Luka 9
9
1-6: Mat. 10, 1. 7. 9-11. 14; Mal. 6, 7-13.
1Neke baho avalundasage avańikyumi navavili neke avapelage nuvutavulilwe numulomo gwa vutwa gwa kudagila imidemono, nugwa kuhose-hedza nifitamwa.
2Neke avatumage mukudalika uvutwavwa Nguluvi neke na mukuhōsa avatamwa.
3Neke avalongelage atigilage: munasi mutane ukukŏlela kinu, nambi nulusondzo, nambi ibogolo, nambi ifŭka, nambi namalupija, na dzi sopeka dzitane ukuva dzivili.
4Neke ngana mwingye mwe ńumba, mwe mukikalage mumo, ukufika pamihegele kangi kuko. 10, 5-7.
5Neke vonda, avasiku-vanukila, avo mukavahegele mukâja janavo, mukavapumunile na lu lufuna lwa mundzajo dzeńo, dze dzivedzage dza volesi kuvene. 10, 11.
6Neke baho neke vahelelage neke vamaliṅasage ikâja dzonda, neke vadalikage ilyevangeli monda-monda, neke vavapumu-nusage navanu avatamwa.
7-9: Mat. 14, 1. 2; Mal. 6, 14-16.
7Neke baho na ju Helodo umutwa neke apulikage idzavonekaga. Neke baho agajangajage hela, pakuva avonaga avangi vitigila: je Johana, adzulubwike kuvafwe.
8Avangi vatigilaga: je Elija, avumbwike. Avangi vatigilaga: je muvidzi jumwi uva pangogo, adzulubwike.
9Neke umwene Helodo neke atigilage: u-Johana ndadumwe june umutwe gwakwe. Neke umwene uju je ani, je ndipulika dzonda idzi? Neke asakulage ulwa kumuvona. 23, 8.
10-17: Mat. 14, 13-21; Mal. 6, 30-44; Joh. 6, 1-13.
10Neke baho av-Apositili vavye vapilwike, neke vagotolage dzonda, dze valimile. Neke umwene neke avatyegelage navo neke akidevulage navo kukikâja kimwi, kye vitigila Betesajida.
11Neke avene avanu neke vamuvonage neke baho vamuninilage ikipuga. Neke umwene avanu-kilage neke avavulage idza vutwa vwa Nguluvi; neke avafumbilwe neke navo avapumunusage.
12Neke vagelanihidzage pe lisamba lisota, pe kwikola mukuhwa, neke baho vahegēlelage ukwakwe avańikyumi navavili neke vatigilage: uvatavulage avanu, vahelelage monda mufikâja na mufilindilo monda, kwe vakagone, vakavambile nifilyo ifya kulya; pakuva umwene muno tuli mwe luṅalaṅala.
13Neke umwene apilusage atigilage: mungava-sangila juńe ifilyo. Neke avene vatigilage: najufwe tusili nafyo ifyolofu nda; dzi sima dza vugali dzihanu nisomba dzivili, fye tuli nafyo swe. Mańi vona tuka tuhelelage, tuvagulilage avanu vond’ava ifilyo.
14Pakuva avagosi kumbilima dzihanu (5000) vafikile. Neke umwene avalongelage avańigendwa vakwe atigilage: muvalongelage, vikalage mundi-mbili mundimbili, na pala makyumi gahanu (50).
15Neke baho vagendelage lulo neke vavikadzage vonda.
16Neke lino baho umwene neke inulage na vu vugali vuhanu vuvo na dzi somba dzivili neke inamukilage kukyâńa neke afifuńage. Neke ameguliṅasage neke avapelage avańigendwa vakwe neke ve vapelanidzage kuvanu.
17Neke baho validzage neke vigutage vonda. Neke valundasage utuvuluvulu, twe valagadzaga, neke fimemage ifihivi likyumi na fivili.
18-27: Mat. 16, 13-28; Mal. 8, 27-9, 1.
18Neke lino avye idevwe neke alapangilage neke navańigendwa pe vali baho, neke avavudzage atigilage: avanu, pe vakundonga unene, vitigila june nani?
19Neke avene vamulongelage vatigilage: avangi vitigila, vwi Johana, avangi vitigila, vwi Elija, avangi vitigila, vwi muvidzi uva pangogo, adzulubwike.
20Neke umwene atigilage: neke lino uńeńe mwitigila, ndi nani? Neke baho amwandage Petele atigilage: vwi Kilisiti va Nguluvi.
21Nfeke baho umwene adzidza’ge mbandu, atigilage: mutane ukululonga kwe jungi umunu.
22Neke atigilage: umwâna va munu muńa-kupumuka mbandu; navandzagila ikisina navatekedzi avavina navakagulihâte valamupemesa, valamuvulaga, neke pakigono kya vudatu aladzulubuka. v. 44; 18, 32. 33.
23Neke baho avalongelage vonda neke atigilage: neke ngana ujungi itigila aninile unene, pavagye idumulage ju mwene neke itwikage nikipindulihidzo kyakwe ifigono fyonda, apo swe adzage mukuninila unene.
24Pakuva je itigila ndigunanyage umutima gwangu, ujo ivya atagile umutima gwakwe. Neke lino je itagila apangu umutima gwakwe, ujo aguponehi-dze ńani. 17, 33; Mat. 10, 39; Joh. 12, 25.
25Ndivwene umunu jikumuvumbulila kiki ińi, nde ajisavage jonda, ngana ijambwidze ju mwene neke alivwage?
26Ndivwene je akwivikila isoni ukwangu na kumadzwi gangu, apo na ju muswamuve va munu nave dzilamuvona isoni ukwakwe, pe alava ikwadzila mundolo dzakwe nidza dadye nidza vańamwandza vakwe avîmike. Mat. 10, 33.
27Unene ndikuvavula ukoluli nditigila: uńeńe, je mwimile baha, povali avangi, avasilagela vafwe, valatala vavuvone uvutwa vwa Nguluvi.
28-36: Mat. 17, 1-9; Mal. 9, 2-9.
28Neke lino baho, avye alongile amadzwi aga, vavye vagonile ifigono nde fihanu na fidatu, neke baho avinulage ava-Petele na Johana na Jakovo neke inukilage navo pakidunda mukulapangila.
29Neke lino, pe alimu-kulapangila, neke ahambukage jungi kumîho, numwênda gwakwe gwiva ndzwe hela ukuṅalita.
30Neke vavonage hava avanu vavili fili mukulongana, vali ve va-Mose na Elija.
31Neke vavonekelage nindolo navo neke valonganage idza mihegele mu-ńi muno, idzali dza kwapulila mu-Jelusaleme. v. 22.
32Neke ava-Petele navajagwe dzavatolile itulo. Neke vavye vilamuka, neke vamuvonage nindolo dzakwe neke vavonage navagosi vavili, ve fimise pamwinga.
33Neke lino, pe vihegau-kwakwe, vihelela, neke baho Petele alongage kwa Jesu neke atigilage: mutw’ave, panofu ukwikala bahano unefwe. Tudzengage amatînga gadatu baha, ilingi livedzage lyako juve, ilingi livedzage lya Mose, ilingi livedzage lya Elija. Neke asadzelaga, lwe ilonga.
34Neke lino, avye ali mukulonga ulu, neke baho vavonage ilifunde likuvasīka. Neke baho vakŏle mukuhilila, pe vavwene vikwingila mwifunde vala.
35Neke baho ilidzwi lihumage mwifunde lilyo litigila: uju je mwâna vangu umuhăle, je mumupu-likage jujo. 3, 22.
36Neke lino, pe lili mukulonga ilidzwi ili, neke baho avonekage ju Jesu mwene. Neke avene vudzikage neke ifigono fi fila vatane ukulonga nambi kwe jungi umunu, dze vadzivwene.
37-45: Mat. 17, 14-23; Mal. 9, 14-32.
37Neke lino pakigono ikyafudike, vavye visulunuka pakidunda, neke baho umwene vataṅanikilage nikipuga kya vanu avolofu.
38Neke baho vavonage umunu mukipuga kikyo ikuta itigila: ve mwiganidzi, ndidedeva ukwako nditigila ungandolela umuswamuvangu uju, pakuva muńa-kimwinga.
39Lolage umubepo gukumwańanidza, neke swe ikuta bahobaho hela neke baho gukumukulūna neke baho itŭta nilifulo. Neke gwihuma molamola hela, pele gumubadzula.
40Neke ndidedevile na kuvańigendwa vako nigye mundosehedzage, neke lino ndivwene guvalemile.
41Neke baho umwene Jesu neke apilusage atigilage: he dâda, vwe vundzila-kufuvwa vuki avanu avalino ava, vwe vwanangifu vuki! Ndilafika nalo pi ulwa kuva pamwi nańeńe, ndilafika nalo pi nulwa kuta mbêpali vona hamu! Umulete kuno umwâna vako.
42Neke lino, pe ihegelela baho, neke baho umudemono amukūńilage pasi neke amuńambāsage. Neke baho Jesu akabusage kumubepo umulamafu ugu neke amunanyage umwâna neke amupelage udadye. 7, 15.
43Neke baho vonda vakuvilage pavuvina vwa Nguluvi. Neke lino baho vonda, vavye vali mukudzuma dzonda, dze avonesaga, neke baho umwene alongage kuvańigendwa vakwe neke atigilage:
44mutegage vunofu amasikidza geńo, mupulihidzage amadzwi, ge ndilonga unene. Ndivwene umuswamuve va munu vikŏla mukumusevulila mumavoko ga vanu hela. v. 22.
45Neke avene nambi valufikage, lwe alongaga, dzali ngita matile ukuta vatane ukudzifika. Nuku-mogopa vamogopaga ukumuvudza, dze alongaga. 18, 34.
46-50: Mat. 18, 1-5; Mal. 9, 33-40.
46Neke baho luvumbu-kage, lwe vahodzaga va vene ulwa kuta: ino unefwe je ani umukomi?
47Neke baho umwene Jesu alukagulage, lwe vahodzaga munumbula dzanavo neke baho amwinulage umwâna neke amuvikage palubali apakwe.
48Neke avalongelage atigilage: je ikumwanukila mwitavwa lyangu umwâna uju, ujo andzanukye unene. Neke lino je ikundzanukila unene, amwanukye je anumile unene. Ndivwene je alutye uvudebe ukweńo mwivonda, je mukomi jujo. Mat. 10, 40.
49Neke baho Johana amulongelage atigilage: ve mwiganidzi, tumuvwene ujungi, je agilosehedzaga mwitavwa lyako imidemono, neke baho unefwe tumukanidze pakuva twavwene tusili pamwinga pakukuninila.
50Neke umwene Jesu amulongelage atigilage: mutane ukumukanidza; ndivwene je asikutumene-hedza, ujo je tuli lumwi pamwingahela. 11, 23; Fil. 1, 18.
51Neke lino baho, pe ikigono kyakwe kihegelye ikya vupilukilo kukyâńa umwene, neke baho umwene amîho gakwe neke agalungamikilage ku kwe ahelelaga, ku Jelusaleme. Mal. 10, 32.
52Neke baho avatumage avańa-kulongola kuvulongolo ukwakwe. Neke vakafikage kukâja ja va-Samaliti neke vatigilage: tumuvujapilage pavwikalo. Joh. 4, 4.
53Neke avene avańa-kâja neke vatane ukumwanukila, pakuva vavwene amîho gakwe agalungamikye pakuhelela mu-Jelusaleme.
54Neke vavye vadzivwene idzi avańigendwa vakwe va-Jakovo na Johana, neke baho vatigilage: ve mutw’ave, uka vwidikage uveve, apo ngali tugulongye umôto, guhume kukyâńa, guvamyangage vonda, vasile.
55Neke baho umwene avasedukilage neke avakabusage [neke atigilage: ha, humbi musikwivona? muli vâna va mubepo gulikwi?
56Kangita umwâna va munu asadzile mukutipula imitima gya vanu, hamu, umwene adzile mukuvapoka ku kuvapoka kwene swe.] Neke baho vahelelage kukâja ijingi. Joh. 3, 17; 12, 47.
57-60: Mat. 8, 19-22.
57Neke lino baho, pe vali muṅasi, neke baho umunu jumwi neke alongage kwa mwene atigilage: mutw’ave, ndikukuninilaga konda, kwe vwihelela, ku kuvedzaga.
58Neke umwene Jesu apilusage atigilage: utukeve tuli nifina na dzi ndege dzili nifyaso, neke umwene umwâna va munu asili napo na pakuhagula umutwe.
59Neke ujungi amulongelage ju mwene neke atigilage: uveve e uninilage. Neke umwene atigilage: unavulage tândi, ńelele, ngamusile udâda.
60Neke umwene Jesu atigilage: uvaleke avafwe vasilane vafwe na vafwe vene, uveve uhelelage ukavupulisage uvutwa vwa Nguluvi.
61Neke na ju jungi nave neke alongage atigilage: mutw’ave, najune ndikukuninilaga, lino uleke tândi ngitavule kuvańaṅolo vangu.
62Neke umwene Jesu atigilage: je ivika ilivoko pigimilo neke asedukilage kumbele, ujo je asivagye kuvutwa vwa Nguluvi.
Selectat acum:
Luka 9: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
