Luka 21
21
OMUHEREZO GWA KIFWERWA IBA. — KUKAMBUKA KWA YERUZALEMU N’EKLEZIA YAYO.
1Ka yalozire, nabona abatamoga emiherezo zabo mu bubiko, abahango. 2Nabona na kifwerwa iba ogwo muhabi, natamo chapa ibili. 3Nagira ati: Nkubagambira koto okwo kifwerwa iba muhabi onu yatamo kukira bona. 4Kuba banu bahereze omuherezo gwa Mungu ha bwingi bw’ebyabo; nawe onu naihamo mu bukene bwe nahereza ebyo sanga ali nabyo byona.
5Abandi baliga nibatenga eby’eklezia, okwo eli n’amabale mazima n’okwo esugulikirwe n’ebintu by’emiherezo, nabagambira ati: 6Ebyo mukubona ebyo, enaku ziliza ezo ibale litalisigara ha luguru lw’ibale, eliliba litakambukire#21, 6 Lora Matayo 23, 32.. 7Nibamubuza nibagira bati: Mwolekerezi, ebyo biligwa lihi? kai n’olunyamo ni luha, ebyo ka bilitandika kubaho? 8Wenene nagira ati: Mulore mutalizigwa; kuba bengi balizira mw’izina lyange nibagira bati: N’ine, enaku zerire hehi. Mbe aho mutabaruba. 9Ka mulihulira obulemo n’obumanga, mutalitina; ebyo bili no kutandika kubaho, nawe kuhereruka tikukwiza aho n’aho. 10Aho nabagira ati: Ihanga lilimukira ihanga, n’obukama bulihagalikana n’obukama bundi. 11Namutikima y’amani elibaho ahandi, n’emizibwe, n’enzala, n’ebikutinisya mw’igulu, n’enyamo mpango zilibaho#21, 11 Enyamo ezitamize zikabonekana mu naku za Yeruzalemu kusingarika, kai ihara izito muno ly’eklezia nilyekingura lyonene lyonka, n’ebindi bityo. 12Nawe obusyo y’ebyo byona, balitandika kubakwata, balibanaranaza, balibasagara mu masomero na mw’ibohero, balibahicha ha bakama n’abatware, kubera izina lyange; 13nawe muligirwa mutyo mube mbona. 14Mwetegeke mu mitima zanu okwo mutaliba no kutekateka ebyo mulasubamo; 15kuba ine ndibaha akanwa n’obwenge, obwo batalihicha kuhakana no kusinga, abo mulihakanisyanya nabo bona. 16Abazere banu, n’abatabani banu, n’abanaluganda banu, n’abanwani banu, nibo balibakwata, kandi abandi bo mul’ imwe balibeta; 17mulihatwa bona ha bw’izina lyange. 18Nawe si tihaliburaho isoke limo lya ha mutwe gwanu. 19Mulibona emyoyo zanu mu kweguminsiriza kwanu. 20Ka mulibona Yeruzalemu nezingirwa embaga y’abarwani, mumanye okwo kusingarika kwayo kuli hehi. 21Aho niho abali Buyahudi berukire mu mabanga; kai abali mu kikale hagati bahuruke; n’abali mu nsi za hehi baleke kutahamo. 22Kuba ezo nizo enaku z’enzigu, niho ebyandikirwe bihike byona. 23Nawe abaliba n’enda n’abalyoncha mu naku ezo baligabona! Kuba halibaho obunale bwingi mu nsi n’ebiniga ha bantu abo. 24Baligwa ha bwogi bw’embanda, kandi balibasagara nk’embohe mu mahanga gona, kai Yeruzalemu elilibatirwa amahanga, kuhika enaku z’amahanga zilihikira#21, 24 Byona bikahika nk’okwo Yezu yaliga alagire: Abayahudi baketwa bengi muno, kai kingaha bakasagarwa mu bwiru mu mahanga gona g’ensi..
KWIZA KW’OMWANA W’OMUNTU. — KWEKENGA NO KULEMBEREZA.
25Kandi enyamo ziliba mw’izoba na mu kwezi na mu nenezi, na mu nsi amahanga galihaha ha bwo kuhulira enanza n’amakonzo nigarunduma, 26abantu balyomibwa obutini no kulindirira ebilizira ensi zona; kuba amani go mw’igulu galitengesibwa. 27Aho balibona Omwana w’omuntu naiza mu mere n’obukuru bwingi n’ikuzo. 28Kai ago ka galitandika kwiza, mulore, mwinamuke, kuba kuchunguka kwanu kuli hehi. 29Nabateramo olugani ati: Mulore omutini n’amati gona. 30Ka gatandika kuraba, mwamanya okw’olwanda luli hehi. 31Nikwo n’emwe, ka mulibona ago nigeza, mumanye okw’obukama bwa Mungu buli hehi. 32Koto nkubagambira nti: Oluzaro lunu tilulihwaho, ago gona gatakahikire. 33Igulu n’ensi bilihwaho, nawe amagambo gange tigalihwaho.
34Mwemanye, emitima zanu zitagumibwa akalirire n’etamiro n’ebikuhahya byo mu buzima bunu, olunaku olwo lutabapampukiza; 35kuba nk’ikokoro alizira bona abatwire ha luguru lw’ensi yona. 36Mbe nimwikare mulozire nimulembereze buli katungu, niho musangwe muhikire kwiruka byona ebiliza obusyo, no kwemerera mu meso g’Omwana w’omuntu.
37Musana yayolekereraga mw’eklezia; kai mu kiro yarugamoga kugenda kwikara mw’ibanga elyo bakweta bati: Zituni. 38Kandi abantu bona bamubaliriraga mw’eklezia kumuhulira.
Selectat acum:
Luka 21: KED1946
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
First published in 1946 by the White Fathers. Published online with the permission of the White Fathers.
