Gyenesis 18
18
Isak awo ho Bɔhyɛ
1Na AWURADE yii ne ho kyerɛɛ no wɔ Mamre pɔw mu, na ɔte ne ntamadan pon ano awia ketee. 2#Heb 13.2 Na ɔmaa n'ani so hwɛe, na hwɛ, mmarima baasa abegyina ne ntentenso. Na ohuu wɔn no, ofii ne ntamadan pon ano tuu mmirika kohyiaa wɔn, na ɔbɔɔ ne mu ase, 3kae sɛ: me wura, sɛ manya w'anim anuonyam a, mesrɛ wo, ntwa w'akoa ho nkɔ. 4Ma wɔnkɔsaw nsu kakra bi mmra ɛ, na monhohoro mo anan ase, na monhome dua yi ase. 5Na mekɔ makɔfa abodoo kakra maba, na mode adwudwo mo koma, na ɛno akyi no moakɔ, na enti na mobɛfaa mo akoa nkyɛn yi. Na wose: Yɛ sɛnea woaka yi. 6Na Abraham yɛɛ ntɛm kɔɔ Sara nkyɛn ntamadan mu kae sɛ: Yɛ ntɛm, fa asikresam pa susukora abiɛsa, fɔtɔw to tetare. 7Na Abraham tuu mmirika kɔɔ anantwi mu kɔkyeree nantwi ba a oye, na ne nam bɛyɛ mmerɛw na ɔde maa ne somfo bi, na ɔyɛɛ ntɛm yɛɛ aduan no. 8Na ɔfaa nufusu ani srade ne nufusu ne nantwi ba a osiesiee no no, na ɔde besii wɔn anim; na ɔno de, ogyinaa wɔn anim dua no ase, na wodidii.
9Na wobisaa no sɛ: Wo yere Sara wɔ he? Na ose: Hwɛ, ɔwɔ ntamadan mu. 10#Gye 17.19; Rom 9.9 Na wɔn mu biako kae sɛ: Ampa ara, mɛsan maba wo nkyɛn afedan sesɛɛ, na hwɛ, wo yere Sara anya ɔba. Na Sara tee wɔ ntamadan pon a ɛwɔ n'akyi no ano. 11Na Abraham ne Sara nyinaa anyin, na wɔadi mfirihyia pii, na nea ɛyɛ mmea no to atwa wɔ Sara ho. 12#Gye 17.17; 1 Pe 3.6 Enti Sara serewee ne mu kae sɛ: Sɛ manya mawie aberewa bɔ na me wura nso abɔ akwakoraa yi, na menya anigye? 13Na AWURADE bisaa Abraham sɛ: Dɛn nti na Sara serewee sɛ: So ampa ne ampa na manyin yi mɛwo ba? 14#Luka 1.37 So biribi yɛ AWURADE yɛna? Bere a mahyɛ no, mɛsan maba wo nkyɛn afedan sesɛɛ, na Sara anya ɔba. 15Na Sara sanee sɛ: Menserewee ɛ, efisɛ osuro. Na ose: Daabi, na woaserew.
Abraham di ma Sodomfo
16Na mmarima no sɔre fii hɔ dan wɔn ani kyerɛɛ Sodom, na Abraham ne wɔn kɔe kogyaa wɔn kwan. 17Na AWURADE kae sɛ: So memfa nea merebɛyɛ yi minsie Abraham anaa? 18#Gye 12.3 Efisɛ ampa ara, Abraham bɛyɛ ɔman a ɛso na ɛwɔ tumi, na ne mu na wobehyira wiase aman nyinaa. 19#Deut 6.7; 32.46 Na mahu no mayi no sɛ ɔnhyɛ ne mma ne ne fifo a ebedi n'akyi sɛ wonni AWURADE kwan so nyɛ adetrenee, mmu atɛntrenee, na AWURADE ama nea waka Abraham ho no aba no so. 20#Gye 19.13 Na AWURADE kae sɛ: Sodom ne Gomora nteɛm so, na wɔn nnebɔne yɛ duru dodo nti, 21#Gye 11.5; Nnw 34.15-16 meresian makɔhwɛ sɛ wɔayɛ sɛnea nteɛm a edu me nkyɛn no te anaa; na sɛ ɛnte saa a, mahu. 22#Gye 19.1 Na mmarima no dan wɔn ani fii hɔ kɔɔ Sodom, na Abraham de, na ɔda so gyina AWURADE anim ara.
23 #
Deut 16.22; 2 Sa 24.17 Na Abraham twiw bɛn kae sɛ: So wobɛpra ɔtreneeni ne ɔbɔnefo abom agu anaa? 24Ebia sesɛɛ atreneefo aduonum wɔ kurow no mu, so wobɛpra wɔn agu, na atreneefo aduonum a ɛwɔ mu no nti woremfa mfiri kurow no anaa? 25Eyi mpare wo sɛ wubedi saa asɛm yi, sɛ wubekum ɔtreneeni ne ɔbɔnefo afra, na ɔtreneeni ayɛ sɛ ɔbɔnefo; eyi mpare wo. Nea obu asase nyinaa atɛn no remmu atɛntrenee anaa? 26#Yes 65.8; Mat 24.22; Hes 22.30 Na AWURADE kae sɛ Sɛ mihu atreneefo aduonum Sodom kurow mu a, wɔn nti mede mefiri kurow no nyinaa. 27Na Abraham buae sɛ: Hwɛ, meyɛ mfutuma ne nso de, nanso masi me bo sɛ me ne AWURADE bɛkasa: 28Se ebia atreneefo aduonum no so tew anum a, so anum no nti wobɛsɛe kurow no nyinaa? Na ose: Sɛ mihu aduanan anum wɔ hɔ a, merensɛe hɔ. 29Na Abraham toaa so kasa kyerɛɛ AWURADE bio sɛ: Ebia wobehu aduanan wɔ hɔ. Na AWURADE buae se: Aduanan no nti merenyɛ. 30#Ate 6.39 Ɛnna ɔkae sɛ: Mma AWURADE bo mmfuw, na ma menkasa: Ebia wobehu aduasa wɔ hɔ. Na ose: Sɛ mihu aduasa wɔ hɔ a, merenyɛ. 31Na ɔkae sɛ: Hwɛ, masi me bo sɛ me ne AWURADE bɛkasa. Ebia wobehu aduonu wɔ hɔ. Na ose: Aduonu no nti merensɛe hɔ. 32Na ɔkae sɛ: Mma Awurade bo mmfuw, na menkasa prɛko pɛ yi: Ebia wobehu edu wɔ hɔ. Na ose: Edu no nti merensɛe hɔ. 33Na AWURADE ne Abraham wiee ɔkasa no, ɔkɔe, na Abraham san baa ne fi.
Selectat acum:
Gyenesis 18: ATWDB
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Revised Akuapem Twi DC Bible © Bible Society of Ghana, 2017.