YOANA 10
10
Vala malondu mekalaa
1Nĩ w’o, nĩ w’o, nĩngũmwĩa, Ũla ũtavotelaa mũomonĩ wa vala malondu mekalaa, ĩndĩ aikĩlĩla vangi, ũsu nĩ kĩng’ei na mũvutani. 2Ĩndĩ ũla ũvotelaa mũomonĩ nĩwe mũĩthi wa malondu. 3Mũsũvĩi wa mũomonĩ nũmũvĩngũĩaa ũsu; na malondunĩmew’aa wasya wake: kĩla ilondu na syĩtwa yayo, na nũmatongoeasya, nza. 4Na amaumaalya onthe ala make, nũmatongoeasya na malondu makĩmũvikĩla: nũndũ nĩmesĩ wasya wake. 5#Yoa 10.27.Na maivikĩlaa mũeni, nĩ maimũkĩa: nĩkwĩthĩwa matyĩsĩ wasya wa aeni. 6#Yoa 16.25.Yesũ amaelekanĩlya na ngelekan’yo ĩno: ĩndĩ maiaamanya maũndũ ala wamatavya.
Mũithi Mũseo
7 #
Sav 118.20; Yoa 14.6. Na ĩndĩ Yesũ amea ĩngĩ, Nĩ w’o, nĩ w’o, nĩngũmwĩa, Nyie, ninyie mũomo wa malondu. 8#Yel 23.1,2.Onhe ala mambie kũka mbee wakwa nĩ ing’ei na nĩ avutani: ĩndĩ malondu maiaamew’a. 9#Sav 118.20; Yoa 14.6; 1 Ako 3.15.Nyie, ninyie mũomo; ũla ũnũũvotela vala nĩĩ, ũsu akatangĩĩwa, na akavota nthĩnĩ na akaumaala, na akoona kya ũya. 10Kĩng’ei kĩtyũkaa, ate o kana kyũye, na kũaa, na kwananga: nyie nĩnookie kana methĩwe na thayũ, na ĩngĩ methĩwe naw’o mwingĩ. 11#Sav 23.1; Lk 15.4–7; Isa 40.11; Esek 34.11–23; 37.24; Yoa 15.13.Nyie, ninyie mũithi ũla mũseo: mũĩthi mũseo nũnũũwia thayũ wake nthĩ ũndũ wa malondu. 12#Mt 10.16; Meko 20.29; Tito 1.11; 1 Vet 5.2,3.Mũndũ wa ũtuvwa, na tiwe mũĩthĩ, na malondut i make, oona nzũi yũkĩte, nũtiaa malondu, akakĩa, na nzũi ĩkĩmakwata, na ĩkĩmanyaĩĩkya: 13akĩaa nũndũ nĩ mũndũ wa ũtuvwa, na ndeũsũanĩa malondu. 14Nyie, ninyie mũĩthi ũla mũseo; na ala makwa mwene nĩnĩmesĩ, na nĩmambĩsĩ ala makwa mwene, 15o ũndũ Asa ũmbĩsĩ, nakwa nĩnĩmwĩsĩ Asa; na nĩngwia thayũ wakwa nthĩ ũndũ wa malondu. 16#Esek 37.24; 34.23; Yoa 11.52; 1 Vet 2.25; Aev 4.5.Nakwa nĩ na malondu angĩ mate ma ĩĩthya yĩĩ: asu namo nditĩa ũmaete, na makew’a wasya wakwa; na makatw’ĩka ma ĩĩthya yĩmwe, na mũĩthi ũmwe. 17Kwondũ wa ũu Asa nũmbendete, nũndũ nĩngwia thayũ wakwa nthĩ, nĩ kana nĩwose ĩngĩ. 18#Yoa 5.26; 19.11.Vai mũndũ ũnũũmbena thayũ, ĩndĩ no nyie ngũwia nthĩ. Nĩ na ũkũmũ wa kũwia nthĩ, na nĩ na ũkũmũ wa kũwosa ĩngĩ. Mwĩao ũũ noosie kwa Asa wakwa.
19 #
Yoa 7.43; 9.16. Na kwookĩla ĩngĩ ũtilĩkangano katĩ wa Ayuti nũndũ wa ndeto isu. 20#Yoa 7.20; 8.48; Mko 3.21.Na aingĩ moo masya, E na ndaimoni, na nũnũkũũũka; mwĩmwĩw’ĩa kĩ? 21Angĩ masya, Ndeto isu ti sya mũndũ wĩ na ndaimoni. Ndaimoni nĩtonya kũsalukya ililinda metho?
Yesũ e mbokanĩ ya kũlilikana ũhesyo wa ĩkalũ Yelusaleme
22Na kwaĩ mboka ya kũlilikana ũthesyo wa ĩkalu, kũya Yelusaleme: na yaĩ ĩvinda ya mbevo; 23#Meko 3.11; 5.12.na Yesũ angangaa ĩkalũnĩ valasyanĩ wa Solomoni. 24#Lk 22.67.Na ĩndĩ Ayuti mamũthyũlũlũka, na mamwĩa, Wĩtũsaanĩsya ĩvinda yĩana ata? Ethĩwa nue Klĩsto tũtavye nesa. 25#Yoa 4.26; 5.36; 9.37.Yesũ amasũngĩa, Nĩnamũtavisye, na mũtikwĩtĩkĩla: mawĩa ala nĩkaa syĩtwanĩ ya Asa, nimo mangũsĩĩaa. 26Ĩndĩ mũtikwĩtĩkĩla, nũndũ mũi ma malondu makwa. 27#Yoa 8.47; 10.3,4.Malondu makwa nĩmew’aa wasya wakwa, nakwa nĩnĩmesĩ, nao nĩmeũmbikĩla: 28#Yoa 5.28; 6.39; 17.12; 18.9.nakwa nĩngũmanenga thayũ ũthathela; na maĩkaa o na ĩndĩĩ, na kũi mũndũ ũkambena kw’okonĩ kwakwa. 29Asa wakwa, ũla wanengie, nĩ mũnene mbee wa onthe; na kũ mũndũ ũtonya kũmavenana maume kw’okonĩ kwa Asa. 30Nyie na Asa twĩ ũmwe. 31#Yoa 8.59.Na Ayuti moosa mavia ĩngĩ mamũkime. 32Yesũ amasũngĩa, Nimwonetye mawĩa maseo maingĩ kũma kwa Asa; nũndũ wa wĩva wa asu ũla mũũngimĩa na mavia? 33#Yoa 5.18; Mt 26.65.Ayuti mamũsũngĩa, Tũiũkũkima na mavia nũndũ wa wĩa mũseo, ĩndĩ nũndu ũkuuma Ngai; na nũndũ we, wĩ mũndũ, wĩĩtw’ĩkĩthya Ngai. 34#Sav 82.6.Yesũ amasũngĩa, Kũiandĩkĩtwe mĩanoĩ yenyi, Nyie naisye, Mwĩ nagĩ? 35#Mt 5.17,18.Ethĩwa nĩwametie ngai, ala maetewe ndeto ya Ngai (na maandĩko maitonya kũtũlwa), 36#Yoa 5.17–20.mwĩneenea ũla wavathaniw’e na watũmiwe kũũ nthĩ nĩ Ĩthe, Nũkũumana; nũndũ nĩnaisye, Nĩ Mwana wa Ngai? 37Ethĩwa ndyĩkaa mawĩa ma Asa wakwa, mũikambĩtĩkĩle. 38Ĩndĩ ethĩwa nĩngũmeka, o na ethĩwa mũtiũmbĩtĩkĩla, metĩkĩlei mawĩa: nĩ kana mũmanya na mũmanyae vyũ kana Asa e nthĩni wakwa, nakwa nĩ nthĩnĩ wa Asa. 39#Yoa 8.59; Lk 4.30.Na meethĩwa makĩmantha ĩngĩ kũmũkwata: na auma mokonĩ moo.
40 #
Yoa 1.28. Na athi ĩngĩ mũingo wa ũsĩ wa Yolotani vala Yoana wavatisĩaa ĩvinda ya mbee; na ekala vo. 41Na aingĩ mathi vala ũĩ, maĩasya, Yoana ndaaĩka kyama: ĩndĩ maũndũ onthe ala maneeniwe nĩ Yoana ũndu wa mũndu ũũ maĩ ma w’o. 42#Yoa 8.30.Na aingĩ mamwĩtĩkĩlĩla kũu.
Selectat acum:
YOANA 10: Mbivlia
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
