Susuuon 1
1
Kotimpuunan
(Luk. 1:1)
1-2Sulodku Tipilus, iokuno i Lukas do monulis do buuk kavagu do pokirimonku dikau. Nikirimkuno dikau iso buuk pogulu. Nitulisku iri vinaal di Yisus ontok do sitipo Isido vonuvo, mantad di timpuun Isido kumaraja gosob do pinoinsavat do Kinoringan Isido porikot soi suruga. Om iri nituduk Disido dagai nga pinotulisku. Iri aupo nokoinsavat i Yisus soi suruga, masipo monuduk Isido di tongotulun di piniliJo sumiliu do susuuonJo. I pinonudukanJo nga mantad do kuasa do Tatod Tolidang. 3Mantad diri kinovijaan kavagu di Yisus mantad si kapatajanJo, miguli-guli Isido popointutun diolo diri kojuvanJo#1:3 kojuvan: tinan apat nopulu tadau linaid. Kaantangai nopo dii diolo i Yisus om oilaan diolo do oinomodno do novijau Isido kavagu. Minitangar Isido diolo nong potingkuro i Kinoringan momorinta di tongotulun. 4-5Salaid#1:4-5 Salaid: Salama do siripo i Yisus diolo, om minomilin Isido diolo do irad diti, “I Yaya nopo nga minamatis#1:4 minamatis: minamaptais di tongotulun do vaig, nga auno alaid mantad maino i Kinoringan nopo nga mamatis dikovu do TatodJo Tolidang. Irino tinangarKu dikovu pogulu di nijanji diAmo.#1:4 diAmo: diApa Irad nopo dino, om ada koupo mogidu mantad siti Bandar Yorusalim. Indadon mujupo i Tatod Tolidang,” kadi Yisus.
Pinoinsavat i Yisus silo Suruga
6Om kountunpo dii i tongosusuuon di Yisus si Disido, om duatono dii diolo Isido do ka, “Tuhan, maso maino naku dii suuonNu i tulun Israil momorinta diti vonuvo tokou?” ka.
7Om jinumawap i Yisus diolo, “Aui. Au kovi bo koilo dino do tinantuno diAmoKu#1:7 diAmo: diApa i maso diri sabap do kikuasa Isido kondiri. 8Nga korikotpo i Tatod Tolidang masu si ginavo muju om baru nogi do kikuasa kou do pasaksi Dogo siti Bandar Yorusalim, om kotongkop siti Vonuvo Yudia, om soi Vonuvo Somoria gosob do koompus diti vonuvo,” kadi Yisus.
9Koompuspo dii i tangaronJo, om pinoinsavatno dii di Kinoringan Isido soi suruga. Antangan-tanganpo dii diolo, nga nolimbunanno dii do kavut, om nolijotno dii.
10Salaid diri potingaa iolo mongontong di tavan#1:10 tavan: langit ontok di Yisus mininsavat, tigog kai dii do kivaro duvo tulun#1:10 Iri nopo duvo tulun diri nga moloikat. poingkakat si somok diolo. Ii nopo tulun dii nga kisabung do opurak. 11Nga kadi duvo tulun diri di tongosusuuon di Yisus, “Oou tulun do Golilia, nokuro kou do potingaapo silo tavan? Noiduan kouno di Yisus do pinoinsavat do Kinoringan Isido soi suruga. Nga inong di naantangan muju Isido minsavat soi suruga, om inong nogi diri do lumintuun Isido kavagu siti vonuvo do insan tadau,” kadi duvo tulun.
Gumanti i Motias di Yudas mantad Kampung Koriut
12Om nolijotpo dii di duvo tulun, om minulino dii i tongosusuuon di Yisus silo Bandar Yorusalim antad si Kulud#1:12 Kulud: Kotud Jaitun. Kivaro kama satanga batu kosodu. 13Nokouli nopo dii iolo siri Yorusalim om mindakod iolo siri bilik tutumpangan diolo laid. Iolo nopo nga i Pitrus, om i Yaya, om i Yakub, om iOndorias, om i Pilipus, om i Tumas, om i Botulomius, om i Matius, om i Yakub tanak diAlpius, om i Simun i otoboi maja do pati di bansa kondiri, om i Yudas i tanak di Yakub sangai di Yakub vokon. 14Om kopiiso ginavo di tongosusuuon di Yisus om i Moria, iinojo di Yisus, om i tongotadi di Yisus, om piipiro tongondu do soumur muntun kasangkat do sumambayang.
15Piipiro tadau kinotolibo mantad diri, om minuntun dii iri tongotulun i naparsaya di Yisus. Koguuo nopo di tongotulun diri nga aatus om duvo nopulu kama ginuu. Ingkakatno dii i Pitrus, om pitangarno isido diolo do ka, 16-17“Kosusuladanku, i Yudas nopo nga songkoruanganja, i opulu om duvo susuuon di Yisus, do pinili isido maja-vaja dagai mamaal di kurionja. Nga minangatod i Yudas di tongotulun mongoi manangkap di Yisus. I pogulupo sinuu di Tatod Tolidang i Raja Daud mitangar pasal di Yudas, om nitulis disido iri tinangaran do Kinoringan saralom Kitab. Nga misti do orikot iri tinangaran saralom Kitab,” kadi Pitrus. --
18Pinojual di Yudas i Yisus si tongotulun, om onuai dii diolo isido di siin torogo di karajajo taraat. Onuono dii di Yudas iri siin om irino niboli do tana om sirino kinapatajojo. Nakatampo isido siri tana diri, om tinumudak i tijan, om nokovulaino dii iri tongotinaijo. 19Om kasangkat iri tongotulun siri Yorusalim nga nokorongou diri, jadi pinonguranan i tana do i tangar diolo kondiri do “Akaldama”. Komoion nopo dii nga “Tana do Raa”. --
20Nga kadi Pitrus kavagu, “Iradno diti nitulis di Daud si Buuk do Sinding#1:20 Sinding: Lolongoi roiton do Masmur pasal di Yudas do ka,
‘Iduan i valaijo om sumiliu do pogun,
om ada tulun mijon silo vagu,’ kadi Daud.
Om nitulis di Daud kavagu irad diti,
‘Aandai do kivaro tulun vokon sumuvoli di karajajo,’
kadi Daud.#Antangai Buuk Sinding 69:25; 109:8.
21-22Misti iumon tokou iso tulun pogontion di Yudas poruangon dagai di opulu om iso susuuon di Yisus, do sumaksi di kinovijaan kavagu di Tuhan Yisus. Nga misti pilion tokou iri iso tulun sino dikovu di tongotulun iri soumurno maja-vaja dagai di opulu om duvo tulun di Yisus ontok diri poirunggumpo i Tuhan Yisus siti daton#1:21 daton: ditokou mantad diri pamatis#1:21 pamatis: pamaptais i Yaya di tongotulun gosob diri tadau pinoinsavat do Kinoringan i Yisus soi suruga,” kadi Pitrus.
23Om pinogotuvang i duvo kojuvan di tongotulun. Iolo nopo nga i Motias om i Jusip. Ngaran koduvo di Jusip nga Barsabas, om pongindoitanjo nopo nga Justus. 24-25Om sumambayang iolo di Yisus do irad diti, “Ou Tuhan dagai, Ikano koilo do ginavo di tongotulun. Irad nopo diti nga potudukono iti duvo tulun nong sinombo iri piniliNu sumuvoli di Yudas mamaal diti karaja do susuuon. Noiduan di Yudas i karajajo, om minongolu isido si tapui naraka, i pantokjo,” kadiolo. 26Noopod nopo dii iolo sumambayang do irad diri nga tondopono dii di Motias om i Jusip iri vatu. Nga noontok dii i Motias om irino dii pinoruang diri opulu om iso susuuon di Yisus.
Selectat acum:
Susuuon 1: LabukPKV
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© 1995, Wycliffe Bible Translators, Inc. All rights reserved.
