Génesis 5
5
U ch'i'ilancab Adán
(1 Cr 1.1-4)
1Lelo'oba' u tzoolol u ch'i'ilancab Adán. Le ca j beeta'ab wíinic tumen Ku; tu beetaj chica'an ti' leti', 2j xiib yéetel x ch'uup tu beetilac, ca tu pulaj u qui' t'aan yóokolo'ob ti' le kiino' beeta'abico'obo', Kue' tu ya'alaj: a'ala'ac wíinico'ob leti'ob.
3Yaan ca'ach ciento treinta ja'abo'ob ti' Adán ca j síij u paal tu kaaba'intaj Set, máax jach chica'an ca'ach ti' leti'. 4Cu dzo'ocole' Adane' cuxlaj u láak ocho cientos ja'abo'ob, yanchaj u láak u j xibil paalal bey u x ch'upul paalal, 5bey túuno' cuxlaj tu pa'ate'ile' novecientos treinta ja'abo'ob. Buca'aj u ja'abilo'ob ca j quíima'.
6Yaan ca'ach ciento cinco ja'abo'ob ti' Set ca j síij Enós u paal. 7Cu dzo'ocole', Sete' cuxlaj u láak ochocientos ja'abo'ob, yanchaj u j xibil paalal, bey u x ch'upul paalal; 8bey túuno' cuxlaj tu pa'ate'ile' novecientos doce ja'abo'ob. Buca'aj u ja'abilo'ob' ca j quíima'.
9Yaan ca'ach noventa ja'abo'ob ti' Enós ca j síij Cainán u paal. 10Cu dzo'ocol lela', Enose' cuxlaj ochocientos quince ja'abo'ob, yanchaj u láak u j xibil paalal bey u x ch'upul paalal; 11bey túuna' cuxlaj u láak novecientos cinco ja'abo'ob. Buca'aj u ja'abilo'ob ca j quíima'.
12Yaan ca'ach setenta ja'abo'ob ti' Cainán ca j síij Mahalalel u paal, 13Cu dzo'ocole' Cainane' cuxlaj u láak ochocientos cuarenta ja'abo'ob, yanchaj u láak u j xibil paalal bey u x ch'upul paalal; 14bey túuna' cuxlaj novecientos diez ja'abo'ob. Buca'aj u ja'abilo'ob ca j quíima'.
15Yaan ca'ach setenta yéetel cinco ja'abo'ob ti' Mahalalel ca j síij Jared u paal. 16Cu dzo'ocole', Mahalalele' j cuxlaj u láak ochocientos treinta ja'abo'ob, yanchaj u láak u j xibil paalal bey u x ch'upul paalal; 17bey túuna' j cuxlaj ochocientos noventa yéetel cinco ja'abo'ob. Buca'aj u ja'abilo'ob ca j quíima'.
18Yaan ca'ach ciento setenta yéetel ca'a p'éel ja'abo'ob ti' Jared ca j síij Enoc u paal. 19Cu dzo'ocole' j cuxlaj Jared u láak ochocientos ja'abo'ob, yanchaj u láak u j xibil paalal bey u x ch'upul paalal; 20bey túuna' cuxlaj novecientos setenta yéetel ca'a p'éel ja'abo'ob. Buca'aj u ja'abilo'ob ca j quíima'.
21Yaan ca'ach setenta yéetel cinco ja'abo'ob ti' Enoc ca j síij Matusalén u paal. 22Enoque' cuxlaj jach je'el bix tu yóoltilac Kue'. Cu dzo'ocol u síijil Matusalén. Enoque' j cuxlaj u láak tres cientos ja'abo'ob, yanchaj u láak u j xibil paalal, bey u x ch'upul paalal. 23Bey túuno' cuxlaj tres cientos setenta yéetel cinco ja'abo'ob. 24Tu yo'olal cuxlajic Enoc jach je'el bix tu yóoltilac Kue'; jun p'éel kiine' samkaj tu yo'olal j bisa'ab tumen Ku.
25Yaan ca'ach ciento ochenta yéetel siete ja'abo'ob ti' Matusalén ca j síij Lamec u paal; 26cu dzo'ocole' j cuxlaj Matusalén u láak setecientos ochenta ja'abo'ob, yanchaj u láak u j xibil paalal bey u x ch'upul paalal; 27bey túuna' cuxlaj tu pa'ate'ile' novecientos sesenta yéetel nueve ja'abo'ob. Buca'aj u ja'abilo'ob ca j quíima'.
28Yaan ca'ach ciento ochenta yéetel ca'a p'éel ja'abo'ob ti' Lamec ca j síij jun túul u paal, 29Lela' tu dzaj u kaaba'int Noé,#5.29 Noé u kaaba' yáax wíinic báabnaj ti' cheem, le kaaba'a' u káat u ya'al je'elel tumen le ca j dzaab ti'a' u taatae' tu ya'alaj: le chan j xi'ipala', leti' bíin u dzáato'on je'elel. tumen tu ya'alaj: Yuumtzil tu loolob t'antaj le lu'uma'; yaan c meyaj, yaan c p'is muktic u ti'al c táan óoltic c paakal ba'ale' le chan j xi'ipala' bíin u beet c je'elel.
30Cu dzo'ocol u síijil Noee', cuxlaj Lamec u láak quinientos noventa yéetel cinco ja'abo'ob, yanchaj u láak u j xibil paalal bey u láak u x ch'upul paalal; 31Bey túuno' j cuxlaj tu pa'ate'ile' setecientos setenta yéetel siete ja'abo'ob. Buca'aj u ja'abilo'ob ca j quíima'.
32Noee' yaan ca'ach quinientos ja'abo'ob ti' ca j síijo'ob Sem, Cam yéetel Jafet u paalal.
Selectat acum:
Génesis 5: MAYADC
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Biblia Maya de Yucatán © Sociedades Bíblicas Unidas, 1992.