MATIU 1
1
A uliuli huri na ratubu i Jisas Kraes
(Luk 3.23-38)
1Hika a uliuli huri na ratubu i Jisas Kraes*, a gwaloana lui Devit, hinea u gwalo vanamai lui Evraham. #a Jen 5.1; b 1 Kron 17.11; d Jen 22.18
2I Evraham i tama i Aesik, i Aesik i tama i Sekov, i Sekov i tama i Suta mai ratuana. #1.2: I Suta mai ratuana. A gwaloana noi Isrel rau gwalo vanamai lo gwatuidamu hangavulu dongwana kairua hinea i Suta mai ratuana. I tamaga i Sekov hinea a hinana kairuaki i Isrel. #Jen 21.3,12; 25.26; 29.35; 1 Kron 1.34 3I Suta i tama i Peres mai Sera. I retahigaru i Tamara. I Peres i tama i Hesron, i Hesron i tama i Ram. #Jen 38.29-30; 1 Kron 2.4,5,9; Rut 4.12,18-19 4I Ram i tama i Aminadav, i Aminadav i tama i Nason, i Nason i tama i Salmon. 5I Salmon i tama i Boas. I retahi i Boas i Rehav. I Boas i tama i Obet. I retahi i Obet i Rut. I Obet i tama i Sese, #Rut 4.13,17-22; 1 Kron 2.10-12 6i Sese i tama i Devit a hugwe lakua. #1.6: I Devit aia a hugwe lakua nona gwaloana noi Isrel.
I Devit i tama i Solomon. I retahi i Solomon aia a gwati i Uria tomua. #a Rut 4.17,22; 1 Kron 2.13-15; b 2 Saml 12.24 7I Solomon i tama i Rehoboam, i Rehoboam i tama i Avia, i Avia i tama i Asa. 8I Asa i tama i Sehosavat, i Sehosavat i tama i Soram, i Soram i tama i Usia. 9I Usia i tama i Sotam, i Sotam i tama i Ahas, i Ahas i tama i Hesekia. 10I Hesekia i tama i Manase, i Manase i tama i Amon, i Amon i tama i Sosaea. #1 Kron 3.10-14 11I Sosaea i tama i Sehoeakin mai ratuana. Lo taro hi a ngwera Babilon ramo gui na gwaloana noi Isrel*, ramo lavira vaki Babilon. #a 1 Kron 3.15-16; b 2 King 24.12-16; 2 Kron 36.10; Jer 27.20
12Takuni tiua hini ramo lavira vaki Babilon, i Sehoeakin i tama i Sealtiel, i Sealtiel i tama i Seruvavel. #1 Kron 3.17,19; Esra 3.2 13I Seruvavel i tama i Aviut, i Aviut i tama i Eliakim, i Eliakim i tama i Aso. 14I Aso i tama i Satok, i Satok i tama i Akim, i Akim i tama i Eliut. 15I Eliut i tama i Eleasara, i Eleasara i tama i Matan, i Matan i tama i Sekov. 16I Sekov i tama i Sosev. I Sosev i vavinehina i Meri, i retahi i Jisas. Vae i Jisas rau kwarekinia kwara i Vurae*. #Mat 27.17,22
17Mo tinakaki lui Evraham, u gwalo vakahangavulu dongwana kaivati vaki lui Devit. Vunu mote tinakaki lui Devit, u gwalo vakahangavulu dongwana kaivati vaki lo taro hi a ngwera Babilon ramo lavi na gwaloana noi Isrel vaki Babilon. Vunu takuni tiua, mote gwalo vakahangavulu dongwana kaivati taliku, mo hagwe i Vurae.
A voraana noi Jisas Kraes
(Luk 2.1-7)
18A voraana noi Jisas Kraes* aia hokinia hika. I retahina i Meri, i Sosev u taubibia kwara ne laki maia, vae raru he hugu tabulutaki te radu nga, mo kikilai luna kwara u tatagwangira kina Tanungwe Kokona. #a Luk 1.27; b Luk 1.35 19A nona tangaloi i Sosev a tangaloi bakoto, he lengaia tea kwara ne vitia tivarea kwara ne vaia ne maemae. U domi kwara ne tiraki butubutukinia. 20Vae mo toko domidomi luna radu nga, a kaihora nona Hugwe tina taetae mo maravuti kinia lolo boborea, mo kwaha maia mo viti “Sosev, gwaloana noi Devit. Hatu mataku kwara kona lavi Meri ki vavinehimu, huri u tatagwangira kina Tanungwe Kokona. 21Ne bava i natuna a ngwera, kona kwareki na hinana i Jisas*, a domianaki kwara a Kaivakahi, huri ne vakahiki na nona tangaloi tina noga hatiana.” #a Mat 1.25; Luk 1.31; 2.21; b Bol 4.12
22A kinau vunuhia hika u mule luna lo leoki hinea a tangaloi* duruduruki mo viti, vae hika u kworo, hinea a Hugwe i God mo viti
23“A toka kokona ne tatagwangira
ne bava na natu ngwera,
rana kwareki na hinana i Emanuel.”
A hina hi a domianaki kwara, “I God aia maikita.” #Aes 7.14; Aes 8.8,10
24I Sosev mo rada tina maturua, mo vai luna hokinia hi a kaihora nona Hugwe tina taetae mo viti, mo lavi Meri ki vavinehina. 25Vae he tiutokakivanua te maia radu nga tarisaki mo bava i natuna a ngwera. I Sosev mo kwareki na hinana i Jisas. #Mat 1.21; Luk 1.31; 2.21
Selectat acum:
MATIU 1: HWT
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Havakinau New Testament © Bible Society of the South Pacific, 2016.
