Kufuma 38
38
1Akakiareha kisiko cha itasi la kushota cha mti wa mshitta: mikono misano wueza wakwe, na mikono misano kuarama kwakwe; kuarangamba; na mikono mitatu kutonga wanga kwakwe. 2Akaareha mbembe jakwe hena nganda jakwe ’nne; mbembe jakwe jikaoka huwo: akakifinikira na usango. 3Akaareha viya vyose vya kisiko, masufuria makwe, na maghembe makwe, na mabakuli makwe, na mabongo makwe, na viya vya moto vyakwe viya vyakwe vyose eviareha usango. 4Akaiarehia kisiko kindu sa nyavu si ya ikindo lakwe mtano ghati yakwe. 5Akaareha hena kuchangarua pete nne hena nganda nne ja nyavu ya usango, handu hena mitikio. 6Akaiareha mitikio ya mti wa mshitta, akaifinikira na usango. 7Akaingija mitikio na pete jioho mbai ja kisiko, ya kukitika, akakiareha kisiko kisina kindu ndeni, na maboho.
8Akaliareha birika la usango, na kughuu kwakwe usango, la vioo vya wache wewunganyika, wewunganyika mbengeni ha hema la mawunganyiko.
9Akakiareha kiwanza: mbai wa kusini hena kusini mawaniko ma kiwanza ma nguo ya kitani kiiwitwe, mikono ighana: 10Ngujo jawo makumeri, na mawiko mawo ma usango makumeri; vichunga vya ngujo na vijunguluko vyawo vya fetha. 11Na hena mbai ya kaskazini mawaniko ma mikono ighana, ngujo jawo makumeri, na mawiko mawo ma usango makumeri; vichunga vya ngujo na vijunguluko vyawo fetha. 12Na hena mbai ya kigwa‐izuwa mawaniko ma mikono makumi masano, ngujo ikumi, na mawiko mawo ikumi; vichunga vya ngujo na vijunguluko vyawo fetha. 13Na hena mbai ya ngaghenya, ngaghenya mikono makumi masano. 14Mawaniko ma mbai mwe mikono ikumi na misano; ngujo jawo ndatu na mawiko mawo matatu. 15Na hena mbai ya keri ya mbenge ya kiwanza, uko na uko, mawaniko ma mikono ikumi na misano; ngujo jawo ndatu na mawiko mawo matatu. 16Mawaniko mose ma kiwanza mbai jose ma nguo ya kitani kiiwitwe. 17Na mawiko ma ngujo ma usango; vichunga vya ngujo na vijunguluko vyawo, fetha; kufinikira kwa mito yawo, fetha; na ngujo jose ja kiwanza vikajungulukwa ni fetha. 18Na waniko la mbenge ya kiwanza liokie ndima ya sindano, ngoningoni, na ngundu, na irotome, na nguo ya kitani kiiwitwe: wueza wakwe mikono makumeri, na kutonga wanga hena kuarama kwakwe mikono misano, ma kuringanana na mawaniko ma kiwanza. 19Ngujo jawo nne, na mawiko mawo ma usango manne; vichunga vyawo fetha, na kufinikira kwa mito yawo na vijunguluko vyawo fetha. 20Na misomari yose ya hema, na ya kiwanza mbai jose, ikaoka usango.
21Kutara kwa hema, nilo hema la luwondjo, sandu latariwa, hena aghanyo la Musa, hena ndima ya Walawi, hena mkono wa Itamari, mwana wakwe Harun mkohani. 22Naye Bezaleel mwana wa Uri, mwana wa Hur, wa mbare ya Yuda, akaareha vyose Mzuri emwaganyie Musa. 23Na kimwe naye Aholiab, mwana wa Ahisamach, wa mbare ya Dan, msongoi, na mwaria, na machumi wa ngoningoni, na ngundu, na irotome, na nguo ya kitani kiiwitwe. 24Thahabu yose iingia na ndima ghati ya ndima yose ya heshenete, niyo thahabu ya king’olwa, ikaoka talanta makumeri na kenda, na shekeli maghana mafungate na makumi matatu, hena shekeli ya heshenete. 25Na fetha yawo wetarika wa mawunganyiko ikaoka talanta ighana, na shekeli maghana ikumi na mafungate na makumi mafungate na sano, hena shekeli ya heshenete. 26Beka hena mundu ose, niyo ihindi la shekeli, hena shekeli ya heshenete, hena ose etonga kutarika, mwenye miaka makumeri na ekelie, hena wandu maghana ikumi kandu maghana matandatu na tatu na maghana masano na makumi masano. 27Na talanta ighana ja fetha makachangaruka mawiko ma heshenete, na mawiko ma pazia: mawiko ighana ma talanta ighana, talanta hena iwiko. 28Na vya shekeli maghana ikumi na fungate na makumi mafungate na sano akaareha vichunga vya ngujo, akajifinikira mito akajigera vijunguluko. 29Na usango ung’olwe talanta makumi mafungate, na shekeli maghana ikumi kandu keri, na maghana manne. 30Na hena uo akaareha mawiko ma mbenge ya hema la mawunganyiko, na kisiko cha usango, na nyavu yakwe ya usango, na viya vyakwe vyose. 31Mawiko ma kiwanza chajunguluka, na mawiko ma mbenge ya kiwanza, na misomari yose ya hema, na misomari yose ya kiwanza kijunguluke.
Selectat acum:
Kufuma 38: TAVETA
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.