Epacerero 5
5
Okhuma Adamu mpaka Nowe
1Masina a ekhapira ya Adamu ti ala: Muluku ampattuxaka mulopwana, aahiilikanxa Yoowo. 2Aampattuxa ntoko mulopwana ni muthiyana. Aapattuxakaru, aahaareeliha ni aawiitthana “atthu.” 3Wa iyaakha ncira ni miloko miraru, Adamu aamuyara mwaana mulopwana iilikanxaka mukhalelowaawe, anamutteha nsinanawe Seeti. 4Amuyanreene Seeti, Adamu aakhalatho ni okumi iyaakha macira mathannamararu ni aahaayaratho anamwane asilopwana ni asithiyana akina. 5Iyaakhasawe sootheene sa okumaawe saari macira mathannamaxexe ni miloko miraru, anakhwa. 6Mwa iyaakha ncira ni iyaakha ithanu Seeti aamuyara Enoxi. 7Amuyanreene Enoxi, Seeti aakhalatho ni okumi iyaakha macira mathannamararu ni iyaakha ithannapiili ni aahaayara anamwane asilopwana ni asithiyana akina. 8Iyaakhasawe sootheene sa okumaawe saari macira mathannamaxexe ni iyaakha muloko ni piili, anakhwa. 9Mwa iyaakha miloko mithannamixexe Enoxi aamuyara Kenani. 10Amuyanreene Kenani, Enoxi aakhalatho ni okumi iyaakha macira mathannamararu ni iyaakha muloko niithanu ni aahaayara anamwane asilopwana ni asithiyana akina. 11Iyaakhasawe sootheene sa okumaawe saari macira mathannamaxexe ni iyaakha ithanu, anakhwa. 12Mwa iyaakha miloko mithannamiili, Kenani aamuyara Mahalaleli. 13Amuyanreene Mahalaleli, Kenani aakhalatho ni okumi iyaakha macira mathannamararu ni iyaakha miloko mixexe ni aahaayara anamwane asilopwana ni asithiyana akina. 14Iyaakhasawe sootheene sa okumaawe saari macira mathannamaxexe, anakhwa. 15Mwa iyaakha miloko mithannamosa ni iyaakha ithanu, Mahalaleli aamuyara Yaredi. 16Amuyanreene Yaredi, Mahalaleli aakhalatho ni okumi iyaakha macira mathannamararu ni iyaakha miloko miraru ni aahaayara anamwane asilopwana ni asithiyana akina. 17Iyaakhasawe sootheene sa okumaawe saari macira mathannamararu ni iyaakha miloko mithannamixexe niithanu, anakhwa. 18Mwa iyaakha ncira ni iyaakha miloko mithannamosa ni piili, Yaredi aamuyara Henoki. 19Amuyanreene Henoki, Yaredi aakhalatho ni okumi iyaakha macira mathannamararu ni aahaayara anamwane asilopwana ni asithiyana akina. 20Iyaakhasawe sootheene sa okumaawe saari macira mathannamaxexe ni iyaakha miloko mithannamosa ni piili, anakhwa. 21Mwa iyaakha miloko mithannamosa ni piili, Henoki aamuyara Metusalemu. 22Amuyanreene Metusalemu, Enokhi anneetta ni Muluku iyaakha macira mararu ni aahaayara anamwane asilopwana ni asithiyana akina. 23Iyaakhasawe sootheene sa okumaawe saari macira mararu ni iyaakha miloko mithannamosa niithanu. 24Henoki aaheetta ni Muluku ni aalakaseya vamaithoni wa atthu, niwoko Muluku aamucophola. 25Mwa iyaakha ncira ni miloko mithannamiraru ni iyaakha ithannapiili, Metusalemu aamuyara Lameki. 26Amuyanreene Lameki, Metusalemu aakhalatho ni okumi iyaakha macira mathannameeli ni iyaakha miloko mithannamiili ni piili ni aahaayara anamwane asilopwana ni asithiyana akina. 27Iyaakhasawe sootheene sa okumaawe saari macira mathannamaxexe ni iyaakha miloko mithannamosa ni piili, anakhwa. 28Mwa iyaakha ncira ni iyaakha miloko mithannamiraru ni piili, Lameki aamuyara mwaana mulopwana mmoha. 29Aamutteha nsinanawe Nowe eeraka: “Ola onoonipepesa mwa mitekosahu soovihaxa ni ohaawa wa matataahu, woonaka weera Yave aalapha elapo.” 30Amuyanreene Nowe, Lameki aakhalatho ni okumi iyaakha macira mathanu ni iyaakha miloko mithannamixexe niithanu ni aahaayara anamwane asilopwana ni asithiyana akina. 31Iyaakhasawe sootheene sa okumaawe saari macira mathannameeli ni iyaakha miloko mithannamiili niithannapiili, anakhwa. 32Areeneno iyaakha macira mathanu, Nowe aamuyara Xemi, Hami ni Yafeti.
Selectat acum:
Epacerero 5: VMK2021
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Makhua Shirima Bible © Christelike Lektuurmaatskappy NPC, 2021.