Versete biblice populare din Susuuon 1

Partajează

Nga korikotpo i Tatod Tolidang masu si ginavo muju om baru nogi do kikuasa kou do pasaksi Dogo siti Bandar Yorusalim, om kotongkop siti Vonuvo Yudia, om soi Vonuvo Somoria gosob do koompus diti vonuvo,” kadi Yisus.

Om jinumawap i Yisus diolo, “Aui. Au kovi bo koilo dino do tinantuno diAmoKu i maso diri sabap do kikuasa Isido kondiri.

Salaid do siripo i Yisus diolo, om minomilin Isido diolo do irad diti, “I Yaya nopo nga minamatis di tongotulun do vaig, nga auno alaid mantad maino i Kinoringan nopo nga mamatis dikovu do TatodJo Tolidang. Irino tinangarKu dikovu pogulu di nijanji diAmo. Irad nopo dino, om ada koupo mogidu mantad siti Bandar Yorusalim. Indadon mujupo i Tatod Tolidang,” kadi Yisus.

Mantad diri kinovijaan kavagu di Yisus mantad si kapatajanJo, miguli-guli Isido popointutun diolo diri kojuvanJo apat nopulu tadau linaid. Kaantangai nopo dii diolo i Yisus om oilaan diolo do oinomodno do novijau Isido kavagu. Minitangar Isido diolo nong potingkuro i Kinoringan momorinta di tongotulun.

Koompuspo dii i tangaronJo, om pinoinsavatno dii di Kinoringan Isido soi suruga. Antangan-tanganpo dii diolo, nga nolimbunanno dii do kavut, om nolijotno dii.

Salaid diri potingaa iolo mongontong di tavan ontok di Yisus mininsavat, tigog kai dii do kivaro duvo tulun poingkakat si somok diolo. Ii nopo tulun dii nga kisabung do opurak. Nga kadi duvo tulun diri di tongosusuuon di Yisus, “Oou tulun do Golilia, nokuro kou do potingaapo silo tavan? Noiduan kouno di Yisus do pinoinsavat do Kinoringan Isido soi suruga. Nga inong di naantangan muju Isido minsavat soi suruga, om inong nogi diri do lumintuun Isido kavagu siti vonuvo do insan tadau,” kadi duvo tulun.