Johana 10
10
1Ndakyene ndakyene unene ndikuvalongela nditigila: je asigendela pamulyango pakwingila pavudâmo vwa ṅolo, neke agendelage-palubali hela, ujo je muhīdzi, je mukufi.
2Neke lino je ikwingilila pamulyango, ujo je mudimi va ṅolo jujo.
3Apo alamudindulila umuńa mulyango, neke na dzi ṅolo nadzo dzipulika ilidzwi lyakwe. Neke idzene iṅolo dzakwe akudzi-kemela amatavwa neke aladzihumya.
4Neke lino, pe adzihu-midze iṅolo dzakwe, apo akudzilongolela muvulongolo. Neke lino iṅolo dzakwe dzikumuninila, pakuva dzilidzelye ilidzwi lyakwe.
5Neke umugendzi dzisikumuninila, hamu dzikumukimbila, pakuva dzisilidzelye ilidzwi lya mugendzi.
6Neke Jesu pakudzilonga alongelaga muluhwa-nanidzo neke avene vatanage ukudzifika, dze avalongelaga.
7Neke baho Jesu neke avwilage kangi pakulonga neke atigilage: ndakyene ndakyene unene ndikuvavula nditigila: unene nde mulyango gwa ṅolo june.
8Neke vonda, avatalile ukwangu pakwadza, vali vahīdzi hela, vali vakufi, neke idzene iṅolo dzisa vapulikaga hamu.
9Ndi mulyango juńe, neke je igendela apangu pakwingila, alapona; je alingila, je alahuma, alaluvona na lu luvânde.
10Neke umwene umukufi, pe ikwadza, itigila, ndihidze, ndikome, ndanange hela. Neke unene ndadzye ulwa kuta, vavedzage nuvûmi, vafivonage pe fidevwike fyonda hela.
11Unene nde mudimi nde munofu june. Umwene umudimi umunofu akudzilekela uvûmi indîmwa dzakwe.
12Neke umulalikwa ujo asili mudimi nda, ujo indîmwa si dzakwe jujo nda, ngana avwene ilikekeva lyadzile, apo akudzileka iṅolo, ikimbila; neke lino ilikekeva likudzigogamila likudziladusa. 15, 13.
13Umwene ikimbila, pakuva mulalikwa hela, gusikudzivavila iṅolo umtitima.
14Nde mudimi nde munofu june. Najune ndidzi-dzelye iṅolo dzangu, kangi na dzi dzene dzindzelye unene, 2. Tim. 2, 19.
15ndevye najune andzelye udâda, kangi na june ndimudzelye udâda. Nuvumi vwangu ndikudzilekela indîmwa. Mat. 11, 27.
16Ndi nadzo nidzingi iṅolo, idzisili dza vudâmo uvu. Nadzo ndi muńa-kudzihwaga june, nadzo dzilalipulika ilidzwi lyangu, apo kilavedza kipinga kimwinga na ju muńa-kudima nave alavedza jumwinga. 11, 52.
17Kye alesile andzendage unene udâda, pakuva unene uvûmi vwangu ndikuvutaga, ukuta ndali ndivwanukile kangi.
18Asikuvuńaga ujungi ukwangu, hamu, ndikuvutaga june, nde mwene navo. Vutavulilwe vwangu, ngana nditigila ndivutage, kangi vutavulilwe vwangu, ngana nditigila ndivwanukilage kangi. Ululagi ulu andagye udâda. 5, 26.
19Neke kangi ava-Juda neke valekanage mwe ndekano pamadzwi aga. 7, 43; 9, 16.
20Neke avangi avolofu neke vatigilage: ali numudemono, agulwike ulukwale, mukumupulika mwe kiki? 7, 20.
21Neke avangi vatigilage: amadzwi, ge ilonga, gasili ga muńa-mudemono nda. Na ju mudemono aludzelye ukumudi-ndula umunu umubofu amîho?
22Neke lino baho kifikage ikyâka kya lupo-ndzolo lwa tembele ja mu-Jelusaleme, pakifuku.
23Neke baho umwene Jesu neke igendzagendzage patembele muluvandza uluselomo. Apos. 3, 11.
24Neke baho vamuvu-mbanilage u-Jesu ava-Juda neke vatigilage: ulapĕla pi pakututunguvika mbêpali inumbula dzesu? Ngana je veve ve Kilisiti, ka ukutulongela kyedza-mutima hela.
25Neke baho Jesu apilusage neke atigilage: ukulonga kwe ndivalongye neke lino uńeńe musifuvwa. Amalimo, ge ndilimila mwitavwa lya dâda, ge gene agakundzolekela. 5, 36.
26Neke uńeńe musifuvwa, pakuva musili va muṅolo dzangu. 8, 45.
27Neke idzene iṅolo dzangu dzipulika ilidzwi lyangu, najune ndidzidzelye idzangu, idzene dzikuninila unene. v. 3. 4; 8, 47.
28Unene ndikudzipēla uvûmi vwa mbêpali neke nukujaga nambi dzisilajaga ponu, asiladzisweketula jungi mumavoko gangu.
29Neke umwene udâda, je amelye unene, ujo alulye kuvonda, neke ilemwa umunu ukudzisweketula mumavoko gakwe.
30Najune nudâda tuli na lumw’inga.
31Neke baho ava-Juda neke vahŏlage amaganga neke vaganage vamuto-dzehedzage. 8, 59.
32Neke baho Jesu apilusage neke atigilage: ndivavonehidze amalimo amolofu amanofu amahuma kwa dâda, lino amaganga aga, pe mukundĭgila, mukumbala malimo galikwi, ge mwigana munodzeledzage.
33Neke avene ava-Juda neke vapilusage vatigilage: tusikukuvala ulunofo, pe twitigila tukuto-dzeledzage, hamu, tukukuvalila uvulongafivi pakuva ukwidzusa Nguluvi, kuno ve uli munu hela. 5, 18; Mat. 26, 65.
34Neke umwene Jesu apilusage atigilage: mumilagililwe gyeńo lusolilwe ulwa kuta: ndzovile unene ukuta muli va-Nguluvi?
35Neke ngana vitambulwa uvunguluvi na vala, ve lyavafikye ilidzwi lya Nguluvi (pakuva idzolilwe pahâte dzisigwa pańi idzingi),
36apo unene, je dâda amelye uvwîmike, anumile na kwen’eńi kuno, apo unene mwitigila ndilonga fivi ndavuli, pe nditigye ndili muswamuve va Nguluvi? 5, 17-20.
37Ngana sindilima amalimo ga dâda, apo mutane ukufuvwa.
38Lino ngana ndikugalima, apo mugafuvwage gago, ngana musikūfuvwa unene, neke mulufikage, nukulukagula mulukagulage ukuta umwangu agenda udâda, najune ndigenda mwa dâda.
39Neke kangi avene neke vavwilage ulwa kuta tumwavike, neke baho umwene atyelemukage muma voko ganavo. 8, 59; Luk. 4, 30.
40Neke baho ahelelage kangi imwambu jila ja Jolodana, pala pe adzabikilaga Johana avanu ululongodzi lula. Neke ikalage baho. 1, 28.
41Neke baho vahelelage avanu avolofu ukwakwe neke vatigilage: umwene Johana ukuvonesa ikilŏle asikivonesa nda, neke lino dze amulongaga uju, idzo dza koluli hela.
42Neke baho vamufuvwage avolofu avanu.
Selectat acum:
Johana 10: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
