Johana 12
12
1-8: Mat. 26, 6-13; Mal. 14, 3-9.
1Neke umwene Jesu, ikyâka kya pasa pe fisigye ifigono mutanda, neke baho ahelelage mu-Betanija, mwe avujilaga u-Lasale, je amudzulubwise u-Jesu kuvafwe jula. 11, 1. 43.
2Neke ve vamutelekelage ifilyo neke Malita avalimilaga. Neke umwene Lasale neke nave fihangage pakulya ifilyo.
3Neke lino u-Malija inulage imono dza nalada dza palatili jimwinga, indzila-kuhandziṅaswa na kinu ikingi, inalamu mbandu, neke dze amubakage Jesu amagulu gakwe, neke kangi amufyangulage amagulu nifwili dzakwe. Neke baho ulunusi lwa mono neke lududiṅanage muńumba jonda. Luk. 7, 38.
4Neke baho alongage umuńigendwa vakwe jumwi, u-Juda u-Isikalyoto, je amusutwe pambele, neke atigilage:
5vakali na kiki ukudzigula imono idzi nulupija magana gadatu (300), neke vavapelage avahangala?
6Neke umwene asalongaga, pakuva lwamuhevaga ulwa vahangala, hamu, alongaga-vo, pakuva ali muhīdzi, neke pe ali nilisanduko vuli, ańamulaga, twe vasopelaga avanu. Luk. 8, 3.
7Neke lino Jesu atigilage: umuleke, ambikilage ṅani ga pakigono kya kusilwa unene.
8Ndivwene avahangala avo muli navo mbêpali, neke unene sindivedza apeńo mbêpali nda.
9Neke vamukagulage ava-Juda avolofu ukuta ali kuko. Neke vadzage; neke vasamugulwime ju Jesu mwene, hamu, vatigye vamuvonage na ju Lasale, je amudzulubwise kuvafwe.
10Neke baho avatekedzi avavina neke vatigilage: na ju Lasale nave tumuvulagage.
11Pakua ava-Juda avolofu vavwene jujo, kye valesile vamutaṅanidzage neke vamufuvwage na ju Jesu.
12-19: Mat. 21, 1-11; Mal. 11, 1-10; Luk. 19, 29-40.
12Neke pakigono ikya kilavo neke avanu ikipuga, avadzile kukyâka, pe vapulike ukuta Jesu ikwadza mukuhelela mu-Jelusaleme,
13neke baho vinulage amahamba ga makindo neke vahumage mukumu-tańanidza neke vajojage neke vatigilage: hosijana, mupogolwa, je ikwadzila mwitavwa lya mutwa, umutwa va vakina-Jisilahele.
14Neke baho Jesu avye akavwene akapûnda, neke baho ahovage, ndevye lyolilwe ilitigila:
15„utane ukogopa, ve se-Sijono, lolage umutwa vako ikwadza, ahovile pandzana ja mbûnda.“
16Neke idzi avańigendwa vakwe neke vatanage ukudzifika tândi; vavwene Jesu adzukile mu-ńa-ndolo, neke baho vakumbukage na lu lwa kuta, humbi dzandikililwe pamwene, vakumbukage na lwe vamulimye.
17Neke avene avanu ikipuga kyonda, avali lumwi, pe amukemelaga Lasale kumombwe, pe amudzulubusaga kuvafwe, neke vadzolelage idzi.
18Ikileka na va vanu ikipuga kyonda vamutaṅanidzage, pakuva valupulike ukuta akivonise ikilŏle iki.
19Neke balio ava-Fwalisaja neke valonganage neke vatigilage: mulolage lino avalemile, mulolage ińi jonda jisogwidze kumbele ukwakwe. 11, 48.
20Mu vavo, avinwike mukulapangila pakyâka, vali povali nava-Giliti vamwi.
21Neke ve valonganage nu-Filipi, uva mu-Betesajida ija mu-Galilaja, neke vadedevage ukwakwe neke vatigilage: ve mutw’ave, tukatigye tumuvonage Jesu. 1, 44.
22Neke umwene Filipi adzage neke amulongelage Andeleja, neke lino baho ve vavīli, na Andeleja na Filipi, neke vamulongelage Jesu.
23Neke baho Jesu apilusage neke atigilage: jinkile isala ija kudzuka muńa-ndolo umwâna va munu.
24Ndakyene ndakyene unene ndikuvalongela nditigila: ulupeke lwa ngano ngana lusimidzwa mumugunda, ngana lusifwa, apo lukwikala lwijena, neke ngana lwifwa, apo lwiveleka imeke indzolofu. Lom. 14, 9.
25Neke je ikugugungulidza umutimu gwakwe, ujo je alagwambudza, neke lino je akugusula umutima gwakwe kwen’eńi kuno, alaguvika guvedzage gwa kuvûmi vwa mbêpali. Mat. 10, 39; Luk. 17, 33.
26Neke je itova ilikongo ukwangu unene, ujo āninilage unene. Neke kwe kwendi unene, kwe alavedza kwali numuńikongo vangu. Neke je itova ilikongo ukwangu, ujo alaginwa kwa dâda. 14, 3; 17, 24.
27Neke umutima gwangu gutenemye; neke lino ngitage ndavuli? Vona nigilage: ve dâda, umokage kusala iji? Ha nda, pakuva lwe lwene lwe ndijadzye isala iji. Mat. 26, 38.
28Ve dâda, ulidzusage lińa-ndolo ilitavwa lyako. Neke baho ilidzwi lihumage kukyâńa, ilitigila: ndilidzusidze lińa-ndolo, kangi ndilalidzusa lińa-ndolo.
29Neke avene avanu, avimile baho ikipuga kyonda, avapulikaga, neke vatigilage: kwilunduma. Avangi neke vatigilage: muńa-mwandza, fiká mukulongana.
30Neke umwene Jesu apilusage neke atigilage: ilidzwi ili lisivonekye ulwangu unene, livonekye ulweńu juńe. 11, 42.
31Lino lwikĕlwa ulwa ńi iji, lino umutwa va ńi iji ipemeswa kwivala. 14, 30; 16, 11; Luk. 10, 18.
32Najune, ngana ponu, ndilava ndinuhidzwe mu-ńi muno, apo ndilavakwegela ukwangu vonda hela. 8, 28.
33Dze alongaga hela pakuselenga imifwile gyakwe.
34Neke baho avene avanu neke vapilusage vatigilage: unefwe mumilagililwe tupulike ukuta Kilisiti alikala mbêpali. Kangi vwilonga ndavuli uveve, pe vwitigila: umwâna va munu muńa-kwinuswa? Je nani umwâna va munu uju?
35Neke baho Jesu avalongelage neke atigilage: ulumuli apeńu apa lwivala ifigono nde filingi hela. Mugendage li lino, kyali lwave ulumuli umweńu muno, kitane ukuvāganidza ikîsi. Neke je igenda mukîsi, asikwivona na kwe ihelela. 8, 12; 11, 10.
36Mulufuvwage ulumuli, kyali mwi nalo ulumuli, ukuta mudzukage vâna va lumuli. Ef. 5, 9. Neke lino Jesu, avye alongile ulu, neke baho ahegage neke afihamage ukwanavo.
37Neke lino avene neke vatane nukumufuvwa, nde avedzage avonesaga ifilŏle ifikomi na pe vilolela.
38Ukuta livilatukilage baho nilidzwi lya Jisaja umuvidzi, ilitigila: „ve mutw’ave, pwali ani, je akudzifuvwa indzanga dzesu, neke nilivoko lya mutwa limugubutukye nani?“ Lom. 10, 16.
39Ikileka valemwage ukufuvwa, pakuva Jisaja idzova kangi itigila: Mat. 13, 14. 15.
40„avabofwidzé amîho ninumbula dzanavo adzi-pufidze, ukuta vatane ukulava namîho, vatane nukudzifika inôngwa munumbula dzanavo, ukuta vatane ukupituka, ukuta nditane nukuvahōsa.“
41Neke idzi Jisaja alongye pala, pe alolaga indolo dzakwe, pala pe amulongaga ju mwene.
42Napo kangi avandzagila vamufuvwaga avolofu, neke ulufuvo lwanavo vasana valukangadza vudondya, pakuva vogopaga kuva-Fwalisaja, paku va vatigilaga, valatuhedza mulukombeso. 9, 22.
43Ndivwene indolo dza vanu valutye pakudzikēla na kundolo dza Nguluvi. 5, 44.
44Neke baho Jesu inusage ilidzwi pakulonga neke atigilage: umuńa-kufuvwa ukwangu unene, ujo asikūfuvwa unene, hamu ujo akumufwwa, je anumile unene.
45Je ambwene unene, ujo je amuvwene, je anumile unene. 14, 9.
46Pe ndadzile kwen’eńi kuno, ndadzile nde lumuli hela, ukuta vonda, avifuvwa ukwangu, vatane ukwikala mukîsi. v. 35.
47Neke ngana umunu jumwi ipulika ilidzwi lyangu, neke kangi atane ukulivīka, ujo sindilamuhiga unene, ndivwene unene sindadzile mukujihiga ińi, hamu ndadzile mukujipoka ińi. 3, 17; Luk. 9, 56.
48Neke je akumesula unene, je asikuganukila namadzwi gangu, ujo ali nave umuńa-kumuhiga; li lidzwi, lye ndilongile, lye lyene iliíamuhiga pakigono ikya kududzihidza.
49Pakuva unene sindilongile uluhuma ukwangu, ha nda, udâda, je anumile unene, je mwene, je amelye ululagi ulwa kuta ndzovage nde.
50Neke ulwene ululagile lwakwe, lwe andagye, ndiludzelye unene, ukuta vwe vûmi vwa mbêpali. Neke idzene; dze ndilonga unene, ndilongela mwe mwene, mwe anda-gilye udâda.
Selectat acum:
Johana 12: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
