Génesis 11
11
K'éri ka iótati ma erápatakua Babeli
1Iámu k'uiripu ma parhakpenirhu anapu ma uantakuakusï jurhenapti uantani ka no jarhaspti máteru jasï uantakua. 2Enkaksï jurhiata antarakuarhu ísï uératini uérapka, pákua máksï Sinari xentaspti ka jaipanhentani ka jimaksï pakaraspti irekani. 3Arhip'erasptiksï: Ju je iauarhi úkata úni ka niniraakachi, ka nóchi tsakapu jimpo tsïntsïaka, iarhi úkata jimpo tsïtsïaka 4ka uátasptiksï iách'ka je: Ju je k'éri ireta ma úni ka iótati ma erap'atakua úni enka auantarhu jamperi niáraaka, ka iápuruchi mítekateuaka enkachi ampe parhakpenirhu etsakurhiska.
5ACHA kétsespti k'éri iretarhu, k'éri iretani ka eráp'atakuani exeni enka k'uiripu úni jápka. 6Ka uantapsti: Íksï márku úkorhentasti jimpokaksï ma jásï uantakuak'usï uantaak'a, ka k'éri ampeksï úkorhexati, ka uáatiksï úni, ampe enkaksï xáni eratseaka úni. 7Kétsepirinkachi ka mámaru jasï uántankuechani jurhentani eskaksï nóteru uák'a kurhankutsperani.
8Jiáni uératini ACHA iámu parhakpeni etsakuaspti ka nóksï k'amaraspti k'éri iretani uaxastani. 9Jimposï k'éri iretani Babeli jakankurhit'i, jimpoka jimasï mámaru uantakua jurhentaaka ka jima uératini etsakuaspti iámu parhakpeni.
Semiri sïrukuecha
10Ístiksï Semiri sïrukuecha: Semi iumu ekuatse (100) uéxurhini jatiri Arfaxadani kánkorhespti, tsimani uéxurhini nitamasptia enka iurhentpenhapka. 11Enka Arfaxadani kamapkia, Semi ma irepeta ka uimu ekuatse (500) uéxurhini irekaspti, ka máteru sapichani kaaspti nanaka ka tatakechani.
12Arfaxada ma ekuatse ka témpeni uimu (35) uéxurhini jatirispti enka Sélajini kánkorhepka. 13Enka na Selajini kámpkia, Arfaxada ma irepeta ka tanimu (403) uéxurhini jatirispti enka máteru sapichani tataka ka nanakechani kaapka.
14Sélaji ma ekuatse ka témpeni (30) uéxurhini jatirispti enka Éberini kánkorhepka. 15Ka Sélaji máteru ma irepeta ka tanimu (403) uéxurhini irekaspti enka máteru sapichani nanaka ka tataka kaapka.
16Éberi ma ekuatse ka témpeni ka t'amu (34) uéxurhini jatirispti enka Pélegini kánkorhepka. 17Enka na Pelegini kamapkia, Éberi ma irepeta ka ma ekuatse ka témpeni (430) uéxurhini jatirispti enka máteru kaapka nanaka ka tataka sapichani.
18Pélegi ma ekuatse ka témpeni (30) uéxurhini jatirispti enka Reúni kánkorhepka.
19Peleji témpeni ekuatse ka iumu t'amu (209) uéxurhini irekaspti enka Reuni kámapka, ka sánteru sapichani kaaspti.
20Reú ma ekuatse ka témpeni tsimani (32) uéxurhini jatirispti enka Serugini kánkorhepka. 21Reú, Serugini kánkorhespti ka irekaspti máteru témpeni ekuatse ka iumu tsimani (207) uéxurhini ka kaaspti máteru nanaka ka tataka sapichani.
22Serugi ma ekuatse ka témpeni (30) uéxurhini jatirispti enka Najorini kánkorhepka. 23Enka na Najorini kánkorhespti, Serugi máteru témpeni ekuatse (200) uéxurhini irekaspti ka máteru sapichani kaaspti tataka ka nanakechani.
24Najori ma ekuatse ka uimu t'amu (29) uéxurhini jatirispti enka Térajini kánkorhepka. 25Enka na Terajini kamapkia, Najori máteru ma ekuatse ka témpeni ka iumu t'amu (119) uéxurhini irekaspti ka kaaspti máteru sapichani nanaka ka tatakechani.
26Téraji tanimu ekuatse ka témpeni (70) uéxurhini jatirispti enka Abrami, Najori, ka Jaranini kaapka.
Térajiri sïrukuecha
27Iksï jintesti Térajiri sïrukueni: Téraji, Abrami, Najori, ka Jaranini, kánkorheaspti ka Jarani, Lótini kánkorhespti. 28Ka Jarani urhetku uarhispti eska táte jempa Táre, jima uarhipsiti enka Uri Kakdeouecheripka echeri, enka Jarini antap'epka.
29Abrami ka Najori tempechaniksï erakukorheaspti, Abramiri tempa Sarai jakankurhisïrempti ka Najoriri tempa Milká jakankurhisïrempti imani enka, Jarani ka Milká uáp'epka ka Iskeri táte jémpepka. 30Sarai no úsïrempti sapichani káani.
31Taréji páaspti Abramini enka uáp'epka ka Saraini enka tarhaskuepka ka Lóti nimakua jempani, Uri kaldeo uákuspti, ka Kanaani ísï niraspti enkaksï Jarani ísï nitamani jápka jimaksï pakaraspti irekani. 32Térajiri jima uarhispti Jaráni enka témpeni ekuatse ka iumu (205) uéxurhini jatiripka.
Selectat acum:
Génesis 11: BI-PURHE
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Biblia en P´urhépecha, Michoacán, México © Sociedad Bíblica de México, A.C.