MATIU 11
11
A kailai na leo ti Sione a tangaloi na bavtaes tangaloi
(Luk 7.18-23)
1I Jisas mo viti na leo aira vano hi lakwa na nona ngwalagelo hangavulu dongwana kairua mo rovo, vunu mo tiraki na vanua hini mo vano mo huhui mo heretuva lolo gwatuivanua maira garagarani takwahini. #Mat 7.28; 13.53; 19.1; 26.1
2I Sione a tangaloi na bavtaes tangaloi aia lolo ingwa na gwarugwaru vae mo rongo na roro huri na boloki noi Vurae*, mo hora na nona ngwalagelo ratuaki vaki maia. #Mat 14.3; Sione 3.24 3Ramo uduhuri ki Jisas ramo viti “?I nigo hinea i Sione mo viti kwara vae kona vanamai, diko keu tuku hugu tarae te dolua?” #Mal 3.1; Mat 3.11; Sione 1.15,27; 6.14; Bol 19.4; Hib 10.37; Rev 1.4,8
4I Jisas mo daraki mo viti “Tulu mule taliku tulu viti lakwai Sione a havakinau hini tulu mo rongo, tulu mo taga. 5A matadodo, hikani rau tagataga lai. Aira hi a garuga rau hati, hikani rau lakao lai. A tangaloi hinea a lengeana hati na vinu #11.5: A lengeana hati na vinu. Kona tagai na leo hi mana domianaki lo savta 8.2 lo leo hinea evina halaradu. u vaira, hikani rau ngwasara. Aira hi a gweroga rau vono, hikani rau rongorongo lai. A tangaloi rau mate, hikani rau ahi taliku. A tangaloi kakaravi, hikani nu kwalahaki na Roro Karea lakwara. #a Aes 35.5-6; 42.18; b Aes 61.1 6Aia hi he domi kairua tea kiau vae aia u havutia.” #Mat 13.57; 26.31
I Jisas u viti huri i Sione a tangaloi na bavtaes tangaloi
(Luk 7.24-35)
7Lolona a ngwalagelo noi Sione ramo mule, i Jisas mo vitiviti huri i Sione lakwa na vao. Mo viti “?Lolona tulu mo vano vaki mai Sione lo vanua vuroki, tulu tuku domi kwara tulu ne tagai na havakinau? ?A rau na duvu hinea ramo toko malilibe kina langi? Hetea. #Mat 3.5 8?Vae tulu vano huri aha? ?Tulu vano kwara tulu ne tagai na tangaloi hinea u lugwaki na lugwa karea haburu? Hetea. Kareaki a tangaloi hinea rau lugwalugwa kwehini, rau hugu lolo ingwa karekarea na hugwe lalakua. 9?Vae tulu vano huri aha? ?Tulu vano kwara tulu ne tagai na tangaloi* duruduruki, a? Io, vae na viti lakwakamu, a tangaloi hi u sileti na tangaloi duruduruki. #Mat 14.5; 21.26; Luk 1.76 10I Sione aia hi nga a Uliuli* Kokona mo viti huria kwara,
‘I God u viti
“Hika a nogu kaihora.
Na horae tomuakinigo,
ne takahi na hala huriko.” ’ ” #Eks 23.20; Mal 3.1; Mak 1.2; Luk 1.76; 7.27; Sione 3.28
11Vunu i Jisas mo hoke na leona vake mo viti “Kareaki na viti lakwakamu, i Sione a tangaloi na bavtaes tangaloi u lakua sileti na tangaloi hinea ramo vora lo varamana. Vae te tangaloi haro hinea hete tangaloi vitiviti huri luna, u kelekele sileti na tangaloi doluaki hinea i God u hugwe korora, aia hi u lakua sileti i Sione. 12U tinakaki lo taro hinea i Sione a tangaloi na bavtaes tangaloi mo heretuva, mo maravuti lo rani hika karagwa, vae a tangaloi rau tuku vai vuro mana tangaloi hinea i God u hugwe korora. Vake a tangaloi hinea rau vai vuro rau vai kwara rana revei na tangaloi vano hi kwara rana mulemai ki noga tangaloi. 13Lo buku* na Tangwata*, i Mosis u tuku duruki na leo ti God, vake a tangaloi duruduruki savia rau tuku vai kwehi, mo vanovano rovonaki lui Sione. #Luk 16.16 14Vae diko tulu lengaia kwara tulu ne hauhuri lo noga leo, i Sione aia i Elaesa hinea rau viti terekaki kwara vae ne vanamai. #Mal 4.5; Mat 17.10-13; Mak 9.11-13; Luk 1.17; Sione 1.21 15A gweromiu eia. Tulu rongohuri tabetabeki na leo vano hi. #Mat 13.9,43; Mak 4.9,23; Luk 8.8; 14.35; Rev 2.7; 13.9
16“?Nana viti na hava leo kwara na vosangi na bohiana na tangaloi lo taro hika? Aira hoki na natu kwaririgi hinea rau hugu na sara rau tuku vakovako. A bulubulu gwatu katukwale mo koleki lakwai gwatu kairuaki 17ramo viti ‘I kami keu horo a bolo na lakiana lo bue horohoro hurikamu, vae tulu he vai te hakwana. Keu kahoki na bolo na tulaki tamate, vae tulu he tangi tea. ?Tulu vai kworoho?’ 18I Sione u vanamai u rete, he inu te waen, vae a tangaloi savia rau viti kwara, ‘!Aia a tanungwe hati luna!’ #Mat 3.4; 9.14; Luk 18.12 19Vae i nau a Natu* na Tangaloi nu vanamai, nu kanikani, nu inuinu. Vae a tangaloi savia rau viti ‘!Tagai na tangaloi hika! U domi huri a kanikani kehe nga, aia a kaiinu na waen, aia a buluana nona tangaloi* vaivai hati tavalavarea mana tangaloi* vilevile mane* a takis nona kavman.’ Vae a kwai na lolorani na kikikila noi God u vosangi kwara a lolorani hi u kareaki.” #a Mat 9.14; b Mat 9.11; Luk 15.1-2; 19.7
A gwatuivanua lalakua hinea a hauhuriana tikei eia
(Luk 10.13-15)
20Vunu i Jisas mo tinakaki mo kwaha lo tangaloi na gwatuivanua lalakua hinea u vai na nona vaisea rusa eia. U kwaha luga kwara ne vaira rana maemae huri rahe bohi tea tina noga hatiana. 21Mo viti “!A rongoana hati lakua lakwakamu lo gwatuivanua Korasin! !A rongoana hati lakua lakwakamu vake lo gwatuivanua Betsaeta! A vaisea maira nomo vai lakwakamu, kwara vae diko u vaiana hokinia lo gwatuivanua lalakua Taea maia Saeton tuai, kwara vae a tangaloi takwahini ranahe hugu tea lo noga hatiana. Kwara vae rana lugwaki na lugwa na hahakaviana, rana rasu a gwia tiluga siboga kwara rana vosangi kwara rau bohi tina noga hatiana. #Esta 4.1; Sione 3.6 22Vae na viti lakwakamu, lo Rani na Arekiana #11.22: Lo Rani na Arekiana. Kona taga A RANI NONA HUGWE lo Deksenare lo buku hika takuni. i God ne areki na tangaloi lo gwatuivanua lalakua Taea maia Saeton vae ne arekikamu siletira. #Aes 23.1-8; Esik 26—28; Joel 3.4-8; Amos 1.9-10; Sek 9.2-4 23?Aia i kamu a tangaloi Kavaneam, tulu lengaia kwara tulu ne tabe hakekikamu sibomiu vaki lolo taetae? I God ne vohokikamu tegetano tilolo kwalu bua. Kwara vae diko a vaisea maira hinea nomo vai maikamu u vaiana lo gwatuivanua Sotom kwara vae a gwatuivanua Sotom ne eno vaki hika karagwa. #a Aes 14.13,15; b Jen 19.24-28; 2 Pita 2.6; Sut 7 24Vae na viti lakwakamu, lo Rani na Arekiana i God ne areki na tangaloi lo gwatuivanua Sotom vae ne arekikamu siletira.” #Mat 10.15; Luk 10.12
I Jisas u lagwaki i Tamana
(Luk 10.21-22)
25Lo taroki hini Jisas mo tiutangaroa mo viti “Mama, Hugwe na taetae mana varamana, nu lagwa haburu maiko huri komo tavuniki na kinau aira vano hi tina tangaloi kikikila, maira hinea rau domidomi sea, vae komo vosangira lakwa na tangaloi hinea rahe kikikila tea, aira hoki na raranatu. #1 Kor 1.26-29 26Kareaki Mama, a domimu, vae u mule luna hokinia hi komo lengaia.”
27Vunu i Jisas mo kwaha mana tangaloi taliku mo viti kwara, “Rabela. I Tamagu u bete na kinau savia lakweau. I nau i Natuna, vae hete kwara te katukwale u kikilaiau. I Tamagu kehekeheki u kikilaiau. Hete kwara te katukwale u kikilai i Tamagu. I nau mana tangaloi hinea nu mataira kwara na vosangia lakwara, i kami kehekeheki keu kikilaia.” #a Mat 28.18; Sione 3.35; 13.3; 17.2; Vil 2.9; b Sione 1.18; 10.15
Tulu vanamai vaki maiau tulu ne mabu
28Vunu i Jisas mo viti “I kamu vunu hinea u rahakikamu, tulu kwali na hagohago mava, #11.28: Hagohago mava. A leo hi, a domianaki katukwale kwara a Tangwata nona gwaloana noi Isrel. A Tangwata hi aia hoki na kinau mava hinea rau tuku kwali. tulu vanamai vaki maiau vae na bete a mabuana lakwakamu. #Jer 31.25 29Tulu masinge mana boloki na bete lakwakamu, vunu tulu ne huhui tiau, huri i nau a tangaloi magemu, nu hivokiau lolo domigu, vae tulu neri hagwe a mabuana. #Jer 6.16 30Tulu ne vai kwehini huri a hala na tomuakikamu luna u magemu, a hagohago na tau lumiu u mamarae.” #1 Sione 5.3
Selectat acum:
MATIU 11: HWT
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Havakinau New Testament © Bible Society of the South Pacific, 2016.
