Tobit 9
9
Tobias mi' chok majlel jiñi ángel cha'añ mi' ich'äm tilel itak'iñ
1Che' jiñi Tobías tsi' päyä tilel jiñi Rafael, tsi' isu'be:
2«Kerañ Azarías, ch'ämä chäñtikil xk'äñolbä wiñikob yik'ot cha'kojt kameyotak, kuku ya' ti Ragües. Julatañ jiñi Gabael, ak'eñ jiñi juñ tsa'bä jkäk'eyet yik'ot ch'ämä tilel jiñi tak'iñ, su'beñ ja'el cha'añ mi' tilel awik'ot ti k'iñijel ñujpuñijel.
3-4»Awujilix bajche' ktat woli itsike' k'iñ, che' mi tsa' jalijeyoñ, mi' kaj imel ipusik'al. Awujil ja'el bajche' jiñi Ragüel tsi' isu'beyoñ tsätsbä t'añ, jiñ cha'añ mach mejl kñusäbeñ it'añ».
5Jiñi ángel Rafael tsa' majli ti Ragües ya' ti Media yik'ot chäñtikil xk'äñolob yik'ot cha'kojt kameyotak; tsa' käleyob ti wäyel ya' ti yotot Gabael. Tsi' iyäk'e ijuñilel tak'iñ, tsi' isu'be bajche' añ jiñi Tobías, iyalobil Tobit, cha'añ tsa'ix ñujpuñi, yik'ot bajche' woli ipäy majlel ti k'iñijel cha'añ ñujpuñijel. Tsa' ch'ojyi jiñi Gabael, tsi' yäk'e pejtelel koxtaltak ba' but'ul jiñi tak'iñ, ma'añik tälbil icha'añ jiñi ijuñilel, ya'i tsa' iyäk'eyob ikuch jiñi kameyotak. 6Ik'to tsa' ch'ojyiyob, tsa' majliyob ya' baki añ k'iñijel cha'añ ñujpuñijel.
Che'bä tsa' k'otiyob ya' ti iyotot jiñi Ragüel, tsi' itajayob jiñi Tobías buchul ti' t'ejl we'te'. Awilañ, che'bä tsa' ch'ojyi jiñi Tobías tsa' yäk'e ik'äb, jiñi Gabael tsa' kaji ti uk'el, tsi' ich'ujutesa, tsi' isu'be:
«Weñ tojetbä wiñik,
xuk'uletbä ti' pejtelel amelbal,
yalobilet juñtikil tojbä yik'ot xuk'ulbä wiñik.
Lak Yum la' ikoltañet temel
yik'ot awijñam yik'ot itat iña' jiñi awijñam.
Ch'ujuläch jiñi Lak Ch'ujutat,
cha'añ tsa' to mejli jk'elbeñ iyejtal iwut
jiñi kerañ Tobit».
Selectat acum:
Tobit 9: CholDc
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© Biblia Chol de estudio con DC- Derechos reservados por SBM