Genesis 2
2
Sjukil k'ak'u
1-3Jach' ch'ak tojb'uk yuj jastal it
ja Dyos ja satk'inal sok ja lu'umi,
sok spetsanil ja jas ayi,
jaxa b'a sjukil k'ak'u jijli.
Jel lek yila ja Dyos ja k'ak'u jawi, ja'yuj spila
b'a jach' spetsanil oj toyjuk yuj ja kristyano jumasa.
Ja winik sok ja ixuki
4Jach' jastal it stojb'es ja satk'inal sok ja lu'um ja Dyosi.
Ja k'ak'u jawi, 5mey te' jumasa mey sk'ujlal ja wits yuj ja me'x ya jak ja' ja Dyosi, sok mi ma' wax ya'telta ja lu'umi. 6B'a lu'umi, wax el syab' sok ja jawi k'un wax ya' ajyuk ja lu'umi. 7Ja'yuj ja Dyosi, yi'aj t'usan ja ts'ub' lu'umi sok ja jawi, ja sk'u'lan sok ja winiki. Tsa'an sju'uyi ja sni'i, sok ja yik' ye'n jach' ya'yi sak'anil. Jach' sta'a jastal it ja sak'anil ja winiki.
8Ja Dyosi, stojb'es jun tsamal, yaljil tek'ul ya sb'i'iluk Eden, ti ya' ajyuk tiw ja winik sk'u'lani. 9Tsa'an ja Dyosi, ya kan spetsanil tik'e te' ja tiwi; jel tsamalik sok jex ajb'ani ja sat wax ya'a. B'a snalan ja yaljil tek'ul jawi, tey ja te' it wax ya'a sak'anili, cho ti'ni ja te' it wax ya jna'tik ja b'a lek sok b'a mi lekuki.
10Ja b'a yoj yaljil tek'ul jawi, wax el jun niwan yok ja' wax ya po'xuk ja lu'umi, tsa'an wa spila sb'aj chane yok ja'. 11Ja sb'ajtanil yok ja'i, sb'i'il Pison, ja it wa sjoyb'a spetsanil ja niwan chonab' Havila, ja tiwi ay k'anal tak'in b'a jel lek, 12ay ton sb'i'il onise, cho ay yal te' b'a wa sk'u'lane sok lekil perjume. 13Ja schab'il yok ja'i, sb'i'il Guihon, ja it wax ek' sjoyb'a spetsanil ja niwan schonab'il ja Etiope jumasa. 14Ja yoxil yok ja'i, sb'i'il Tigris. Ti wax yi'aj yok b'a stojol wax jak ja k'ak'u yuj ja Asiria. Jaxa schanil yok ja'i, ja Eufratesi.
15Ja Dyosi, ti ya' ajyuk ja winik b'a yaljil tek'ul sb'a Edeni, b'a oj ya'telta sok b'a oj stalna, 16ja'yuj toj lek yal yab'i: —Oj b'ob' a lo' spetsanil ja tek'ul jumasa ay b'a yoj yaljil tekuli, 17kechan mi oj b'ob' a lo' ja sat ja te', it oj ya'a na' b'a lek sok b'a mi lekuki, yuj k'a wa ja lo' ja te' jawi, wax kala wab'i ojni chamana.
18Tsa'an ti yala ja Dyosi: —Mi lekuk ja lom stuch'il ja winiki; oj k'u'l jun smojtanum b'a oj cho koltajuk yuj, xchi ja Dyosi. 19-20Ja'yuj ja Dyosi, sk'u'lan spetsanil tik'e chante b'a oj b'ob' k'ajtesxuk sk'u'lan ja chante b'a k'uli, sok spetsanil ja yal chan jumasa wax jujpi, ti ya' yi b'a sk'ab' ja winik b'a oj sle' yi sb'i'ile, jaxa ye'n jach'ni sk'u'lana.
Jasa, ja b'a winiki mey mojtuman sok koltuman. 21Ja'yuj ja Dyosi, ya och swayel ja winiki. Yajni ochelxa lek ja swayeli, ti ya elyi june ja sb'akel sxa'axi, tsa'an cho b'ut'ukan lek ja b'a ya eluki. 22Sok ja xa'axal jawi, stojb'es sok jun ixuk ja Dyosi. Yajni yi'aj ochyi ja winiki, 23Ti yala:
—Ja yan ja b'ak'et iti,
jb'ak'tel ke'na
ja b'aki jb'akel ke'na—.
Oj ka sb'i'iluk ixuk,#2:23 ixuk: Wa sk'ana yal ja b'a hebreo ixa jaxa winiki, ix.
yuj ja ti ya el jan b'a winik ja Dyosi.
24Ja'yuj ja winiki, oj ya'kan ja snan stati, ja oj smo'uk sb'aj sok ja sche'umi, b'a june ita oj ajyuke.
25Ja winik sok ja sche'umi, jach' b'asan wax b'ejyiye ek' ajyi mi sna'awe k'ixwel.
Selectat acum:
Genesis 2: YABD
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© Sociedad Bíblica de México 2021