YOANA 7
7
Yesũ na ana‐a‐iyia
1 #
Mko 9.30; Lk 9.51. Na ĩtina wa maũndũ asu Yesũ angangaa Kalilii: nũndũ ndendaa kwanganga Yutia, nũndũ Ayuti nĩmamanthaa kũmũaa. 2#Ali 23.34.Na mboka ya Ayuti, ĩla ya kwaka malwanda, yaĩ vakuvĩ. 3#Yoa 2.12; Mt 12.46; Meko 1.14.Na ana‐a‐inyia mamwĩa, Uma vaa ũthi Yũtia, nĩ kana amanyĩw’a maku nao mone mawĩa maku ala wĩkaa. 4Nũndũ kũi mũndũ wĩkaa ũndũ avithĩte, akyenda amanyĩke nĩ andũ. Ethĩwa nũkwika mawĩa aa, iyonan’ye kwa nthi. 5#Mt 13.55.Nũndũ o na ana‐a‐inyia make maiamwĩtĩkĩlĩte. 6#Yoa 2.4.Kwondũ wa ũu Yesũ amea, Ĩvinda yakwa yĩinamba ũvika; indi ĩvinda yenyu ni ĩviku mavinda onthe. 7#Yoa 15.18.Nthĩ nditonya ũmũmena inyw’i; ĩndĩ nyie ninĩũmena, nũndũ nyie nĩnĩmĩkũsĩiaa, kana mawĩa mayo nĩ mathe. 8Ambataiinyw’i mũthi mbokanĩ: ndikwambata oyu mbokanĩ ĩno; nũndũ ĩvinda yakwa yĩinamba kwĩanĩa. 9Na amatavya maũndũ asu, ekalanga Kalilii.
10Ĩndĩ yĩla ana‐a‐inyia maĩ manambata mbokanĩ, o nake ambata, ti kwa kwĩyumĩlya, ĩndĩ kwa kĩmbithĩ. 11Na Ayuti meethĩwa makĩmũmantha mbokanĩ, makyasya, Aĩva we? 12Na kwaĩ mũnyungunyĩsyo mũnene katĩ wa makomano nũndũ wake: amwe masya, Nĩ mũndũ mũseo; na angĩ masya, Ti w’o, nũnũkwasya andũ aingĩ. 13#Yoa 9.22; 12.42; 19.38.Ĩndĩ vai mũndũ waneenaa ũvoo wake aumĩlĩtye vyũ nĩ kũmakia Ayuti.
Yesũ aimanyĩsya Yelusaleme kana aumĩte kwĩ Ngai
14Na ĩvinda ya mboka yavika katĩ, Yesũ ambata avota ĩkalũnĩ, na amanyĩsya. 15#Mt 13.54; Lk 2.47.Na Ayuti maseng’a, makyasya, Mũndũ ũũ esĩ ata maũndũ ma mavuku, na ndaamanyĩw’a? 16#Yoa 12.49.Kwa ũu Yesũ amasũngĩa, amea, Ũmanyĩsyo wakwa tĩ wakwa, ĩndĩ nĩ wa ũla wandũmie. 17Ethĩwa mũndũ o na wĩva nĩwendaa kwĩka kwenda kwake, akamanya ũmanyĩsyo, ethĩwa nĩ wa Ngai, kana ethĩwa nĩneenaa kwondũ wakwa mwene. 18#Yoa 5.41,44.Ũla ũneenaa ũndũ wake mwene emanthĩaa ndaĩa: ĩndĩ ũla ũmanthaa ndaĩa ya ũla wamũtũmie, ũsu nĩ wa w’o, na nthĩnĩ wake vaĩ ũndũ ũte ũlũngalu. 19#Yoa 5.16,18,47; Meko 7.53; Alo 2.17–29.Ũla wamũnengie ĩla mĩao ti Mose? O na vai ũmwe wenyu ũla ũmĩkwataa ĩla mĩao. Nĩkĩ mũũmantha ũmbũaa? 20#Mko 3.21; Yoa 8.48,52; 10.20.Na yĩla ĩkomano yamũsũngĩa, Wĩ na ndaimoni we: nũũ ũla ũnũũmantha ũkũaa? 21#Yoa 5.16.Yesũ asũngĩa, amea, Nĩnĩneekie wia ũmwe, na inyw’onthe nĩmũũseng’w’a niw’o. 22#Mwa 17.10–12; Ali 12.3.Mose amũnengie nzaĩko (tĩ atĩ yaumie kwa Mose, ĩndĩ kwa aaĩthe); na inyw’ĩ nĩmũkwaĩka mũndũ mũthenya wa savato. 23#Yoa 5.8.Ethĩwa mũndũ nũkwaĩkwa mũthenya wa savato, kana mĩao ya Mose ndĩkanangwe; mwĩnthatĩa nũndũ nĩnavoisye mũndũ aneethĩwa e mũima vyũ mũthenya wa savato? 24#Yoa 8.15.Mũikasile mũkĩtalĩlya, ĩndĩ sĩlai sĩla wa katĩ.
25 #
Yoa 7.19. Na ĩndĩ amwe ma Yelusaleme masya, Ũũ tiwe ũla meũmantha ũmũaa? 26Indi sisyai, eneena ateũvitha, o na maiũmwĩa ũndũ. No kwĩthĩwa anene mesi vyũ kana ũũ nĩ Klĩsto? 27#Yoa 7.41.Ĩndĩ nĩtwĩsĩ kũla mũndũ ũũ wumĩte: ĩndĩ yila Klĩsto ũkoka, vai ũkamanya kũla wumĩte. 28Ĩndĩ Yesũ ookĩlya wasya e ĩkalũnĩ, akĩmanyĩsya na asya, Nĩmũmbĩsĩ, na ĩngĩ nĩmwĩsĩ vala naumie; na ndyaaũka kwondũ wakwa, ĩndĩ ũla wandũmie nĩ wa w’o, ũla mũtamwĩsĩ. 29#Mt 11.27.Nyie nĩnĩmwĩsĩ; nĩkwĩthĩwa naumie kwake, na nĩwe wandũmie. 30#Yoa 8.20; 13.1; Lk 22.53.Na ĩndĩ mamantha ũmũkwata: ĩndĩ vai mũndũ waamũtambũũkĩsya kw’oko, nũndũ saa wake ndwaĩ ũnamba ũvika. 31#Yoa 8.30; 10.42; 11.45; 12.42.Ĩndĩ andũ aingĩ ma ĩkomano mamwĩtĩkĩla; na masya, Yĩla Klĩsto ũkoka, nũkeka syama nyingĩ kũthonoka ila syĩkĩtwe nĩ mũndũ ũũ? 32Na Avalisi meew’a andũ ma ĩkomano mainyungunyĩĩsya maũndũ asu nũndũ wake; na ala athembi anene na Avalisi matũma makanga nĩ kana mamũkwate. 33#Yoa 13.33.Kwondũ wa ũu Yesũ asya, Vatiele ĩvĩnda ĩnini nĩ vamwe nenyu, na ngĩthi kwa ũla wandũmie. 34#Yoa 8.21; 13.36; 17.24.Mũkamantha, na mũikambona: na vala nĩĩ, mũtitonya kũka. 35Na kwondũ wa ũu Ayuti maneena ene kwa ene, Mũndũ ũũ akathi na kũ kũla tũtatonya kũmwona? Akathi kwa ala ma Ũnyaĩĩko ma Akiliki, amanyĩsye Akiliki? 36Ũu nata ũkwasya, Mũkamantha, na mũikambona; na vala nĩĩ, mũtitonya kũka?
Manzi me Thayũ
37 #
Yoa 4.10,14; Ali 23.36. Na ĩndĩ mũthenya wa kũmina, mũthenya ũla mũnene wa mboka, Yesũ aũngama na aneena na wasya mũnene, akyasya, Ethĩwa mũndũ o na wĩva e na waũni, nĩoke kwakwa anyw’e. 38#Isa 44.3; 55.1; 58.11; Esek 47.1,12; Nzek 13.1; 14.8.Ũla ũnũũmbĩtĩkĩla, o ũndũ maandĩko maĩtye, nthĩnĩ wake kũkauma mbũsĩ sya manzĩ ma thayũ. 39#Yoa 16.7; 2 Ako 3.17.Na aneenaa ũu kwondũ wa ũla Veva, ũla makilĩlye kũnengwa ala mamwĩtkĩlĩte: nũndũ Veva ndaĩ anamba kũnenganwe; nũndũ Yesũ ndaĩ anamba kũtaĩwa. 40#Yoa 6.14; Kũt 18.15.Na amwe ma ĩkomano meew’a ndeto isu, masya, Nĩ w’o, ũũ nĩwe ũla mwathani. 41#Yoa 1.46.Na angĩ masya, Ũũ nĩwe Klĩsto. Ĩndĩ angĩ masya, Ai! Klĩsto euma Kalilii? 42#2 Sam 7.12; Mika 5.2; Mt 2.5,6; 22.42; Sav 89.3.Maandĩko maiaasya Klĩsto akauma ũsyaonĩ wa Ndaviti, na kuma ndũanĩ ya Mbethelemu, vala Ndaviti wekalaa? 43#Yoa 9.16.Na kwa ũu kwaya ũtilĩkangano ĩkomanonĩ nũndũ wake. 44#Yoa 7.30.Na amwe menda kũmũkwata; ĩndĩ vai mũndũ waamũtambũũkĩsya moko.
45 #
Yoa 7.32. Nĩvo ala makanga mamaalũkĩla athembi anene na ala Avalisi; namo mamakũlya, Nĩkĩ mũtinamũete? 46#Mt 7.28,29.Na ala makanga mamasũngĩa, Vai mũndũ ũngĩ nongi waaneena ta ũsu. 47Na ĩndĩ Avalisi mamasũngĩa, O nenyu ko mwaĩtw’e? 48#Yoa 12.42.Ve ũmwe wa ala anene, kana wa Avalisi ũmwĩtĩkĩlĩte? 49Ĩndĩ ĩkomano yĩĩ yĩtesĩ ĩla mĩao nĩumanĩe. 50#Yoa 3.1,2.Nikotemo (nĩ ũla waendie kwake ĩngĩ, na no ũmwe wamo) amakũlya, 51#Kũt 1.16,17; 19.15.Mĩao yaitũ nĩsĩlĩlaa mũndũ, ĩtanamba ũmwĩw’a na kũmanya ũndũ wĩkaa? 52#Yoa 1.46; 7.41.Na mamũsũngĩa, mamwĩa, O naku wĩ wa Kalilii? Mantha, wone kana vaiuma mwathani Kalilii.
Mũndũ mũka wakwatiwe ũlaalainĩ
53(Na menũka kĩla mũndũ nyũmbanĩ kwake:
Selectat acum:
YOANA 7: Mbivlia
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
