MATIU 15
15
A haharaana nona ratubuki
(Mak 7.1-13)
1Vunu a Varisi* tuaki mana tangaloi* kikikila na Uliuli* Kokona rau vanamai tina gwatuivanua lakua Serusalem, vaki mai Jisas ramo uduhuri kinia ramo viti kwara, 2“?Kworoho a nomu ngwalagelo ramo rongo bulakiki na haharaana mo hagobibiana vanamai tuai kinia ti ratubuda? Rahe huri tea lo halaki kwara rana sasavula vunu rari kanikani.” #Luk 11.38
3I Jisas mo daraki lakwara mo viti “?Kworoho i kamu tulu rongo bulakiki na tulikileo noi God tulu huri na nomiu huhuiana sibomiu? 4I God u viti ‘Ko domi mavaki i tamamu mai retahimu.’ Vunu vake mo viti ‘Ihe tea ne kwahakwaha hati vovohi tamana diko i retahina rana kwohi mateia.’ #a Eks 20.12; Dut 5.16; Mat 19.19; Mak 10.19; Luk 18.20; Eves 6.2; b Eks 21.17; Lev 20.9 5Vae i kamu tulu viti kwara diko a tangaloi a kinau maia kwara ne hago mai tamana diko i retahina kinia, vae ne viti ‘Hika a hilehile lakwai God,’ karea u rovo. 6Nehe domi mavaki tamana tea. Hokinia hini tulu domi hahae na leo noi God tulu huri na nomiu huhuiana sibomiu. 7I kamu a tangaloi kurakura, tulu viti kinau kina ringomiu vohoki. Lolona i Aesaea mo duruki na leo ti God u viti hurikamu bakotoki hinea mo viti
8‘I God mo viti
“A tangaloi vano hikani
rau domi mavakiau kina leoga vohoki,
vae a domiga u vakahao haburu tiau.
9Venaha ramo toko domi mavakiau,
huri aira rau huhui na tangaloi
kina huhuiana nona tangaloi,
vunu ra va viti kwara a nogu leo.” ’ ” #Aes 29.13
A kinau hinea ramo vai na tangaloi ramo hogora lo nako i God
(Mak 7.14-23)
10Vunu i Jisas mo kware na vao vaki maia, mo viti lakwara kwara, “Tulu rongohuri ne karea, tulu lai tabetabeki na leogu. 11Hete kinau hinea a tangaloi u kani mo vaia mo hogora koro na nako i God, vae a havakinau hinea u vanamai tina domi na tangaloi aia hi mo vaia mo hogora.” #Mat 12.34
12Vunu a nona ngwalagelo ramo vanamai vaki maia ramo uduhuri kinia ramo viti “?Ku kikilai kwara a Varisi* rau rongo hati kina havakinau hini komo viti?”
13I Jisas mo daraki mo viti “Vunuhi na rivurivu hinea i Tamagu lolo taetae he rivu tea, ne vurakinira letiu. #Sione 15.2 14Tulu hatu domi hurira. Aira a kaitomuaki vae a mataga rau dodo. Diko a tangaloi matadodo kairua, vae kairuaki ne tagaokinia kairuaki, i rarua vunu vae raru ne sovi tilolo kwalu.” #Mat 23.16,24; Luk 6.39; Rom 2.19-20
15I Pita mo kwaha mo viti kwara, “Ko viti na domiana na tavaluileo hi lakwakami.” #Mat 13.36; Mak 4.10; 7.17; Luk 8.9
16I Jisas mo daraki mo viti “?Kworohokinia? Nu domi kwara tulu kikikila ba. Vae hete radu nga. 17?Tulu he kikilai tea? A kinau hinea a tangaloi u kani u vano tilolo tagwangina vunu mo vano tina tarabehina. 18Vae a leo hi rau vanamai tina kwakwa rau vanamai tina domi, a kinau aira vano hini rau vai na tangaloi mo hogora koro na nako i God, #Mat 12.34 19huri a domi hati rusa rau vanamai tina domi na tangaloi. A tangaloi u ua mate tangaloi. A ngwera u tiutokakivanua mana vavinehi na tangaloi dolua, vunu a vavine hinea u laki ba u tiutokakivanua mana ngwera dolua. A ngwera u vai a doridori hati mana vavine ngwalagelo, a tangaloi rau babalu, rau kurakura, rau uveuve. #Rom 1.29-31; 1 Kor 5.10-11; 6.9-10; Gal 5.19-21; Eves 5.3-5; Kol 3.5,8; 1 Tim 1.9-10; 2 Tim 3.2-4; 1 Pita 4.3; Rev 21.8; 22.15 20A kinau aira vano hikani rau vanamai tina domi, vae aira rau vai na tangaloi mo hogora. Vae diko a tangaloi ne kanikani vae he sasavula tea hokinia ramo viti kwara ne vai, hini nehe vai na tangaloi tea kwara ne hogora.”
A hauhuriana nona vavine
(Mak 7.24-30)
21I Jisas mo tiraki na vanua hini mo vano tiua vaki lo vanua garagarani mana gwatuivanua lalakua Taea maia Saeton. 22A vavine Kenan u hugu lo vanua hini mo vanamai vaki maia. Mo kwaha karakara mo viti “Hugwe*, Gwaloana nona Hugwe Lakua i Devit, ko hakaviau. I natugu a vavine a tanungwe hati u vaia, u rongo hati haburu.” #Mat 9.27; 20.30,31; Mak 10.47,48; Luk 18.38,39
23Vae i Jisas he viti na leo tea kwara te katukwale lakwae. A nona ngwalagelo ramo vanamai vaki maia ramo kwaha maia ramo viti “Ko horae ne vano. U hurikita mo toko kurekurere.”
24Vunu i Jisas mo daraki mo viti “I God u horeau kwara na vano vaki mana gwaloana noi Isrel* kehekeheki, aira hoki na sivsivi rau sala.” #Mat 10.6
25Vunu hika a vavine hi mo vanamai mo sovi hivo vovohia kina domi mavakiana mo viti kwara, “Hugwe, ko hago maiau.”
26I Jisas mo daraki mo viti “He taritarisa tea kwara na lavi na hinaka kana sakwarigi na vohokinia lakwa na kwiriu.”
27A vavine mo daraki mo viti “Kareaki Hugwe, vae a kwiriu vake rau kani na mavuri hinaka hinea rau sovi tina tevo na kanikani nona tabulaga.” #Luk 16.21
28Hikani i Jisas mo daraki lakwae mo viti kwara, “I nigo a nomu hauhuriana u lakua. A havakinau hi ku lengaia, nana vai lakwako.”
Lo taroki hini vohoki a natu na vavine hi mo rongo karea. #a Mat 8.10; b Mat 8.13; 9.29
I Jisas mo vakahiki na tangaloi rusa
29I Jisas mo tiraki na vanua hini mo vano vaki mana Kwai* Tokatoka Lakua Galili*. Mo galo hake lo vuti mo hugu takwa-hi. #Mak 7.31; Mat 5.1 30A vao ramo vanamai vaki maia rau lai a tangaloi rau hau tikoki mana matadodo, a tangaloi a tarabehiga rau gwaroto, a tangaloi a meaga rau bulu, mana lengeana rusa ratuaki vake, ramo taura garagarani mana garu i Jisas, mo vakahikinira. 31A tangaloi meabulu ramo kwaha, a tangaloi a tarabehiga rau gwaroto ramo doluaki taliku, aira hi rau hau tikoki ramo lakao, a matadodo ramo tagataga. Vae lolona a tangaloi ramo tagaia, ramo idila, ramo kaluhaki i God hinea a God nona gwaloana noi Isrel*. #Mak 7.31
I Jisas mo vangani na tangaloi u tari vakaivati
(Mak 8.1-10)
32I Jisas mo kware na nona ngwalagelo vaki maia mo viti lakwara kwara, “Nu hakavi na tangaloi vano hikani vohoki, huri rau hugu maiau a rani kaitolu, vae hika a hinaka tikei kwara rana kani. Nohe lengaia tea kwara na horara tiau hinea nohe vanganira tea, huri ramai matemateki vula lo hala mule.” #Mat 9.36; 14.14; Mak 6.34
33A nona ngwalagelo ramo uduhuri kinia ramo viti kwara, “?Tana hagwe na hinaka ave ne taritarisa kwara tana vangani na vao hika hike lo vanua vuroki, huri rau rusa haburu?” #Mat 14.15; Mak 6.36; Luk 9.12 #Mak 6.37; Sione 6.5
34I Jisas mo uduhuri kinira mo viti “?Tulu hago a bereti* kaivihe?”
Ramo daraki ramo viti “Kaibitu, mana ikaki te kaivihe te kwaririgi.”
35Vunu i Jisas mo kwaha mana vao ramo hugu evina. 36Vunu mo lavi na bereti kaibitu hi mana ikaki, mo lagwaki God huri, vunu mo volo utuutuhira mo bete lakwa na nona ngwalagelo, a nona ngwalagelo ramo bete lakwa na vao. 37Aira vunu rau kani, rau kugwa. Vunu a nona ngwalagelo ramo vileki na bereti vano hi hinea a tangaloi ramo kani dore, ramo hokonira a kete kaibitu rau kukwere kehe nga. #Mat 14.17,19-20; Mak 6.38-43; Luk 9.13-17; Sione 6.9-13 38A gwira na ngwera hinea ramo kanikani u tari vakaivati, vae rahe valuki na ravavine te mana sakwarigi. #Mat 14.21; Mak 6.44
39Vunu i Jisas mo hora na vao tiua, mo galo tilo aga, mo vano vaki lo vanua Magadan.
Selectat acum:
MATIU 15: HWT
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Havakinau New Testament © Bible Society of the South Pacific, 2016.
