Malika 10
10
1-12: Mat. 19, 1-9.
1Neke baho ańańulage neke ahelelage ukuhuma baha kivungu kikyo, neke akafikage mu-ńi ja mu-Judaja, imwambu jila ja Jolodana. Neke baho avanu vakunikilage valundanilage, pe ali umwene. Neke umwene avadalikilage inôngwa, ndevye avadalikilaga mbêpali. 9, 33.
2Neke baho ava-Fwalisaja neke vahegeledzage ukwakwe neke lwali lwa kugemya. Neke vamuvudzage vatigilage: ndavuli uveve, vona kugolwike umugosi pakumugotola umudala vakwe?
3Neke na ju mwene neke nave apilusage neke atigilage: u-Mose mundagi idzi, dze alagye, atigye kiki?
4Neke avene vatigilage: umwene Mose ujo idike atigye andikilwage ihâte ja kulekana neke agotolwage. Mat. 5, 31. 32.
5Neke baho Jesu atigilage: pakuva avavwene uvukângafu vwa numbula dzeńo, kye alesile ayandi-kilage ululagi nde ulu nde.
6Neke apene pavwamulilo pala, pe agavaga fyonda Nguluvi, avagavile numukigosi numukidala.
7Kye alesile umunu ala-leka nudadye nuṅina.
8Neke baho ve vavīli ava vihambuka ńama ja muvili jimwinga hela. Apo swe valulekile nulwa kuya vavili, hamu vahambwike ńama ja muvili jimwinga.
9Neke lino kye ahudike Nguluvi, kili mwîko ukukihudula umunu.
10Neke kangi kukâja inôngwa idzi neke kangi avańigendwa vakwe neke vamuvudzage.
11Neke umwene avalongelage atigilage: je aku-muleka umudala vakwe neke amutolage ujungi, ujo adumwe uvutolane. Luk. 16, 18.
12Napo kangi na ju mukidala, ngana ihuma kwa mugosi vakwe neke akisope kwe jungi, apo nave adumwe uvutolane.
13-16: Mat. 19, 13-15; Luk. 18, 15-17.
13Neke baho vamuletelage avâna, vatigye umwene akavabase; neke avene avańigendwa vakwe neke vavakabusage, avavaletaga avâna.
14Neke umwene Jesu, avye avavwene, neke adzinage neke atigilage: muvaleke avâna vadzage ukwangu, mutane ukuvabedza; ndivwene avali nde ava, ve vene-navo uvutwa vwa Nguluvi.
15Ndakyene ndikuvavula nditigila: je asikuvwa-nukila uvutwa vwa Nguluvi ngita mwâna, ujo asilingila nambi ponu. Mat. 13, 3.
16Neke baho avapagatage neke avavikage namavoko, avafuńage. 9, 36.
17-31; Mat. 19, 16-30; Luk. 18, 18-30.
17Neke avye ihega baho, ilungamila kuṅasi, neke baho umunu jumwinga neke ańililage mumuvili neke afugamage ukwakwe neke amuvudzage atigilage: ve muvulanidzi, ve munofu, unene ndilime kiki ikya kuhalila uvûmi vwa mbêpali?
18Neke umwene Jesu atigilage: uvwene kiki neke utigilage ndili munofu unene? Sipwali umunofu, munofu jumwinga swe, ju Nguluvi.
19Udzidzelye indagi najuve, nulwitigila utane ukuvulaga nulwitigila utane ukudumula uvutolane nulwitigila utane ukuhidza nulwitigila utane ukumudetela umujago uvudesi nulwitigila utane ukumukońa umunu nulwitigila umuginyage udado nuńoko.
20Neke baho umwene atigilage: ena, ve mwiganidzi, mwe ndigendye ukuhuma pavwâna.
21Neke baho Jesu neke amulolage neke amwe-ndage neke atigilage: pokali kamwinga akakusumile uveve. Lino uhelelage, ukagule ikyûma kyako kyonda, uvagavahidzage avahangala, apo swe vwiva vwivikye ikyûma kya kukyâńa, apo pe ukadze, uninile unene. 8, 34; Mat. 10, 38.
22Neke baho umwene ańeńelwage neke swe ahelelage, ve ahuguvye; avwene ali mumosi.
23Neke baho Jesu avalolesage avańigendwa vakwe neke atigilage: luli navutalamu avasafi pakwingila muvutwa vwa Nguluvi!
24Neke baho avańigendwa vakwe neke vakuvilage mbandu ilidzwi lyakwe ili. Neke kangi Jesu avwilage atigilage: ńe vâna vangu, luli navutalamu pakwingila muvutwa vwa Nguluvi. 1. Tim. 8, 17.
25Kwebepe ningamila pakwingila mukalyango ka singano numusafi pakwingila muvutwa vwa Nguluvi.
26Neke baho avańigendwa vakwe vongeledzage ukujejevuka munumbula neke vatigilage: apo humbi alapona ani?!
27Neke baho Jesu avalolesage avańigendwa vakwe neke atigilage: avanu avo lwilema neke Nguluvi lusikumulema hamu; ndivwene Nguluvi kisimu-lemile kinu.
28Neke baho u-Petele amulage neke atigilage: lolage unefwe tufilekile fyonda ifyesu, tuninilye ukwako.
29Neke Jesu atigilage: ndakyene ndikuvavula, umunu asikufileka hela ni-ńumba navanakwavo navahadzave navaṅina navadadye navâna nimigunda, hamu je akufilekela mwitavwa lyangu na pa lyevangeli lyangu,
30ujo alanukila ifińigana pakimwlnga kwen’eńi ija pasi iji na ji ńumba na vanakwavo na vahadzave na vaṅina na vâna na gi migunda vuhanga nukufwimwa, ve valanukila nuvûmi uvusisila ponu mumihagulile gyamyâka, igikwadza.
31Volofu na valongodzi valavedza va mumbele, volofu na va mumbele valavedza ve valongodzi.
32-34: Mat. 20, 17-19; Luk. 18, 31-34.
32Neke lino vali pikasi, pe vinukilaga ku-Jelusaleme. Neke umwene Jesu alongwe kuvulongolo, neke baho avene vakuvilage mbandu neke avene, avamuninilaga mumbele, neke vogopage. Neke kangi Jesu avinulage avańikyumi navavili neke avavulanidzage idzikola mukumwadzila, 9, 31.
33neke atigilage: mulolage twikwinuka, twilungama mu-Jelusaleme kwe umwâna va munu vidzikumusutula kuvatekedzi avavina na kuvaka-gulihâte, ve valamukelela ulwa kufwa; kangi ve vene avańa-kumusilihidza kuva-pivâla,
34ve vidzikumujejevula, vidzikumufuńila namati kumîho, kwe vidzikumutova nisondzo, kwe vidzikumuvulaga, neke umwene pakigono kya vudatu aladzulubuka umwene.
35-45: Mat. 20, 20-28.
35Neke baho vahegēlelage ukwakwe avamwa-Sebedaja, ve vavīli, na Jakovo na Johana neke vatigilage: ve mululema, tutigye tuńilike kinu, kye utupelage uveve.
36Neke umwene atigilage: fiki, fye mutigye muńilike ukwangu?
37Neke avene vatigilage: tukatigye vona twivonda tukikalanilage naveve, pe ulava vwadzile mundolo dzako, ujungi kwivoko ilya ndyo, ujungi kwivoko ilya ṅigi.
38Neke umwene Jesu apilusage atigilage: mwińilika kitaluvona. Simwi-lemwa pakuńwa ikińwelo, kye ndikola mukuńwa unene, simwilemwa ukudzabikwa uludzabiko, lwe ndikola mukudzabikwa unene? 14, 36; Luk. 12, 50.
39Neke vatigilage: nda tusilemwa. Neke umwene Jesu neke avavulage neke atigilage: ikińwelo kyangu ikyo hikyo muku-kińwaga, nuludzabiko lwangu ulo hulo muladzabikwa. Apos. 12, 2; Luv. 1, 9.
40Neke lino uvwikala ku ndyo na ku ṅigi ukwangu, ago si malimo gangu pakumupela umunu, hamu, apo valikala va vagungule, ve avagungwe ju mwene.
41Neke baho avańikyumi, pe valupulike ulu, neke baho vakole mukuva-dzinila mbandu ava-Jakovo na-Johana.
42Neke baho Jesu avakemelage neke atigilage: muvadzelye avihambulwa vatwa va vanu ukuta vakuvaginilidza avangi, navavina muvadzelye ukuta vakuvibata ngufu avavanda vanavo. Luk. 22, 25-27.
43Neke lino uńeńe mutane ukuva nalo ululi nde ulu, hamu, uńeńe ngana mujińo itigila mbedzage nde mukomi june kwe ńe vajangu, apo ujo pavagye ukuta adzukage muńa-kuvalimil’avangi. 9, 36.
44Neke na je itigila mbedzage ndi mulongodzi june kwe ńe vajangu, ujo pavagye ukuta avedzage muvanda kwe ńe vajagwe.
45Ndivwene na ju mwâna va munu asadzile mukulimilwa kuvangi, hamu, adzile mukulimila avangi, adzile mukugutavula umutima gwakwe, guvedzage lifungu lya volofu.
46-52: Mat. 20, 29-34; Luk. 18, 35-43.
46Neke baho vakafikage mu-Jeliko. Neke vavye vihuma mu-Jeliko na ju mwene navańigendwa vakwe neke nikipuga kya vanu, neke vamuvonage umubofu amîho, u-Balatimaja, umuswamuve va Timaja, ikadzile pikasi palubali, ihuṅunya fya kuhuṅunya.
47Neke avye apulike ukuta je Jesu uva mu-Nasalete idzumbanidza neke baho akole mukukemela neke atigilage: ve muswamuve va Davidi, ungamyanila!
48Neke avangi avanu vamukabusage vatigilage: bê udzike! Neke lino umwene ongeledzage mbando neke atigilage: ve muswamuve va Davidi, ungamyanila!
49Neke baho Jesu image neke atigilage: mumuke-melelage kuno. Neke baho vamwinulage umubofu amîho neke vatigilage: uveve uńamalage hela, vwimage, akukemelye.
50Neke baho umwene neke atagage umwênda gwakwe pasi neke ańaṅamukage, ahelelage kwa Jesu.
51Neke baho Jesu amuvudzage atigilage: ukatigye ngitage ndavuli naveve? Neke umwene umubofu neke atigilage: ndika ndilolage amîho gangu, ve mulugu vangu.
52Neke umwene Jesu atigilage: uhelelage, lukunanidze ulufuvo lwako. Neke baho adindukage nakalingi hela neke baho amuninilage napaṅasi.
Selectat acum:
Malika 10: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
