LUKE 22
22
1 Oku loto ae kakai Jiu he fakabogi a Kalaisi. 3 Oku hu a Setani kia Jutasi ke ne lavaki‘i a Kalaisi. 7 Oku teu e he kau abosetolo ae Lakaatu. 19 Oku fokotuu e Kalaisi ae ohomohe tabu, 21 oku ne fakaha ae lavaki‘i. 24 Oku ne taofi ene kau akoga ke oua te nau fielahi. 31 Oku ne fakaha kia Bita e ikai mate ene tui: 34 ka te ne fakafijiga‘i ia o liuga tolu. 39 Oku ne hu i he goue, bea ne mamahi. 47 Oku lavaki‘i ia aki ae uma: 50 oku ne fakamoui ae teliga o Malikusi 54 Oku fakafijiga e Bita kiate ia o liuga tolu. 63 Oku gaohi kovi ia, 66 bea ne fakaha koe Alo ia oe Otua.
1BEA nae ofi mai ae katoaga oe ma tae mea fakatubu, aia oku ui koe Lakaatu. 2Bea nae fifili e he kau taulaeiki lahi moe kau tagata tohi be fefe‘i e nau tamate‘i ia; ka naa nau manavahe ki he kakai.
3Bea hu ai a Setani kia Jutasi nae higoa ko Isikaliote, koe taha ia i he toko hogofulu ma toko ua. 4Bea alu ai ia, o nau alea moe kau taulaeiki lahi moe kau matābule, be fefe ene lavaki‘i ia kiate kinautolu. 5Bea naa nau fiefia, o alea fakababau ke atu ha baaga kiate ia. 6Bea loto ia ki ai, o ne lamaji ke tuumalie ene lavaki ia kiate kinautolu i he ikai i ai ha kakai.
7Bea hokojia ae aho oe ma tae mea fakatubu, aia oku totonu ke tamate‘i ai ae feilaulau oe Lakaatu. 8Bea fekau‘i eia a Bita mo Jone, o behe, Mo o, o teuteu ae feilaulau oe Lakaatu maa tautolu, koeuhi ke tau kai. 9Bea naa na behe kiate ia, Koe botu fe oku ke loto ke ma teuteu ai? 10Bea behe eia kiate kinaua, Vakai, i hoo mo hu ki he kolo, te mo fetaulaki moe tagata oku ne fua ae hina vai; mo muimui iate ia ki he fale e hu ia ki ai. 11Bea mo behe ki he eiki oe fale, Oku behe mai ae Eiki kiate koe, Kofaaia ae botu te mau kai ai ae feilaulau oe Lakaatu mo eku kau akoga? 12Bea e fakaha eia kiate kimoua ae botu lahi i oluga kuo teu‘i: bea mo teuteu ai. 13Bea naa na o, o na ilo o hage ko ene lea kiate kinaua; bea naa na teuteu ae feilaulau oe Lakaatu. 14Bea kuo hokojia ae feituu efiafi, bea nofo hifo ia, moe kau abosetolo e toko hogofulu ma toko ua. 15Bea behe eia kiate kinautolu, Kuou holi i he holi lahi, ke tau kai mo kimoutolu ae feilaulau oe Lakaatu ni i he teeki ai teu mate. 16He oku ou tala atu kiate kimoutolu. E ikai teu toe kai ia, kae oua ke fakamooni ia i he buleaga oe Otua. 17Bea too eia ae ibu, o ne fakafetai, o behe, Too eni, o tufaki kiate kimoutolu: 18He oku ou tala atu kiate kimoutolu, E ikai teu inu i he fua oe vaine, kae oua ke hokojia ae buleaga oe Otua.
19Bea too eia ae ma, o ne fakafetai, mo tofitofi ia, o ne atu kiate kinautolu, o behe, Ko hoku jino eni, aia kuo foaki koeuhi ko kimoutolu: fai eni i he fakamanatu kiate au. 20Bea hili ae ohomohe nae too foki eia ae ibu, o behe, Koe ibu ni koe fuakava foou i hoku toto, aia oku liligi koeuhi ko kimoutolu.
21Kae vakai, koe nima o ia oku ne lavaki‘i au, oku iate au i he keinagaaga. 22Bea koe mooni oku alu ae Foha oe tagata, o hage koia kuo tuutuuni: ka e malaia ae tagata koia te ne lavaki‘i ia! 23Bea naa nau kamata fakafehuiaki iate kinautolu, be kohai ia iate kinautolu e fai ae mea ni.
24Bea nae ai ae kikihi foki iate kinautolu, be kohai iate kinautolu e lahi. 25Bea behe eia kiate kinautolu, Koe gaahi tu‘i oe Jenitaile oku nau bule‘i akinautolu: bea ko kinautolu oku bule kakaha, oku nau ui akinautolu koe agalelei. 26Ka e ikai behe iate kimoutolu: ka ko ia oku lahi iate kimoutolu, tuku ke tatau ia moe ki mui; bea mo ia oku bule, ke tatau mo ia oku tauhi. 27He kohai oku lahi, ko ia oku ne nofo o kai, be ko ia oku ne tauhi? ikai ko ia oku nofo o kai? ka oku ou iate kimoutolu o hage ko ia oku tauhi. 28Ko kimoutolu ia kuo nofo mau mo au, i hoku gaahi ahiahi. 29Bea oku ou tuutuuni kiate kimoutolu ha buleaga, o hage koe tuutuuni a eku Tamai kiate au; 30Koeuhi ke mou kai mo inu i he eku keinagaaga i hoku buleaga, mo nofo i he gaahi nofoa, o fakamāu ae faahiga e hogofulu ma ua o Isileli.
31Bea nae behe e he Eiki, Saimone, Saimone, vakai, oku holi a Setani kiate kimoutolu, koeuhi ke ne fakataga‘i akimoutolu o hage koe uite. 32Ka kuou hufia koe, ke oua naa mate hoo tui: bea oka ke ka toe liliu, ke ke tokoni ko kaiga. 33Bea behe eia kiate ia, Eiki, teu alu mo koe ki he fale fakabobula moe mate. 34Bea behe eia, Bita, oku ou tala kiate koe, E ikai uua ae moa i he aho ni, kae oua ke tuo tolu hao fakafiji, o behe, oku ikai te ke ilo au. 35Bea behe eia kiate kinautolu, I he eku fekau atu akimoutolu tae ha kato baaga, be ha kato kai, be ha tobuva‘e, naa mou majiva i ha mea? Bea nau behe, Ikai. 36Bea behe ai eia kiate kinautolu, Ka ko eni, ko ia oku ma‘u ae kato baaga, ke ne too ia, bea moe kato kai foki; bea ko ia oku ikai haane heleta, ke fakatau eia a hono kofu, bea ma‘u ai ha taha. 37He oku ou tala atu kiate kimoutolu, koe tohi ni, Bea nae lau fakataha ia moe kau agahala, e fakamooni iate au: he koe gaahi mea oku kau kiate au e fakamooni ki ai. 38Bea naa nau behe, Eiki, vakai, ko eni ae heleta e ua. Bea behe eia kiate kinautolu, Oku lahi. 39Bea ha‘u kituaa ia, o alu ki he mouga oe Olive, o hage ko ene faa fai; bea muimui a ene kau akoga kiate ia. 40Bea kuo hoko ia ki he botu, bea ne behe kiate kinautolu, Mo lotu ke oua naa mou higa ki he ahiahi. 41Be mahui ia iate kinautolu, o hage koe lijiaga maka hono mamao, bea tuulutui, mo lotu, 42O ne behe, E Tamai, kabau ko ho finagalo, ave ae ibu ni iate au: kae oua naa fai hoku loto, ka koe finagalo oou. 43Bea nae fakaha mai ae agelo mei he lagi kiate ia, o ne fakamalohi ia. 44Bea moua ia i he mamahi lahi, bea ajili ai ene lotu fakamatoato: bea ko ene tautaa koe taataa nae to i he tulutaa lalahi ki he kelekele. 45Bea tuu hake ia mei he lotu, o ha‘u ia ki he ene kau akoga, o ne ilo akinautolu oku nau moumohea i he mamahi. 46Bea behe eia kiate kinautolu, Koeha oku mou mohe ai? mou tuu o lotu, telia naa mou to ki he ahiahi.
47Bea lolotoga ene lea, vakai, koe kakai, bea mo ia nae ui ko Jutasi, koe taha i he toko hogofulu ma toko ua, nae muomua ia kiate kinautolu, o ne unuunu atu kia Jisu ke uma ki ai. 48Ka nae behe e Jisu kiate ia, Jutasi, aku ke lavaki‘i ae Foha oe tagata aki ae uma? 49Bea kuo mamata akinautolu nae iate ia aia e hoko, naa nau behe kiate ia, Eiki, te mau ta‘i aki ae heleta?
50Bea nae ta‘i e ho nau toko taha ae tamaioeiki ae taulaeiki lahi, o ne motuhi hono teliga toomatau. 51Bea leaage a Jisu, o behe, Tukua, kuo lahi eni. Bea ne ala ki hono teliga, o fakamoui ia. 52Bea behe e Jisu ki he kau taulaeiki lahi, moe kau bule oe fale lotu lahi, moe kau mātua, nae ha‘u kiate ia, Kuo mou omi moe gaahi heleta, moe gaahi akau, o hage ki ha kiahaa? 53I he eku iate kimoutolu i he fale lotu lahi i he aho kotoabe, nae ikai mafao atu ha nima kiate au: ka ko ho mou feituubo eni, moe malohi oe fakabouli.
54Bea naa nau buke ai ia, bea taki o omi ia ki he fale oe taulaeiki lahi. Bea nae muimui mamao atu a Bita. 55Bea kuo nau tafu ae afi i loto fale, o nau nonofo fakataha, bea nofo ki lalo a Bita mo kinautolu. 56Ka nae mamata kiate ia ae kaunaga e toko taha i he ene nofo ofi ki he afi, o ne jio fakamama‘u kiate ia, mo behe, Nae iate ia foki ae tagata ni. 57Bea fakafiji ia, o behe, E fefine, oku ikai teu ilo ia. 58Bea toe jii moe mamata kiate ia ae toko taha kehe, o ne behe, Oku ke o nautolu foki. Bea beheage a Bita, E tagata, oku ikai. 59Bea hili nai ae feituubo e taha, mo ene lea fakababau ae toko taha, o behe, Koe mooni nae iate ia foki ae jiana ni; he koe Kaleli ia. 60Bea beheage e Bita, E tagata, oku ikai teu ilo aia oku ke lea ki ai. Bea fakafokifa be, i he ene kei lea, nae uua ae moa. 61Bea tafoki ae Eiki ki mui, o ne jio kia Bita, bea manatu‘i e Bita ae lea ae Eiki, i he ene behe kiate ia, E teeki ai uua ae moa, kuo tuo tolu hao fakafijiga iate au. 62Bea alu kitua a Bita, o tagi mamahi.
63Bea koe kau tagata nae buke a Jisu, naa nau manuki‘i o ta‘i ia. 64Bea hili e nau nonoo hono mata, naa nau jibi‘i hono mata, o fehui kiate ia, o behe, Mate mai, kohai ia oku ne jibi‘i koe? 65Bea nae Iahi ae mea kovi kehekehe naa nau lea aki kiate ia. 66Bea i he ene aho, nae fakataha leva ae kau mātua oe kakai moe kau taulaeiki lahi moe kau tagata tohi, o nau taki ia ki ho nau botu fakamāu, o nau behe, 67Ko koe koe Kalaisi? tala mai kiate kimautolu. Bea behe eia kiate kinautolu, Kabau teu tala kiate kimoutolu, e ikai te mou tui: 68Bea kabau teu fehui foki, e ikai te mou tala mai kiate au, be tukuage au. 69Ka hili eni, e nofo ae Foha oe tagata i he nima toomatau oe mafimafi oe Otua. 70Bea nau behe ai kotoabe, He koe Alo koe oe Otua? Bea tala eia kiate kinautolu Oku mou behe, bea ko au ia. 71Bea naa nau behe, Koeumaa kiate kitautolu mo ha fakamooni? he kuo tau fanogo akitautolu mei hono fofoga oona.
Selectat acum:
LUKE 22: TWB
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
