YOANA 8
8
1 #
Lk 21.37. ĩndi Yesũ athi kĩĩmanĩ kya Mĩthata. 2Na kĩoko tene avota ĩngĩ ĩkalũnĩ, na andũ onthe mathi vala ũĩ; nake ekala nthĩ, na amamanyĩsya. 3Na aandĩki na Avalisi mamũetee mũndũ mũka wakwatiwe ũlaalaini; na mamũũngamya katĩ woo, 4mamwĩa, Mũmanyĩsya, mũndũ mũka ũũ akitw’a akĩka ũlaalai. 5#Ali 20.10; Kũt 22.22–24.Na mĩaonĩ Mose atwĩaĩe kũaa ta ũyũ na mavia: wĩasya ata ĩndĩ, we, ũndũ wake? 6#Mt 22.25.Na waasya ũu, makĩmũtata, mone ũndũ wa ũmũvinganĩsya naw’o. Ĩndĩ Yesũ akunama, na aandĩka nthĩ na kyaa kyake. 7#Kũt 17.7.Na mathing’ĩĩsya kũmũkũlya, aũngalala, na amea, Ũla ũte na nai katĩ wenyu nĩambe kũmwĩkya ĩvia. 8Na akunama ĩngĩ, na aandĩka nthĩ na kyaa kyake. 9#Mt 22.22; Alo 2.22.Namo, meew’a ũu, maumaala ũmwe na ũmwe, kwambĩlĩlya ala akũũ, kũvika, ala ma mũminũkĩlyo: na Yesũ atiwa e weka, na ũla mũndũ vala eĩĩ katĩ. 10Na Yesũ aũngalala, na amwĩa, Mũndũ mũka, maĩva ala? Vai ũmwe ũnaũsilĩla? 11#Yoa 5.14.Na amwĩa, Vai ũmwe, Mwĩaĩi. Na Yesũ amwĩa, O nakwa ndiũkũsilĩla: enda; na kuma yu ndũkaaĩke naĩ ĩngĩ.)
Kyeni ka Nthĩ
12 #
Isa 49.6; Yoa 1.5,6; 12.46. Na ĩndĩ Yesũ aneena namo ĩngĩ, akyasya, Nyie, ninyie kyeni kya nthĩ: ũla ũmbikĩlaa ndakakinya kĩvindunĩ, ĩndĩ akeethĩwa na kyeni kya thayũ. 13Na ĩndĩ Avalisi mamwĩa, Nũkwĩkũsĩĩa mwene; ũkũsĩ waku ti wa w’o. 14#Yoa 5.31.Yesũ amaswũngĩa na amea, O na ethĩwa nĩngwĩkũsĩĩa mwene, ũkũsĩ wakwa nĩ wa w’o; nũndũ nĩnĩsĩ kũla naumie, na kũla nĩthi: ĩndĩ inyw’ĩ mũtyĩsĩ kũla naumie, kana kũla nĩthi. 15#Yoa 7.24; 12.47.Inyw’ĩ mũsila kĩmwĩi; nyie ndisilĩlaa mũndũ. 16#Yoa 8.29.Na ethĩwa nĩngũsila, kũsila kwakwa nĩ kwa w’o; nũndũ ndi nyioka, ĩndĩ nyie na Asa ũla wandũmie. 17#Kũt 17.6; 19.15.Na mĩaonĩ yenyu nĩkũandĩkĩtwe kana ũmũsĩ wa andũ elĩ nĩ wa w’o. 18#1 Yoa 5.9.Nyie nĩngwĩkũsĩĩa mwene, na Asa ũla wandũmie, nake nũnũngũsĩĩa. 19#Yoa 14.7.Na kwondũ wa ũu mamũkũlya, Au aĩva? Yesũ amasũngĩa, Mũimbĩsĩa, o na Asa mũimwĩsĩ: kethĩwa, nĩmũmbĩsĩ, nake Asa mwĩthĩw mũmwĩsĩ. 20#Yoa 7.30; 13.1; Lk 22.53.Ndeto ii aneenie e vala valekelaw’a mbesa, akĩmanyĩsya ĩkalũnĩ: na vai mũndũ waamũkwata; nũndũ saa wake ndwaĩ ũnamba ũvika.
Ũndũ wũkĩte kwa ala maleaa kũmwĩtĩkĩla
21 #
Yoa 7.34; 13.33. Na ĩndĩ amatavya ĩngĩ Nyie nĩngũthi, nenyu mũkamantha, na mũkakw’a naĩnĩ yenyu: kũla nĩthi, mũtitonya kũka. 22#Yoa 7.35.Na ĩndĩ Ayuti masya, Akeeyũaa mwene, nũndũ easya, Kũla nĩthi, mũtitonya kũka? 23#Yoa 3.31.Na amea, Inyw’ĩ mwĩ ma ĩtheo; nyie nĩ wa ĩũlũ: inyw’ĩ mwĩ ma nthĩ ĩno; nyie ndi wa thaĩ ĩno. 24Nũndũ wa ũu namwĩa, kana mũkakw’a naĩnĩ syenyu: nũndũ mwalea kwĩtĩkĩla kana ninyie we mũkakw’a naĩni syenyu. 25#Yoa 8.14.Na ĩndĩ mamũkulya, We nue ũũ? Yesũ amea, No ũla namũtavasya kuma mwambĩlĩlyonĩ. 26#Yoa 8.38; 12.49.Nĩ na maũndũ maingĩ ma ũneena na ma ũsila ũndũ wenyu: ĩndĩ ũla wandũmie nĩ wa w’o; na maũndu ala neewie kwake, nĩmo nĩmĩtavasya nthĩ. 27Natyaamanya kana emawetea Asa. 28#Yoa 3.14; 12.32.Na ĩndĩ Yesũ asya, Yĩla mwĩmũkĩlya ũla Mwana wa mũndũ, nĩw’o mũkamanya kana ninyie we, na ndyĩkaa ũndũ nũndũ wakwa, ĩndĩ no ũndũ Asa wamanyĩisye, nĩw’o nĩneenaa. 29#Yoa 8.16; Mt 27.46.Na ũla wandũmie e wamwe nakwa; ndaandia nĩ nyioka; nũndũ mavinda onthe nĩkaa maũndũ ala mamwendeeasya. 30Akĩneena ndeto isu, andũ angĩ mamwĩtĩkĩla.
Ngananĩo ya Ayuti
31Nĩvo ĩndĩ Yesũ wameie Ayuti ala Ethĩwa inyw’ĩ mũkekalaa w’o; 32na mũkamanya ũla w’o, na ũla w’o ũkamũthasya. 33#Mt 3.9; Nee 9.36.Namo mamũsũngĩa, Twĩ ũsyao wa Avalaamu, tũiaamba kwĩthĩwa ngombo sya mũndũ o na wĩva: wĩasya ata ĩndĩ, aĩ, Mũkathaw’a? 34#Alo 6.16,20; 1 Yoa 3.8.Yesũ amasũngĩa, Nĩ w’o, nĩ w’o, nĩngũmwĩa, Kĩla mũndũ wĩkaa naĩ nĩ ngombo ya naĩ. 35#Aka 4.30.Na ngombo ndĩkalaa nyũmbanĩ mavinda onthe: mwana ekalaa mavind onthe. 36#Alo 6.18,22.Ethĩwa ũla Mwana akamũthasya, mũkethĩwa mwĩ athasye w’o. 37Nĩnĩsĩ kana mwĩ ũsyao wa Avalaamu; ĩndĩ mwĩmantha ũmbũaa, nũndũ ndeto yakwa ndĩ na ũthei nthĩnĩ wenyu. 38Nĩneenaa maũndũ ala noonie kwa Asa: o nenyu nĩmwĩkaa maũndũ ala mweewie kwa ĩthe wenyu. 39#Mt 3.9.Mamũsũngĩa na mamwĩa, Asa waitũ nĩ Avalaamũ. Yesũ amea, Kethĩwa mwĩ syana sya Avalaamu, mwĩthĩwa mũkĩka, mawĩa ma Avalaamu. 40Ĩndĩ yu nĩmũũmantha kũmbũaa, mũndũ ũla ũmũtavĩtye w’o, ũla neewie kwa Ngai: Avalaamu ndaaĩka ũu. 41#Mwa 3.15; Kũt 23.2.Nĩmwĩkaa mawĩa ma ĩthe wenyu. Na mamwĩa, Ithyĩ tũtyaasyaĩwa ũlaalaini; twĩ na Asa ũmwe, nake nĩ Ngai. 42#1 Yoa 5.1.Yesũ amea, Kethĩwa Ngai nĩ Ĩthe wenyu, mwithĩwa mũkĩmbenda: nũndũ naumie kwa Ngai na nooka; na ndyaaũka kwondũ wakwa, ĩndĩ nĩwe wandũmie. 43#Yoa 12.39; Mt 12.34; Alo 8.7.Nĩ ũndũ wa kĩ mũteũmanya ũndũ ngũneena? Nũndũ mũtitonya kwĩw’a ndeto yakwa. 44#1 Yoa 3.8–10; Mwa 3.4; 2 Vet 2.4.Ĩnyw’ĩ, mwĩ ma ĩthe wenyu ndevili, na wendi wa ĩthe wenyu nĩw’o mwendaa kwĩka. Aĩ mũaani kuma mwambĩlĩlyonĩ, na ndaaĩkala nthĩnĩ wa w’o, nũndũ nthinĩ wake vati w’o. Yĩla ũnũũneena ũvũngũ, eneena ũndũ wĩ naw’o: nũndũ nĩ mũneeni wa ũvũngũ, na nĩ ĩthe wa ũvũngũ. 45#Lk 22.67.Ĩndĩ nũndũ nĩneenaa w’o, mũtiũmbitikila. 46#2 Ako 5.21; 1 Vet 2.22.Nũũ wenyu ũla ũkũsĩĩa ki kana nyie nĩ mwĩki wa naĩ? Ethĩwa nĩneenaa w’o, nĩkĩ mũtiũmbĩtĩkila? 47#Yoa 18.31; Yoa 4.6.Ũla wa Ngai nĩwĩw’aa ndeto sya Ngai: na kwondũ wa ũu mũtyĩw’aa, nũndũ mũi ma Ngai. 48#Yoa 7.20; Mko 3.21.Ayuti mamũsũngĩa, mamwĩa, Tũtinaneena o w’o kana wĩ Mũsamalia, na wĩ na ndaimonĩ? 49Yesũ amasũngĩa, Ndi na ndaimoni; ĩndĩ nĩmũtaĩa Asa wakwa, na inyw’ĩ mũiũndaĩa. 50#Yoa 5.41.Nakwa ndĩĩmantha ndaĩa yakwa mwene: kwĩ ũmwe ũla ũkumantha na nowe ũtusaa. 51#Yoa 5.24; 6.40,47; 11.25.Nĩ w’o, nĩw’o, nĩngũmwĩa. Ethĩwa mũndũ nũkwataa ndeto yakwa, ndakona kĩkw’ũ o na ĩndĩĩ. 52#Mko 9.1.Ayuti mamwĩa, Yu nĩtwamanya kana wĩ na ndaimoni. Avalaamu nĩwakwie, na athani; naku wĩasya, Ethĩwa mũndũ nũkwataa ndeto yakwa, ndakasama kĩkw’ũ o na ĩndĩĩ. 53#Yoa 4.12.We, wĩ mũnene kwĩ asa waitũ Avalaamu, nake nĩwakwie? Na athani nĩmakwie: wĩĩtw’a ũũ? 54Yesũ asũngĩa, Ethĩwa nĩĩtaĩa mwene, ndaĩa yakwa ti kĩndũ: nĩ Asa wakwa ũla ũnũũndaĩa; ũla inyw’ĩ mũkwasya, nĩ Ngai wenyu; 55#Yoa 7.28.na inyw’ĩ mũiaamũmanya: ĩndĩ nĩnĩmwĩsĩ; na ethĩwa ngasya, Ndĩmwĩsĩ, ngeethĩwa mũneeni wa ũvũngũ tenyu: ĩndĩ nĩnĩmwĩsĩ na nĩngwataa ndeeya yake. 56Ĩthe wenyu, Avalaamu, nĩwatanie nũndũ wa kwona mũthenya wakwa; na nĩwawonie, na atana. 57Ĩndĩ Ayuti mamwĩa, Ndũnamba ũvikya myaka mĩongo ĩtano, na nĩwamwonie Avalaamũ? 58Yesũ amatavya, Nĩ w’o, nĩ w’o, nĩngũmwĩa, Nĩ kw’o naĩ, Avalaamuatanamba ũsyawa. 59#Yoa 10.31.Nĩvo ĩndĩ moosie mavia mamũkime: ĩndĩ Yesũ eevitha, na auma ĩkalũnĩ.
Selectat acum:
YOANA 8: Mbivlia
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
