Luka 1

1Vavye vahumile-mo avolofu pakwandika iṅani dza nôngwa, idzivonike apesu apa,

2ndevye tugotolilwe kuvene, avaluvwene namîho uludzovo, mwe lumelye, neke valugimbage,

3apo najune nigye ndi-dzikosage hîlo dzonda vuhuma-nadzo pavwimilo, nigye ndikwandikilage, mwe dzifudiṅanye, ve lyâne Tejofili, Apos. 1, 1.

4pakuta najuve udzika-gulage indzovo, dze vwaluvulaga, idza ndakyene.

5Bahala pe atemile uvutwa Helodo mu-ńi ja va-Juda, pe pene pe ali pwali umutekedzi uva mulutono lwa vakina-Abija, ilitavwa lyakwe ali je Sa-kalija. Umudala vakwe ali se-Alono, ilitavwa lyakwe ali je Elisabete.

6Vali vagolofu ve vavili kwa Nguluvi, vagendelaga kigaja-lungi mundagi dzonda na muvupugule vwa mutwa.

7Neke lino vasali numwâna, pakuva Elisabete ali mugumba. Neke na ku kugosepa vagosipe ve vavili.

8Neke lino apangi, pe atekelaga kwa Nguluvi pamifudiṅanile gyalutono lwanavo,

9neke baho lumugwilage ulusolanilo, ndevye vagitaga palwîmbo lwa vutekedzi vwanavo. Neke baho ingilage mukufuṅi-lidza mukyânga kya pivala kya mutwa.

10Neke ikyene ikipuga kya vanu vonda vali pivala, neke navo valapangilage pasala jijo, je afuṅilidzaga.

11Neke baho amuvonekelage umuńa-mwandza va mutwa neke avonage imile kukitekelelo kya kufuṅilihidza kwivoko ilya ndyo.

12Neke baho atinukage hîlo Sakalija, avye amuvwene neke vumugwilage nuvogofi.

13Neke umuńa-mwandza atigilage: ubihile ukogopa, ve Sakalija, pakuva Nguluvi apulike, dze vwa vwińilika. Elisabete, umunu vako, alamubaba umwâna umukwamidzi, ilitavwa vwali umupelage ilya Johana.

14Alakuhulila nuluhe-kelo nukukela; navangi avolofu valakela, alava aholilwe.

15Ndivwene alavedza je mukomi kumîho ga mutwa, nuvugimbi vwa vutoṅoni nifigadza asilańwe-dzaga. Umwene gulamu-memeia u-Mubepo umwîmike mwileme lya ṅina.

16Avolofu muvakina-Jisilahele muno alavapi-tuhidza kwa Nguluvi, umutwa vanavo.

17Neke umwene alalongola kwa mwene neke alagendela na mu mubepo na mungufu, dze agendelaga Elija. Inumbula dzanavo aladzipituhidza kuvâna vanavo navańa-meno navo alavapituhidza mukigōdzo kya vagolofu, neke umutwa alamuvujapila avanu avavujape. Mat. 17, 11-13.

18Neke baho Sakalija alongage kwa muńa-mwandza neke atigilage: ndi-kudzimańila kwi dzen’ idzi? Ndivwene unene ndili mugogolo na ju mudala vangu agosipe.

19Neke baho apilusage umuńa-mwandza atigilage: unene je nene nde Gabilyele, je ndikwima kumîho ga Nguluvi neke nditumilwe ku kwako mukulongana naveve, muku-kuvula inôngwa inofu idzi. Heb. 1, 14.

20Lolaga lino, vwivedza vwi kitadzova, ulalemwa ukudzova, ukufika pakigono, kye dzilavonekela dzonda idzi, pakuva usi-fuvilwe, dze ndilongile unene, idzilavoneka pakigono kyadzo.

21Neke avene avanu vamudzindilaga Sakalija neke vadzumage nuku-hwelelela mukyânga kya tembele.

22Neke umwene avye ihuma neke alemwage ukulonga navo. Neke yalukagulage ukuta kimu-vumbukye kinu mukyânga kya tembele. Neke umwene avasinihidzage li livoko neke ikalage kita-longa.

23Neke fivye fimalike ifigono fya vutekedzi vwakwe, neke avujage kukâja jakwe.

24Neke baho pe agonile nde filingi, neke Elisabete, umudala vakwe, neke ingililwage neke afihamage imyêdzi gihanu neke atigilage:

25humbi aṅumbwike evo umutwa vangu pafigono, fye andolye pakuva ahe-dzidze ililema, lye ndali nalyo kuvanu.

26Neke pamwêdzi ugwa mutanda neke Nguluvi amutumage kangi umuńa-mwandza Gabilyele mu-ńi mu-Galilaja, mukâja mu-Nasalete;

27amutumile kwa muhindza, use-Davidi paki-pelela, je amufundīlye Josefe, neke ilitavwa lya muhindza ali je Malija. 2, 5; Mat. 1, 16. 18.

28Neke baho umuńa-mwandza neke ingilage mu mwe ali umwene neke atigilage: savu, je usavile ulupyana, umutwa akutangage.

29Neke umwene ilidzwi ili limuhulilage ilitulo neke ahodzage atigilage: lwe luhungilo luki ulu?

30Neke umwene umuńa-mwandza neke amulongelage atigilage: utane uko-gopa, ve Malija, ndivwene uluvwene ulusungu lwa kwa Nguluvi juve.

31Lolage ulingililwa umwâna umukwamidzi, ulamubaba umuswamuvo, ilitavwa ulamupela ilya Jesu. Mat. 1, 21-23.

32Je alavedza je mukomi, alatambulika ukuva mwâna va je alutye uvukomi. Na ki kitêngo kya vutwa, kya dadye Davidi, Nguluvi umutwa alamu-pela.

33Alavedza mutwa va muńumba ja Jakovo na kumihagulile gya myâka; nuvutwa vwakwe vusila-vedza na vwapulilo.

34Neke baho Malija alongage kwa muńa-mwandza neke atigilage: dzi-lavedza ndavuli ukwangu dzen’idzi, kuno sindimu-dzelye umugosi.

35Neke umuńa-mwandza apilusage atigilage: u-Mubepo umwîmike alakufi-kila, ningufu dza je alutye uvukomi dzilakusika; kileka na ka kîmike, kalava kababilwe kalatambulika ukuta mwâna va Nguluvi. Mat. 1, 18. 20.

36Neke lolage, na ju Elisabete ulukololo nave lino ingililwe ulwa mwâna umukwamidzi muvugogolo muno. Lino umwene ugu gwe mwêdzi gwakwe gwa mutanda, je vahwedzaga vikumuheka uvugumba.

37Pakuva Nguluvi kisi-mulemile kinu.

38Neke baho Malija atigilage: lolage unene ndili muvanda va mutwa, swe dzadzage ukwangu, dze ulongile. Neke baho umuńa-mwandza neke ahe-gage.

39Neke baho Malija neke ańańulage indzajo neke ahelelage fi figono fifyo neke ahelelage kisatuki-satu ku-ńi ińamadunda, neke akafikage mukâja jimwi, je vatigilaga Juda.

40Neke ingilage muńumba ja Sakalija neke ahungilage kwa Elisabete.

41Neke baho Elisabete, avye ipulika uluhungilo lwa Malija neke baho avonage umwâna ikina mwileme lyakwe. Neke baho Elisabete amemwage u-Mubepo umwîmike, v. 15.

42neke ańwilidzage ukugengedula neke atigilage: ve mufuńwa muva-dala avajago, lufuńwa nulûngo lwa mwileme lyako. v. 28

43Ndi va kiki unene neke adzage ukwangu uṅina va mutwa vangu?

44Lolage ndivwene livye lifike ilidzwi lya luhungilo mumatwi gangu, swe ndivwene na ju mwâna mwileme lyangu muno ikina.

45Ali kitendileme je afuvilwe ulu, pakuva dziladza dzonda, dze amudzovye umutwa. 11, 28.

46Neke Malija atigilage: „umutima gwangu guku-muginya umutwa

47na gu mubepo gwangu gukumutovela imbilikila Nguluvi, umupoki vangu;

48pakuva alolile uvufupi vwa nde muvanda vakwe. Lolage ndivwene fihumaga kulino fikumulisa ikitendileme ifipelela fyonda, 11, 27.

49pakuva umuńa-ngufu amelye ifivina. Neke nilitavwa lyakwe lîmike.

50Neke na lu lupyana lwakwe lufikile na ku kufipelela, mwe fifudiṅanye kuvańa-kumogopa.

51Ilivoko lyakwe liletile ingufu: avańa-vwiginisi palwitaṅanidzo lwa numbula avapalaṅise.

52Avatemi avapalwise pafitêngo fyanavo ifya vutwa, ayaginalidze avasi-dzelike.

53Avadagine avamosi-dze imota, avasafi avake-ṅefidze kindzila-kuvapela kinu.

54Ikumutangilidza Jisilahele, umwâna vakwe, amukumbukye ulupyana Abalahama,

55ndevye adzovile kuvadadisu, akikumbukye ni-kipelela kyakwe kyonda.“

56Neke baho Malija agonage pa-Elisabete imyêdzi gidatu neke lino baho agomokelage kukâja jakwe.

57Neke baho Elisabete kimufikage ikigono kyakwe, ikya kuholela umwâna, neke baho amuholage umwâna umuswamuve.

58Neke na ve fyafudiṅine na vańa-ṅolo vakwe, pe vapulike ukuta: amu-pyanye ulupyana ulukomi, swe neke fikelanilage pamwinga.

59Neke lino pe agonile ifigono munana, neke baho valundanage mukumu-singa umwâna, neke vimage pitavwa lya dadye, ilya Sakalija, pakumupela ilitavwa.

60Neke uṅina akanage neke atigilage: ilyo nambi, je Johana ilitavwa swe. v. 13.

61Neke avene vatigilage: pakuva pe hela umunu mulukolo lweńo umuńi-tavwa ili.

62Neke vamusinidzage udadye, adzovage jujo ilitavwa , lye akêlye ukuta atambulwage umwâna.

63Neke umwene neke ańilikage akaganga ka kwandika. Neke baho andikage ulwitigila: ilitavwa lyakwe je Johana. Neke baho vonda vadzumage.

64Neke baho umulomo gwakwe gudindukilage baha kivungu na lu lulimi ṅani, neke alongage ulwa kumuginya Nguluvi.

65Neke baho uvogofi vuvagwilage vonda, ve fyadzenganye avajagwe, neke amalôngwa aga gonda vagahahage ponda pafidunda fya mu-Judaja.

66Neke vonda, avadzi-pulikaga idzi, neke vadzi-vikage munumbula neke vatigilage: ino umwâna uju alahambuka ngita kiki? Tuvwene ilivoko lya Nguluvi likumutanga.

67Neke baho Sakalija udadye neke amemwage u-Mubepo umwîmike neke avilage atigilage:

68„Alumbwage umutwa, Nguluvi va vakina-Jisilahele, pakuva avakumbwi-ke avanu vakwe, avapelye uvuvandzi. 7, 16.

69Atusimikye nulupe-mbe muńumba ja Davidi, ja muvanda vakwe, uluńa-kutupoka.

70Ndevye alulongye ṅani kumilomo gya vavidzi avîmike ava idâha

71ulwa kutupoka kuva-tavangwa visu na kwivoko lya vańa-kutusūla vonda;

72pakuva umwene ati-gye, lumuvonage ulupyana kuvadadisu, atigye ndi-kumbukage ulufingo, lwe twafingine ulwîmike;

73pakuva atigye ndiku-mbukage ulujigo, lwe amujigye Abalahama, udadisu twivonda,

74lwe atigye alatuga-vila ulwa kutuhańasa kumavoko ga vatavangwa visu kitogopa unefwe, ukuta tumulimilage umwene, Tit. 2, 12. 14.

75na muvwêlulile na muvugolofu kumîho gakwe mbêpali hela.

76Najuve ve mwân’ave, ulatambulika ukuta muvidzi va je alutye uvukomi, ndivwene ulalongola kuvulongolo kwa mutwa, Mat. 3, 3.

77avanu vakwe pakuta uvapelage uvulcagudzi vwavupoki, uvugenda mukuvodzwa indzanangifu,

78vugenda palupyana lwa mwileme lya Nguluvi visu, mwe atwadzye, je ahohomwike kukyâńa,

79je atigye avelelukilage, avakoṅomye mukîsi na mumwigisila gwa vufwe, je atigye amagulu gesu adońelage kuṅasi ja lutengamaso.“

80Umwene umwâna neke akulage neke akalagalage na gu mubepo gwa mugati. Neke ikalage muluṅalaṅala mbêpali ukufika pa pakigono, kye ivonehedza-ga kuvakina-Jisilahele. Mat. 3, 1.

Selectat acum:

Luka 1: II

Evidențiere

Partajează

Copiază