Luka 15
15
Ing'onzi nsowe
(Mateyu 18:12-14)
1Wanda wumwi wakasonchezya wamusonko nawawembu wayile kwe Yesu mukumwivwa. 2AwaFalisi nawasambilizya wamasundo awatalika ukukwinuluka wakuti, Umuntunye wee akupochelelanga awawembu awalya nawo! 3Achaleka Yesu awumila umulumbenye woo ati,
4Wuzye ndi wumwi ali ning'onzi umwanda lelo ndiyonga yasowa wuzye akachita wuli? Akusyanga ing'onzi zinji amakumi mufundikambali nimfumila mufundikambali mulutala aya mukvwamba yino yasowa asuka ayizana. 5Ala wayizana, ayiwika paviweya vyakwe awazewela, 6ayitwala kukaya. Ngapano ayite iviwuza vyakwe apah: ponga nawawuye, awanene ati, Aleni zewelanji nani! Amuno indi nichimwemwe pakuzana ing'onzi yane yino? yasovile. 7Nkuwanena nkuti, Awuliwonga namwiyulunye mulipona ukuzevya kumuwembu wenga wino watontolokwa ukulusye awantu walungamane amakumi mufundikambali nimfumila mufundikambali wane watanga wafwa nukutontolokwa.
Ulundalama lusowe
8Nanti ndi amwanachi-chi wino ndi ali nindalama ikumi asovye longa—wuzye angachita wuli? Akakozya ulukozyo, apyela mung'anda, awavwamba ichete-chete asuka aluzana. 9Ale waluzana, ayita iviwuza vyakwe nawawuye, ati Zevyanji nani! Amuno nazana ulundalama luno nasovizye. 10Nkuwanena nkuti, Awuliwonga namwiyulunye, kuwangeli wakwe Leza kukapona ukuzewela kumuwembu wenga wino watontolokwa.
Umwana musowe
11Yesu alandalila nukuvwanga ati, Umuntu wumwi walinji nawanawonsi wawili. 12Umuzuna anena yisi ati, Tata, mpa ichipyanwa chane ichansawo yako. Achaleka umuntu ayankania insawo yakwe kuwanakwe wowili. 13Ayala manda yapita matichi umuzuna akazya ichipyanwa chakwe ngapano asenda indalama awapita. Aya kunsi yakutali akuno aya asampania indalama zyakwe mukuchita uwuwelewele. 14Asumbania vyonsinye vmo walinji navyo. Ichinkumbili chikulu achipona munsi yoyonye, apano asowa nichakusyala nacho. 15Achaleka aya mukuwomba imilimo kumukaya wamunsinye yoyo, amutuma kuchalo chakwe kukuchema wakapoli. 16Awakumbuchila ukuti angalya amapapa yano wakapoli walyanga, ukuwa umuntu wakumupa kamwi asowa. 17Pansizi ayipanzya ati, Awawomvi wakwe tata wonsinye wakaiva awatangazya, nenji indi koo nkufwa linzala! 18Nakatuka inje kwe tata, ikamunene inti, Tata, nawembuka cwiyulu nakwewewe. 19Ntazipila ukwitwa umwanako; kanonzi ndeka imbe ngati awumwi uwawawomvi wako. 20Ngapano akatuka aya kweyisi.
Ala achili apatali yisi amulola; ichilanda achimulema, amusamalila, amukukula, amufyompa. 21Umwana weni anena yisi ati, Tata, nawembuka kwe Leza nakwewewe. Ntazipila ukwitwa umwanako. 22Ukuwa yisi anena awawomvi wakwe ati, Yangufyani! Letani umwinjilo wuzima nkani mwize mumuzwike, mumuzwike nimbalaminwe mwikasa lyakwe nindyatu kumanama yakwe. 23Yanji kaletani umwanang'ombe mwine mwize mukome, muleke tuzewele tulye ichakulya! 24Amuno umwananenye wee wafwile, ukuwa wawa amumi swinya; wasovile, ukuwa wee wazanwa. Achaleka awatalika awawalya awazevya.
25Pampindinye yoyo, umwanakwe ekatote walinji mulutala. Ala pane akuwela, pane wapalamila kung'anda, ayivwa indwimbo nukuchina. 26Ayita umuwomvi wumwi, ati, Ngakuli chani? 27Umuwomvi ati, Umunyonko ayizile, nu'so amukomezile ichawila chamwanang'ombe, amuno awezile ulumi numutende. 28Umukulu wakwe avitwa nkaninye akana nukwinjila mung'anda; ukuwa yisi afuma aya amulambilizya ukuti ayinjile. 29Atolelela yisi ati, Silola, imyaka nukuvula yino nakuwombela ngati nemuzya, swinya nsitela nsule amasundo yako. Nga ukatela umpa chani? Nimbuzi yakuzevezya pachakulya chakuyitopwa nawanji yasowela kumwi! 30Ukuwa umwanako wee weni won on a insawo yako yonsi muwuzelele, ukuwa pane wiza wamukomela umwanang'ombe mwine! 31Yisi amutolelela ati, Mwanane, wenji ukuwanga nani penye navyonsi vino indi navyo avyako. 32Ukuwa twazipila ukulya ichakulya chakuzevya mbali
nichimwemwe, amuno umunyonko wafwile, wawa amumi swinya; wasovile, ukuwa wee wazanwa.
Selectat acum:
Luka 15: WWN82
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Chinamwanga Bible © United Bible Societies, 1981.
