Matteiu 8
8
CAP. VIII.
1E scesu ch’ ellu fu da lu monte, lu seguì molta ghiente:
2Ed eccu che venne un leprosu, che l’ adurava, dicendu: Signore, se tu voi, mi poi mundà.
3E Ghiesù stindendu la manu, lu tuccò, dicendu: Lu vogliu, sii mundatu. E subitu la so lepra fu mundata.
4E Ghiesù li disse: Bada di nun dillu a nissunu: ma vai a fatti veda a lu sacerdote, e offri lu donu prescrittu da Musè, perch’ ellu li servi di prova.
5Quandu ellu intrava in Cafarnau, s’ avvicinò d’ ellu un Centurione, pregandulu,
6E dicendu: Signore, lu me servu è stesu in la me casa paraliticu, ed è malamente turmentatu.
7E Ghiesù li rispose: Viniragghiu, e lu guarisciaragghiu.
8Ma lu Centurione rispundendu, disse: Signore, nun so’ degnu, che tu entri in la me casa: ma dì sulamente una parola, e u me servu sarà guaritu.
9Eiu so’ un omu sottumessu a lu putè, ed agghiu sottu di me di li suldati, e dicu a quessu: Vai, ed ellu va: e ad un altru: Veni, ed ellu vene: ed a lu me servitore: Fa quessu, ed ellu lu face.
10Sintendu stu discorsu Ghiesù restò maravigliatu, e disse a li so’ seguaci: Vi dicu in verità, nun agghiu truvatu tanta fede in Isdraellu.
11E vi dicu, che molti vinirannu da livante, e da punente, e sidirannu cun Abramu, ed Isaccu, e Ghiacobbe in lu regnu di li celi:
12Ma li figlioli di lu regnu sarannu ghittati nele tenebre esteriori: e culà ci sarà u piantu, e lu stridu di li denti.
13E Ghiesù disse a lu Centurione: Vai, e che ti sii fattu, secondu che tu hai cridutu. E lu so servu fu sanatu in quellu mumentu.
14Ed essendu andatu Ghiesù in la casa di Petru, truvò la sociara, che ghiacia cun la febbre:
15E li tuccò la manu, e la febbre si n’ andò, ed ella s’ arrizzò, e si misse a servali.
16Versu la sera, li ne purtonu molti, che avianu li dimonii in corpu: ed ellu scacciava cun la so parola li spiriti: e guarì tutti quelli, ch’ eranu malati:
17Affinchè fusse adempitu quellu, che dice lu prufeta Isaia, dicendu: Ellu stessu s’ è pigliatu le nostre infirmità: ed ha purtatu li nostri malanni.
18Ma Ghiesù videndu una gran quantità di ghiente intornu ad ellu, urdinò a li so’ discipuli, che si passasse a l’ altra banda di lu lagu.
19Ed un scriba essendusi avvicinatu, li disse: Maestru, eiu ti seguitaragghiu, unde tu vadi.
20E Ghiesù li rispose: Le volpi hannu la so tana, e l’ acelli di lu celu li so nidi: ma u Figliolu di l’ omu nun ha duva ripona lu so capu.
21Un altru di li so’ discipuli li disse: Signore, permettimi prima d’ andà a suppellì lu me babbu.
22Ma Ghiesù li rispose: Seguiteghiami, e lascia li morti suppellì li so’ morti.
23Ed essendu cullatu sopra la barca, li so’ discipuli lu seguitonu:
24Ed eccu che si mosse una gran tempesta in mare, di modu che la barca era tutta cuperta d’ acqua: ellu poi si ne durmia.
25Allora li so’ discipuli s’ avvicinonu ad ellu, e lu discettonu, dicendu: Signore, salvaci, murimu.
26E Ghiesù li disse: Per cosa avete paura, ghiente di poca fede? Allora alzandusi, cumandò a li venti ed a lu mare, e si fece una gran calmaria.
27Allora l’ omi ristonu maravigliati, dicendu: Qual è quessu, a lu quale li venti, e u mare ubbidiscunu?
28E quandu dopu sbarcatu al di là di lu lagu, fu intratu in la terra di li Ghieraseni, li vensinu incontru dui omi, che avianu li dimonii in corpu, e che surtianu da le sepulture, ed eranu cusì furiosi, che nissunu putia passà per quella strada.
29Ed eccu che gridavanu, dicendu: Cosa avemu da fà cun te, o Ghiesù figliolu di Diu? Se’ ghiuntu qui prima di lu tempu per turmentacci?
30C’ era vicinu ad elli una gran banda di porci, che pascia.
31Li dimonii poi lu pregavanu, dicendu: Se ci scacci da quì, mandaci in la banda di porci.
32Ed ellu li disse: Andate. Ed elli surtendu, si n’ intronu in li porci, ed allora tutta la banda cun impetu si precipitò in lu mare: e s’ annigò in l’ acqua.
33Allora li pastori si ne fughinu: ed essendu ghiunti in la città, raccuntonu ogni cosa, e lu fattu di quelli, che avianu li dimonii.
34Ed eccu che tutta la città surtì a l’ incontru di Ghiesù: ed avendulu vistu, lu pregonu d’ andassine da quelli lochi.
Selectat acum:
Matteiu 8: CORS1861
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Published in London in 1861.
