Luka 24
24
1-12: Mat. 28, 1-8; Mal. 16, 1-8; Joh. 20, 1-13.
1Neke lino pakigono ikilongodzi kya mulungu neke baho vahumilage ińa-vambula pakuhelela kumombwe, neke vańamulage nimihandzo, gye vavujipe.
2Neke vakavonage iliganga libilwike pamombwe.
3Neke baho vingilage mumombwe neke vavonage umufimba gwa Jesu, ugwa mutwa, si moguli.
4Neke lino baho, avene pe vakagahye hela pa idzi, neke baho vavonage hava avagosi vavili vimile baho, vafwete imyênda igiṅalita.
5Neke baho avene neke vogopage mbandu neke vagundamidzage amîho; neke baho avagosi vala neke valongage vatigilage: umûmi je mwene je mukumusakula muvafwe muno?
6Asi mwali muno, adzulubwike. Uńeńe muku-mbukage dzila, dze avalongelaga, kyali ave mu-Galilaja,
7dzila dze atigilaga: umwâna va munu muńa-kusutulilwa mumavoko ga vahosi, muńa-kutovelelwa pakipindulihidzo, kangi pakigono kya vudatu apo aladzulubuka. Mat. 17, 22. 23.
8Neke baho avakiṅinavo neke vagakumbukage amadzwi, ge alongile.
9Neke lino vavye vapilwike kumombwe, neke baho vagotolage dzonda idzi kuvańikyumi na jumwi na kuvangi vonda.
10Neke avene avakiṅinavo ava vali va-Malija umu-Magadala na Johana na Malija, uṅina va Jakovo. Neke vadzigotolage kuv-Apositili idzi. 8, 2. 3.
11Neke kuvene amadzwi aga gali ngita ndano, vasagafuvwaga nda.
12[Neke baho umwene Petele neke image neke ańilage hela pakuhelela kumombwe. Neke ago-ndamage neke avonage mogili gi myênda gyene imivalafu, gye vamusilye. Neke baho apilukilage kukâja neke adzumangage hela inôngwa idzi, idza-vonike.]
13-35: Mal. 16, 12. 13.
13Neke ikigono kikyo avajanavo vavili vahumile mu-Jelusaleme neke valungamilage kukâja, je vitigila Emahusu ilitavwa, vagendaga iṅasi ińa-mbala makyumi mutanda.
14Neke pe vigenda, neke valonganage dzi nôngwa, idzikavonike.
15Neke lino vavye vakudzilonga ndesi, pe vikwidiṅana ukulonga, neke baho vavonage huju Jesu nave ahegelye fili muku-gendasa. Mat. 18, 20.
16Neke lino agene amîho ganavo gasikilwe neke vatanage ukumukagula umwene nambi.
17Neke umwene avavudzage atigilage: ge madzwi maki, ge mwikwi-dińana pakulonga, pele mugenda? Neke baho vimage vagigivye.
18Neke lino baho apilusage jumwi, je ali je Kelehopa ilitavwa, neke atigilage: vwi mugendzi juve hela vwijena mu-Jelusaleme, je usidzidzelye, idzivonike muno ifigono ifi?
19Neke umwene atigilage: dzilikwi? Neke avene vamulongelage vatigilage: idza Jesu uva mu-Nasalete, je ali munu umuvidzi, je akadzelike na kwa Nguluvi na kuvanu, ukuta mu-ńa-ngufu na mu dze alimaga na mu dze alongaga. Mat. 21, 11.
20Neke lino navatekedzi avavina navandzagila visu neke vamusutulilage kuvańa-kumukĕlela nukufwa nukutovelelwa pakipindulihidzo.
21Neke lino unefwe twahuvilaga ukuta je mwene je ikŏla mukumukombodza u-Jisilahele. Napo nde tuhodzage dzonda idzi neṅuli ahwe ifigono fidatu pamivalile ukuhuma, pe dzavonekelaga. Apos. 1, 6.
22Neke lino kangi vatutinwise navakiṅinavo avańa-visu. Vavye vilavile kumombwe, v. 1-11.
23vadzilemilwe pakuguvona umufimba, vavye vadzipilwike neke vatigilage: tuguvwene numwitu ugwa vańa-mwandza, avitigila umwene mûmi.
24Neke baho vahelelage navajisu vamwi kuko kumombwe neke vakavonage dzili ndesi, mwe vakahahye avakiṅinavo, neke umwene vasikamuvwene. v. 12; Joh. 20, 3-10.
25Neke baho umwene neke alongage navo neke atigilage: hê! vwevundzilaluhala vuki uńeńe, vwe vujōgōlo vwa numbula vuki pakudzifuvwa dzonda, dze valongile avavidzi!
26Asali, va kupumuka Kilisiti neke ingilage kundolo dzakwe?
27Neke baho ahumage navo pa-Mose na pavavidzi vonda neke avaganulilage dzonda idza pahâte, idzalungamilaga ukwakwe.
28Neke lino vavye vadzifike kukâja, je vagulwime, neke baho umwene avedzage nde idzumbanidza.
29Neke baho avene neke vamudedevage neke vatigilage: ungagonedza baha, pakuva lino vuhwe na li lidzuva lidetemye. Neke baho ingilage muńumba mukwikala navo.
30Neke lino, avye ikalile navo pakulya, neke baho inulage uvugali neke ahongedzage neke ameguliṅasage neke avapelage. 22, 19.
31Neke baho amîho ganavo gadindukilage baho neke vamukagulage. Neke lino umwene avajaganikilage.
32Neke avene vilondzage neke vatigilage: lwe lwene lwe dzikipya inumbula dzesu mugati, avye akutulongela unefwe muṅasi, pe avye akutuganulila nidza pahâte.
33Neke baho vimilage isala jijo neke vapilukilage mu-Jelusaleme. Neke vakavonage valundine avańikyumi na jumwi navajanavo, ve vali navo.
34Neke vatigilage: adzulubwike umutwa ndakyene, ivonesidze na kwa Simono. 1. Kol. 15, 4. 5.
35Neke navo vavadzovelage idza muṅasi na mwe vamukagulilaga, pe ameguliṅasaga uvugali.
36-49: Mal. 10, 14-18; Joh. 20, 19-23; 1. Kol. 15, 5.
36Neke lino vavye vali mukulonga idzi, na ju mwene ve imile pagati apanavo [neke atigilage: ulutengamaso luvedzage nańe!]
37Neke baho vatinukage neke livagwilage nilitulo, pakuva avene vatigilaga: vona tulivwene limulungu. Mat. 14, 26.
38Neke baho avavudzage atigilage mwikuvila kiki namahodzo mwikwinusa ga kiki munumbula?
39Mulole namavoko namagulu, ukuta je nene ndakyene. Mundzambalage neke muluvonage ukuta ilimulungu lisi na muvili, lisi na fidzege, ndevye mukumbona unene ukuva nafyo.
40[Neke lino, avye alu-longile ulu, neke avahufyage namavoko namagulu.]
41Neke lino tândi avene, pe vave vlbedela mulukēlo, pe vidzumanga hela, neke baho atigilage: mwi nafyo fimwi ifya kulya apa?
42Neke baho vamupelage ikipidza kya somba iṅalange. Joh. 21, 10.
43Neke baho umwene neke inulage neke alidzage, pe vilolēla.
44Neke baho avalongelage atigilage: idzene idzi dze ndzovo dzila, dze ndavalongelaga, kyali tuli pamwi najune, dzila dze ndatigilaga: dzińa-kwapulilwa dzonda, idziku-ndonga unene, idzolilwe na mumilagililwe gya Mose na kuvavidzi na muhâte dza ndzimbililo. 9, 22; 18, 31-33; v. 27.
45Neke baho avateme-hedzage uluhala ulwa kudzikagulila ihâte.
46Neke avalongelage ulwandikwe ulwitigila: Kilisiti alavedza muńa-kupumuka nukudzulubuka ulwa vudatu kuvafwe.
47Neke dzilavedza dzińa-kudalikilwa mwitavwa lyakwe idzakuta: mupelage mupitukage, apo mulavodzwa indzanangifu dzeńo neke mulahuma nadzo ku-Jelusaleme,
48pakudzolela dzonda idzi.
49Neke lolage, unene ndilavatumila uluhuvidzo lwa dâda. Neke lino uńeńe mwikalage mu mukâ-ja mu-Jelusaleme muno, ukufika pa pakigono, kye ndilavafwikila ingufu dza kukyâńa. Joh. 15, 26; 16, 7; Apos. 1, 4.
50-53: Mal. 16, 19; Apos. 1, 4-14.
50Neke baho ahumage navo neke alungamilage ku-Betanija. Neke baho inamulage amavoko gakwe neke avapogolage.
51Neke lino avye ali mukuvapogola, neke baho avalekage [neke inuswage kukyâńa.
52Neke baho avene neke vagondamidzage.] Neke baho vapilukilage mu-Jelusaleme, ve vakêlye mbandu.
53Mbêpali vahwedzaga mu mutembele neke vamulumbage Nguluvi.
Selectat acum:
Luka 24: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
