Luka 15
15
1Neke baho vahegele-dzage ukwakwe navahakipembe navahosi, vatigye tupulihidzage, kwe ilonga umwene.
2Neke ava-Fwalisaja navakagulihâte neke vaṅulage vatigilage: umunu uju ikuvidihidza avahosi, vihanga nukulya ifilyo. 5, 30.
3Neke baho umwene neke avalongelage uluhwanano neke atigilage:
4-7: Mat. 18, 12-14.
4uńeńe ngana ujungi ali nindîmwa dzińigana neke lino ajadzage jimwinga, asikudzileka baha luvânde ińamakyumi gali gôndza na dzili gôndza (99), asitala ajisakulage ijijagile ukufika bah’ajivwene? 19, 10.
5Neke lino, ngana ajivwene, ivegala pamavega, ikēla nukukēla mbandu.
6Neke lino ngana avu-jile kukâja, apo akuvake-mela vonda avajagwe na ve fifudiṅine neke atigilage: tukēlanilage nani, pakuva ndijivwene indîmwa, ijikajagile.
7Mulekage ndivalongelage unene, valakēla-vo na va kukyâńa, vasilavalola avagolofu avańa-makyumi gali gôndza navali gôndza (99); avakitâva nalo ulwa kupĕla nambi ponu, valakēla kwa muhosi jumwinga, je ipĕla.
8Kangi na ju mukiṅinavo, ngana ali nalo ulupija luńikyumi, neke lino ngana lujagile lumwinga ulupija lwakwe, asikunga ulupelele, asifyagila na muńumba, asitindanyuka pakulusakula ukufika bahe aluvwene?
9Neke lino ngana aluvwene, apo akuvakemela navajagwe na ve fifudiṅine neke atigilage: tukēlanilage nańe, pakuva ndiluvwene ulupija lwangu, ulukajagile.
10Mulekage unene ndi-valongele, valakēla ndesi navańa-mwandza va Nguluvi kwa muhosi jumwinga, je ipĕla. Ef. 3, 10.
11Neke atigilage: umunu jumwi ali navaswamuve vavili.
12Neke lino umukwa-ngudzi neke alongage kwa dadye neke atigilage: ve dâda, ungavilile ṅani ilipwela lya mugavo gwangu, ilindiṅine. Neke baho umwene neke avagavahidzage ilipwela.
13Neke lino, avye agonile nde filingi, neke baho umuswamuve umukwa-ngudzi neke alundasage fyonda ifyûma fyakwe neke ahamilage ku-ńi ija kutali. Neke kuko ikyûma kyakwe akivejahidzage ulwa kitivopa.
14Neke lino, avye alye fyonda ifyûma fyakwe neke baho ligwidzage ilipunge pa-ńi jonda hela, neke umwene ahangala-palage mbandu.
15Neke baho ahelelage mukwitovēledza kwa mweneka jumwi va mu-ńi jijo. Neke je amutumage kuluvânde lwakwe neke amutigilage: ukadimage ingubi dzangu.
16Neke umwene adobokage ukumemehedza ilileme lyakwe namakōna, ge dzalidzaga ingubi, neke nago vamwimaga.
17Neke baho ihodzage neke lino ivonage neke atigilage: unene ndifwila kiki indzala, kuno padâda avavanda vakwiguta hela ifilyo ifidevwike?
18Neke lino swe ndihelelage kwa dâda, ndidzilonga nave ndidzitigila: ve dâda, ndihokile inôngwa na kukyâńa na ku kwako;
19neke lino sindivagye ukuva ndili muswamuvo, undzusage hela muvanda vako umuńa-kulima.
20Neke baho ańagadu-kage neke ahelelage kwa dadye. Neke lino, pe ave ali pavutali, neke udadye amuvonage neke lumuhevage, neke baho ańilage neke amukumbatilage neke amunonelage kumulomo.
21Neke lino umwene umuswamuve neke atigilage: ve dâda, ndangwe inôngwa na kukyâńa nukwako, lino sindivagye ukutambulwa uvuswamuvo.
22Neke lino umwene udadye avalongelage avavanda vakwe neke atigilage: muńilage, mukatole isopeka inofu jila ijilutye, mwadze mumufwalidze; mumupelage nikyûma pakyâla neke mumufwikage nindatu mundzajo.
23Mujiletage nindumbuti jila, mujikome, tulidzage tujwangage vunofu hela.
24Pakuva umuswamuvangu uju afwe, lino adzulubwike kangi, ajaganike, lino avumbwike kangi. Neke baho vakŭle mukukēlanila. Ef. 2, 1. 5; 5, 14.
25Neke lino umuswamuve umuvele avukile. Neke lino baho avye avujile, ahegelidze pańumba, neke apulikage umwângo gufukye gwa lwîmbo lwa luhejo.
26Neke baho amukemelage umukwamidzi jumwi neke amuvūdzage atigilage: mwângo gwa kiki, gwe vafukidze?
27Neke je amulongelage ukuta: umunuṅuvo adzile, neke lino udado akomile ingwâda indumbuti jila, pakuva avwene umuswamuve munofu hela.
28Neke baho umwene akalalilage neke idzila-mwage nukwingila muńumba. Neke baho udadye ahumilage pivala neke amudēdēvage. v. 2.
29Neke umwene apilusage kwa dadye neke atigilage: ulolage imyâka gyonda igi ndikulimye, na dzi ndagi dzako sindidzi-dzumbile ponu, neke lino uveve usimelye ponu nambi kānā-mene aka kukēlanila navajangu.
30Neke lino, pe lyadzile iliswamuvo ili, ililibikye muhavala nikyûma kyako, ulikomye ningwâda indumbuti jetu.
31Neke umwene udadye apilusage atigilage: mwanavangu, uveve tuli pamwinga mbêpali nanene naveve, fyonda, na fye ndi nafyo, fyako juve.
32Neke lino pakavagye hela tuletage ililônge nukuta tukēlage hela, pakuva umunuṅuvo uju afwe neke lino adzulubwike kangi, ajaganike, neke lino avumbwike kangi.
Selectat acum:
Luka 15: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
