Johana 14
14
1Jitane ukulalavuka inumbula jeńo! Mumufuvwage hela ju Nguluvi, najune mufuvwage hela.
2Pańumba ja dâda povuli uvwikalo uvolofu. Ngana pe pājagile, apo ngali ndivalongye ukuta lino ndihelela mukuvavujapila uvwikalo vweńo.
3Neke lino, na pe ndihelela mukuvavujapila pavwikalo uńeńe, napo ndiladza mukuvatola, ndilahelela nańeńe ukwangu, najuńe ukuta mwikalage, pe ndikadzile unene. 12, 26; 17, 24.
4Nako kwe ndihelela unene, mujidzelyena ji ṅasi.
5Neke baho Toma neke atigilage, ve mutw’ave, na kwe vwihelela tusikudzelye, apo tuka tukulikagula ndavuli ilikasi?
6Neke baho Jesu amu-longelage atigilage: je nene nde Nasi june, nde Koluli june, nde Vûmi june. Asilafika nambi jumwi kwa dâda, je asigendela umwangu unene. 11, 25; Heb. 10, 20; Mat. 11, 27, Lom. 5, 1. 2.
7Muka muvedzage mundzelye unene, apo na ju dâda nave ngali mumudzelye. Neke ukuhuma kulino mumudzelye nukumuvona mumuvwene.
8Neke baho alongage u-Filipi neke atigilage: ve mutw’ave, utuliufyage udado, apo twikwidika.
9Neke baho Jesu apilusage atigilage: lino pe ndigonile imyâka ndesi, neke kangi usina uṅdzela, ve Filipi? Je ambwene unene, je amuvwene na ju dâda. Kangi lino uveve vwilonga ndavuli ukuta utuhufyage udado? 12, 45; Heb. 1, 3.
10Usifuvwa uveve idza kuta: najune ndili mwa dâda, na ju dâda nave ali umwangu unene? Amadzwi, ge ndikuvalongela uńeńe, sindikugalonga mahuma-ukwangu, ju dâda, je agenda umwangu muno, je mwene, je ilima amalimo aga. 12, 49.
11Neke lino mufuvwage ukuta unene ndili mwa dâda, kangi na ju dâda nave ali umwangu unene; ngana mwilemwa ulu, apo mufuvililwage pamalimo aga. v. 20; 10, 25. 38.
12Ndakyene ndakyene unene ndikuvalongela nditigila: umuńa-kufuvwa unene, alalima nave amalimo gago, ge ndandye ndilima unene, alalima na galutye kugangu, pakuva unene ndihelela kwa dâda. Mal. 16, 19. 20.
13Ki kivedzaga, kye mulańilikila mwitavwa lyangu, ndilavapela, ukuta udâda adzukilage muńa-ndolo mwa muswamuve. 15, 7; Mal. 11, 24.
14Fyonda, fye mwińili-kila mwitavwa lyangu, fye ndilavavujapila. 16, 23. 24.
15Ngana mundzendile unene, apo mulagendela mundagi dzangu. 15, 10; 1. Joh. 5, 3.
16Apo najune ndilava-ńilikila kwa dâda, apo umwene alavatumila umwi-milidzi ujungi, ukuta avedzage nańeńe mbêpali, v. 26; 15, 26; 16, 7.
17ju Mubepo uva koluli, je jilemilwe ińi pakumwanukila, pakuva jisikumuvona nukumudzela jisimudzelye. Neke uńeńe mumudzelye, pakuva akwikala pa peńu juńe, neke alavedza umweńo. 16, 13; 7, 39.
18Sindikuvaleka mwi vakiva, ndidzikwadza kangi ukweńo.
19Pasigye panaṅi, apo ińi jisilambona, neke uńeńe mukumbonaga, pakuva unene ndili mûmi, neke na juńeńe mulavedza muli vûmi. 16, 16.
20Pakigono kikyo apo mulaludzela najuńe, ukuta ndilimwa dâda unene, neke nukuta uńeńe muli umwangu, najune ndili umweńo juńe. 17, 21-23.
21Neke je ali nadzo indagi dzangu neke adzigendelage, je mwene je andzendile unene. Neke je andzendile unene, je alendwa na kwa dâda, je najune ndilamwenda, je ndilamufumbukila unene. 2. Kol. 3, 18.
22Neke baho amuvudzage u-Juda, sivo jula u-Isikalyoto nda, neke atigilage: ve mutw’ave, uvwene kiki, pe vwitigila: ukutufumbukila jufwe twivene, neke kuńi ukane?
23Neke baho Jesu apilusage neke atigilage: ngana umunu andzendile unene, ujo alagavīka namadzwi gangu, apo na ju dâda nave alamwenda jumwene, apo unefwe tuladza ukwakwe, tulaha-mbusa inumbula jakwe vugono vwesu. v. 21; 13, 34; Ef. 3, 17.
24Neke je asikundzenda unene, ujo na ga madzwi gangu asigendela. Neke ilyene ilidzwi, lye muli mukupulika lino, lisili lyangu, hamu, lya dâda, je anumile unene. 7, 16.
25Dzonda idzi ndivalongelye ṅani, kyali tuli pamwi nanene.
26Neke lino umwene umwimilidzi, u-Mubepo umwîmike, udâda je alamutumila mwitavwa lyangu, je mwene je alava-vulanidza dzonda uńeńe, je alavakumbusa dzonda, dze ndivadzovye uńeńe. v. 16.
27Ndikuvalekela ulutengamano, ndikuvapela ulutengamano lwangu. Sindipēla unene, ndevye ja jipēla ińi. Neke lino dzitane ukuhēńēneka inumbula dzeńo, dzitane nukulotoka. 16, 33; Fil. 4, 7.
28Mupulike lwe nigye ndihelela, kangi ndiladza ukweńo. Ngana mundze-ndiie, apo nga mwikēla, lwe nigye ndihelela kwa dâda, pakuva udâda alutye uvukomi ukwangu. v. 3. 18. 6.
29Neke lino ndivalongelye ṅani kyali dzave, ukuta najuńe mwali mufuvwage, pe dzilava dzikwadza.
30Sindilonga indzolofu nańeńe lino, ndivwene adzile umuńańi iji, neke ukwangu kusili lunu. 12, 31; Ef. 2, 2.
31Neke lino, pakuta na ji ńi jilufikage ukuta ndimwendile udâda nulwa kuta ndigendela lwe andagye udâda, apo lino dzûko, tuhegage apa. 10, 18.
Selectat acum:
Johana 14: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
