Mateus 3
3
Johanes i bohernou.
1-2Le rang ogo Johanes, ndremda surhi su, gin meher, i da le margoba, le gor Juda, i bohernou, i boi: Garbelueni bern ademu gor lundielang i meher, i da baghege malabo. 3I ogo, Provet Jesaia i gin hondre le aden: Ngasen i da le marboga, i loholo, i boi: Ghinen sal ad Ndorlaben, ghinen sal aden monen. 4Johanes, salo aden i lomon meh, i hosi i le gogei aden. Gan anen i gusiandas e guner. 5Su masi ber Jerusalem, ma su ber Juda, su gor masi, su da baghege ndran Jordan, su hilou le ndro i. 6I gsurhi su le ndran Jordan. Su boharni longu asu momen. 7Ar i gin ilndri su Pharasi mabosanged, ma su Sadusi, su la born ndro i, i vong le ndro su, i bai: Desa umu meher ndro io mundramed momen, mu ndurmoad ge, sie gin henunuen mu danmu vob le gord ad Jehova i da mehere? 8Garbelueni bern ademu, aga mbuegei hian, i da le gei ademu. 9(aga i vonei bern houen). Mbue hanguruen ogoro: Abraham i da damdu, i da ndro du. Ndangen io boi le ndro mu: Jehova i danen ilgi ndurn le ndro Abraham gle bad lie. 10Malabo mordo i da le ngondrngei. Gei heie, sengen aden hian bui, Jehova na gsindrdi i, i gbieni le moan. 11Io surhi mu ge le ndran, e belueni bern ademu gle houen, muren homo i gmeher i ndoa hanu io de vonei bui, io dari sumianegen. I ge i gsurhi mu gle Meluan Helian, ma gle moan. 12I hedi baselsil gle nemen, i abseri lobohonum gle rosan ge. Sengen hian i ghurdi me geherong le um aden, gulgon momen, molhege, i gbieni le moan, moan de somad bui.
Johanes i surhi Jesus.
13Boen Jesu i me Galilea, irgai le ndran Jordan, i la ndro Johanes i lengi Johanes na gsurhi i. 14Johanes i mburen, i vong, i boi: Io gsurhi uo derbe, hian surhi io hanu. 15Jesu i bode: Bisenden, duoro leng hinen long masi, dege Jehova ia lengi. Muren Johanes i somui ri. 16Be Johanes gin surhi Jesus boen, Jesu me belengan lie. Malabo lang i reu. Johanes i ilndri Meluam Jehova i me ndro Jesu, dege bal si. 17I hirong ngasen ber lang, i da loh, i bai: I ogo, i nduro goloisden i, io mugueni i.
Selectat acum:
Mateus 3: LLENT
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Published by the British and Foreign Bible Society 1956
