঙায় উম্রা শমৰীয়া আৰা গালীল হাসং মাজাৰতিয়া লৗয়ৌ। 12আৰা উম্রা গসা সঙায় দাংতোঙায়, সাছি-কায় কুষ্ঠ ৰোগীদো পিজানায় চাপতোঙি নৗকৌ। 13আৰা অনোক হত্রাকৗইমৗন ব্রাকৌ, “অৗ যীশু, প্রভু, নিঙো দয়া গাসায়।”
14 #
লেবী 14:1-32
উম্প্রিং উম্রা অনোকো ব্রাকৌ, “লৗই তাংগিৰদো নাঙা লৗইমৗন তৗনৗক্লাৱৗই।”
আৰা অনোক লৗয়ৗং লৗয়ৗং পেনেম সায়ৌ। 15উম্প্রিং অনোঙি মাজাৰায় সাকসা আপোন নেমৗইমৗন, খৗব বৗলাওমৗন ঈশ্বৰ প্রশংসা গাসায়মৗন বালফাঔ। 16আৰা যীশুনি চাপ্লাগায় ব্লৗপৗইমৗন কৗঞ্চৗকঙি লাৱৌ। উম্রা শমৰীয়া মাৰাব। 17যীশু জবাব লাওমৗন ব্রাকৌ, “সাছি-কায় তেনেমি সায়চা কনায়? উগুৰৗন উ সুকু-কায় বিবায়? 18ঈশ্বৰ প্রশংসা গাসায় গৗমৗন, ই সাকসৗন আতাং জৗতিনি বাদে আৰা সাকসাবা মাঞ্চৌ না উতুং?” 19জিখৗমায় উম্রা উৱো ব্রাকৌ, “চাপৗইমৗন লৗই; নিনি বিশ্বাসন নৗঙো তেনেমৌ।”
ঈশ্বৰ ৰাজ্য ফৗইঙি বিষিনায় তৗৰৗং লাওঙি
(মথি ২৪:২৩-২৮,৩৭-৪১)
20ফৰীশীদো উনায় সৗঙৌ, “ঈশ্বৰনি ৰাজ্য বিবা ফৗইঙা?” উম্রা জবাব লাওমৗন অনোকো ব্রাকৌ, “ঈশ্বৰনি ৰাজ্য নৗকমান্নি গানা ফৗইচানা; 21‘ইবায়’ এবা ‘উবায় চৗই’, ইগিনা ক্রৌ তাʼব্রাক, আতাঙা চৗই, ঈশ্বৰনি ৰাজ্য ননোঙি মাজাৰায়ৗন তৱা।”
22জিখৗমায় উম্রা উনি শিষ্যদো ব্রাকৌ, “ইগিনা সময় সকফৗইঙা, জেলা ননোক মাৰাবনি স্বানি সানসা দিন চৗই গৗমৗন ইচ্ছা সায়ঙা, নাত্নে নৗকচানা। 23উ সময় মাৰাবদো ননোকো ব্রাঙা, “চৗই, ‘ইবায় তৱা’, ‘চৗই উবায় তৱা!’ নাত্নে ননোক তাʼলৗই, আৰা অনোঙি জি-জিখৗম তাʼলৗজৗম। 24আতাঙা যেগেনান স্বৗর্গায়ঙি ৰাং চিংলাপমিয়া গসা হাদামায় চিংলাপাৰৗন স্বৗর্গৗনি চৗদৗৰায় আতাঙায় জিসিঙা, মাৰাবনি স্বানি দিনায়বান উগুনান সায়ঙা। 25নাত্নে পৰথমায় উম্রা তৗক্রৗই দুঃখ ভোগৗইঙি আৰা তিংকালায়ঙি মাৰাবনি চাকায় ৰেপ মাসানি সায়ঙা। 26#চঙি 6:5-8 আৰা নহোনি দিনায় যেগেনান সায়তানা, মাৰাবনি স্বানি দিনায়বান উগুনান সায়ঙা। 27#চঙি 7:6-24 যেচিনিং নহোৱা জাহাজ পুমায় দাঙা, উ দিন লাগেত অনোক স্বাহইতানা নৗঙতানা, বিয়ৌ গাসায়তানা আৰা বিয়ৌবান লাওতানা। জিখৗমায় চিকাবৗন ফৗইমৗন বেবাকন গাথাতৌ। 28#চঙি 18:20—19:25 উগুনান লোটনি দিনায়বান যেগেনান সায়তানা, ম্রাদো স্বাহইতানা নৗঙতানা, পৗৰৗইঙি ফালনি গাসায়তানা। কায়তানা, আৰা নৗগৌ হামতানা। 29নাত্নে যেচিনিং সদোমায়প্রিং লোটৱা পতকনাঙৌ, উচিনিং দিনায় স্বৗর্গায়প্রিং বাৰ আৰা গন্দ্রক ক্রৗইফৗইমৗন বেবাকন মায়মৗন লৗয়ৌ। 30উগুনান মাৰাবনি স্বা ফৗইঙি দিনায়বান সায়ঙা।
31 #
মথি 24:17,18; মার্ক 13:15,16 “উ দিনায় যি মাৰাবা নৗগৌ নুৰচাল পিৰায় তয়তা, উম্রা নৗগৌৱায় পাংতোঙি জিনিষদো লান গৗমৗন চৗদৗৰাং তাʼবৗৰৗন; আৰা চাংবা উগুনান পাথাৰায় তয়তাৰৗন উম্রা তাʼবালফৗন। 32#চঙি 19:26 লোটনি মিচিকৱো শুংশুং। 33#মথি 10:39; 16:25; মার্ক 8:35; লুক 9:24; যো 12:25 যি মাৰাবা অৗপিনি চৗল্পাক দেহেং গৗমৗন দাহায়া, উম্রা তামানা, আৰা চাংবা চৗল্পাক তামাৰৗন, উম্রা উৱো দেহেঙা। 34আং ননোকো ব্রাকাং, উ ফাৰায় মৗংনিং সৗন্দৗমায় তয়তোঙায়, অনোঙায়প্রিং সাকসাৱো লালাং সায়ঙা আৰা সাকসাৱো বাকায়তান্তানি সায়ঙা। 35মৗংনিং মিচিক অৗগ্রৗম জাতাৱায় দৗক্রৗতোঙায় সাকসাৱো লালাং সায়ঙা, সাকসাৱো বাকায় তান্তানি সায়ঙা।”#17:35 অৗদৗগ লেখায় ৩৬ তাৰো ইগিনা সুকতানি তৱা, মৗংনিং মাৰাব পাথাৰায় তয়তোঙায় সাকসাৱো লানি সায়ঙা আৰা সাকসাৱো বাকায়ঙি সায়ঙা।(চৗই মথি ২৪:৪০)।
37উম্প্রিং অনোক জবাব লাওমৗন ব্রাকৌ, “অৗ প্রভু বিবায়?”
উম্রা অনোকো ব্রাকৌ, “যিবায় কান পিচ্চি তৱা, উবায় শগন পাল দাতনা।”
Selectat acum:
লুক 17: RABHBSI
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
The Bible Society of India
© 2023, Used by permission. All rights reserved. More
