Mataji 4
4
1-11: Mal. 1, 12. 13; Luk. 4, 1-13.
1Neke baho Jesu ańamulilwage kwa Mubepo kuluṅalaṅala, ukuta kwe akagemwage. Heb. 4, 15.
2Neke baho, pe ahwe ifigono amakyumi gataji kitalya na pamûńi na pakilo, neke baho adaganage.
3Neke baho ahegēlelage umugemi neke amulo-ndzage u-Jesu atigilage: ngana uli muswamuve va Nguluvi, ungalongaga kumaganga aga, gahambukage filyo.
4Neke Jesu apilusage atigilage: loliwe ulwa kuta: „Umunu asiponela fi filyo fyene, hamu, ga madzwi, agihuma mumulomo gwa Nguluvi, ge gene ge iponela umunu.“
5Neke baho umuhēsi amuńamulilage kukâja indzimike jijo neke amwinusage pikińa patembele. 27, 53.
6Neke alongage ukwakwe atigilage: ngana uli muswamuve va Nguluvi, apo ukidukilage pasi, ndivwene lolilwe ulwa kuta: „Alakulagilila avańa-mwandza vakwe, valakudende-lyusa namavoko ganavo, usilibumidza ulwajo lwako pe liganga.“
7Neke Jesu amulongelage atigilage: kangi nalo lolilwe ulwakuta: „Utane ukumugemya Nguluvi, umutwa vako.“
8Neke kangi umuhēsi amuhelelage nave pakidunda ikitali neke amulangudzage vonda uvutwa vwa ńi nindolo dzavo
9neke atigilage: fyonda ifindikukupela, ngana vwifugama neke uhongedzage ukwangu.
10Neke baho Jesu amulongelage atigilage: uhege apangu, ve Setanw’ave ridivwene lolilwe ulwa kuta: „uhongedzage ku kwa Nguluvi, umutwa vako, je mwene je umulimilage musuma jujo.“
11Neke baho umuhēsi amulekage Jesu; neke avańa-mwandza vadzage vamulimilage umwene. Joh. 1, 51; Heb. 1, 6. 14.
12-17: Mal. 1, 14. 15; Luk. 4, 14. 15.
12Neke baho Jesu avye apulike; ukuta Johana asutulilwe, neke atyegelage mu-Galilaja. 14, 3.
13Neke ahamage mu-Nasalete neke ahelelage akadzengage kukâja ku-Kapelenahumu palubali lwa ńandza, pe dzabakanye ińi nija mu-Sevulono nija mu-Nafatali.
14Ukuta luvilatukage, lwe alongaga umuvidzi Jisaja,
15pe atigilaga: „Nińi ja mu-Sevulono nija mu-Nafatali, idzifudiṅine nińandza, nija mwambu kula ku-Jolodana nija mu-Galilaja ija vakwivala,
16avanu, avivujila mukîsi, valuvwene ulumuli ulukomi, navikalile mu-ńi ja kufwa na mu mwigîgi gwa kufwa, luvahohomokye ulumuli.“
17Neke baho Jesu amulage ukudalika neke atigilage: mupitukage, ndivwene uvutwa vwa kukyâńa vuhegelye. 3. 2.
18-22: Mal. 1, 16-20; Luk. 5, 1-11.
18Neke Jesu, pe igenda palubali pańandza ja mu-Galilaja, neke avavonage avali kyanamunu vavili, na-Simono, je vitigila Petele ilitavwa, na ju munuṅuve u-Andeleja. Neke avonage visopa ulwâfu lwa kulovela isomba muńandza, pakuva vali valofi.
19Neke alongage kuvene atigilage: muninīlage ukwangu, li lino ndilavaha-mbusa valofi va vanu. 13, 47.
20Neke baho avene nakalingi vadzilekage baho indzafu dzanavo neke vamuninilage jujo. 19, 27.
21Neke pe ahumile baho ukugenda, neke avavonage avāli kyanamunu navo vavili, na-Jakovo na-Johana, avamwa-Sebedaja, neke avonage vitotaindzafu dzanavo muvwâto nudadavo Sebedaja. Neke navo avakemelage ndeni.
22Neke navo nakalingi vadzilekage baho indzafu dzanavo nuvwâto vwana-vo neke vaninīlage ukwakwe.
23Neke Jesu agenda-gendage pa-ńi jonda ija mu-Galilaja, neke avadalikilage indzanga muluholanilo lwanavo neke aviganidzage amapelela amanofu ga vutwa neke avapumunusage navanu avańa-mbungo navańa-fitamwa. Mal. 1, 39; Luk. 4, 15. 44; Apos. 10, 38.
24Neke apulisage monda namu-Sili. Neke vamuletelage ju mwene navatamwa vondavonda avagendaga nimungo dzanavo neke nukupumuka nava gyavafikile imibepo imivîfu na ve gwavatovile umwêdzi navańa-kitamwa kya litēla, neke vonda avapumunusage. Mal. 6, 55.
25Neke vamuninilage avanu ifipuga ifyolofu, navahuma mu-Galilaja nava mu-Dekapōli nava mu-Jelusaleme nava mu-Judaja nava mwambu jila ja Jolodana. Mal. 3, 7. 8; Luk. 6, 17-19.
Selectat acum:
Mataji 4: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
