Jona 1
1
NA SOPENA 1.
1Na leo hi Iehova monumai me Jona matu i Amitai, moaso, 2Oimaraha, oivano me Nineve, na vanua tahajia, oilalaa ta mera me na vanua natuha; suria na taveti hi na pilara vei vasoosoo mosahamai meau. 3Maa Jona moma-raha sura rovo me Tarsis turei Iehova; mosivo me Jopa, morena ure motea va-hatea ivano me Tarsis: tau movola riona, mosivo me na lolona ure, sura vcwfevsz ano valuira me Tarsis turei Iehova. 4Maa Iehova moputuhe na lahi tahajia ta na tasi, na tasi molosu tahajia, vahatea na ure momajere suria. 5Tau ra taha varao hi na ure teine, tematapisi me ra atua hira; tau terahutuhe ra sanu voli-voli me na ure teputuhera ta na tasi, sura ve na ure momararaha. Maa Jona mosivo mine me na lolona ure; monavu pupura ae. 6Tau na varese hi na ure mosumai mea, moaso ta mea, moaso, O iniho, na taha navu pupura, motoma? oimaraha, oimatapisi me na Atua himu, tau Atua usu ininima hije tisamate. 7Tau itea moaso me tuana, moaso, Motahonae tivali, tau tipinisi surisei na sanu oso naa momalua meja. Tevali suria, tesooi Jona. 8Tau teaso mea, Motahonae oivetia ta meamamu surisei na sanu oso naa momalua meja; na pi-lamu varao nasava? omaraha veae? tta vanuamu veae? iniho na tuana tanoho veae? 9Tau moaso ta mera, moaso, Inau na Hiperu motea; inau aine Iehova, na Atua hi na tailahi, na taha taitai hi na tasi me na ulu. 10Tau ra tajua teine tohova, teaso ta mea, teaso, Na sanu sava naa osivea? Suria ra tajua tepi-nisia morovo toho turei Iehova, suria movaraira mine. 11Tau teaso ta mea, teaso, Amamaive nasava ta meho, suri na tasi itoho tamautu ta meamamu? suria na tasi molosu tahajia maa. 12Tau moaso ta mera, Otolaviau, otoputuheau ta na tasi; na tasi itoho tamautu ta meamiu suria: suria inau apinisia na tasi molosu tahajia meamiu pale a suriau. 13Maa ra tajua tesua hauhaua sura taliliu me na ulu; maa tesapinisa liliu ae: suria na tasi molosu tahajia maa mera. 14Tau tematapisi me Iehova suria, teaso, Amamausiho, O Iehova, amamausiho, moso amamaimate suri na tajua naa, moso oiaso amamavei mete na tajua tahonae motea: suria iniho, O Iehova, ovei mine na sanu osimeje na vea. 15Tau telavi Jona, teputuhea ta na tasi: tau na losu hi na tasi mosori. 16Tau ra tajua teine tohova Iehova; telotu me Iehova. 17Maa Iehova movei vavanao na maji tahajia motea sura tuhuni Jona; tau Jona motoho me na lolona maji na rani motolu me na pohi motolu.
Selectat acum:
Jona 1: TLM9109
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
This is a historic text maintained by the British and Foreign Bible Society.