UJƆ́NI 7
7
Ujísɔ̄si mla ayínɛ́ nū nɔ̄nyīlɔ
1Igbīhi ɛ̄nyā Ujísɔ̄si yɔ̄ gē yɛ ipú Ugálīli ŋmá igelī éyi ga ɔhá. Ó dɔɔ̄kā ō yɛ ipú Ujudíya ŋ́, ohígbū ka ācɛ Ujíyu tíne kéē lɛ ɔ́ ŋmó. 2#Ulīf 23.34; Obla 16.13Ucɛ kú ācɛ Ujíyu nōo wɛ ucɛ kú áklɔ̄kpɛ ā le bá ajaajɛ. 3Ohígbū ɔ́ɔmā ayínɛ́ nū da ɔ́ kahíníī, “Nyɛ̄ɛ̄ ká ā ga Ujudíya ká ayíkpó kú uwɔ kéē má úklɔ́ nāa yɔ̄ ī yá ā. 4Ohígbū ka ɔ̄cɛ dúúmā í gē yúklɔ́ tayínū ŋ́. Ɔ́dāŋ ka ó dɔɔ̄kā kú ācɛ kéē lɛ ɔdā nōó yɔ̄ ī yá ā jé. Abɔ̄ nāa yɔ̄ ī yá aɔ́dā nēe bá nyā, lɛ iyī uwɔ mafú lɛ ācɛ cɛ́ɛ́ kéē lɛ uwɔ jé. Ɔ́dāŋ́ ka a lɛ ɔdā nēe bá ā yá, lɛ iyī uwɔ mafú lɛ alɛɛcɛ.” 5Ohígbū ka ayínɛ́ nū nááná í lɔtūce ɔ́ ŋ́ dúú. 6Anɔ́ɔ Ujísɔ̄si da uwá kahíníī, “Eko nōo le kpaakpa gā um ā í yá ɛ́ɛ́ ŋ́. Amáŋ eko dóódu le kpaakpa lɛ aá. 7Ɛcɛ ā í gáā wɔ́tū aá glá ŋ́, amáŋ ó gē wɔ́tū um ohígbū ka n cījáalí ka úklɔ́ kú nū wɛ obɔ̄bí. 8Aá nyɔ̄ ɛgiyí ucɛ abɔ̄yī aá, ń gáā nyɔ̄ ɛgiyí ucɛ ā ɛ́ɛ́ ŋ́, ohígbū ka eko kú um í yá jīla ɛ́ɛ́ ŋ́#7.8: Ń gáā nyɔ̄ ŋ́ 9Eko nōó lɛ ɛ̄nyā ka lɛ uwá kwɛyí ā, ó má klá Ugálīli.
10Amáŋ eko nɛ̄ ayínɛ́ nū le yɛ tá ɔ̄nū ucɛ ā, anú abɔ̄yī nū le yɛ dúú. Ó nyɔ̄ cāā ŋ́ amáŋ ó nyɔ̄ tayínū. 11Aótrɛ̄yí kú ācɛ Ujíyu lɛyītáajɛ nū ɔnū ucɛ ā. Anɔ́ɔ é kahíníī, “Iní nōó yɔ̄ ā?” 12Iŋini yɔ̄ ɔtāhɛ̄ kú ācɛ ā fíyɛ́ abɔ̄ ohígbū nū. Ācɛ ōhī kahíníī, “Ó wɛ ɛ́nɛ́nɛ̄ ɔ̄cɛ.” Ācɛ ɔhá kahíníī, “Ehée, ó gē bī ācɛ bī.” 13Amáŋ ohígbū ufi kú ācɛ Ujíyu ā, ɔ̄cɛ dúúmā í kɛlā lɛyíkwu ɔ́ gēdēē ŋ́.
Ujísɔ̄si nwɛ̄lā Ujerúsālɛm ka anúɔ ŋmá ɛgiyí Ɔwɔicō
14Ɔtāhɛ̄ kú ucɛ ā Ujísɔ̄si le tá ipú Agblīihɔ-nɛ̄hi ā gaá nwɛ̄lā. 15Ācɛ Ujíyu le hídáagó. Anɔ́ɔ é kahíníī, “Ɛ́gɛ́nyā nɛ̄ ɔ̄cɛ ā jɔ́kpá lɛ ā dúú ā, ó kē nyɔ̄ ínɔ́kpá ŋ́?” 16Anɔ́ɔ Ujísɔ̄si tá uwā ohi kahíníī, “Ɔdā nɛ̄ n gē nwū ā í wɛ ákú um ŋ́, amáŋ ákú Ɔ̄cɛ nōo tū um ɛhɔ̄ ā nɛ. 17Ɔ̄cɛ dúúmā nōo cɛ̄ kóō yá ɔdā nɛ̄ Ɔwɔicō tíne ā, géē jé ɔ́dāŋ ka ɔdā nɛ̄ um nwū ā ŋmá ɛgiyí Ɔwɔicō ámāŋ ka n kɛlā mla ɔfú kú abɔ̄yī um. 18Ɔ̄cɛ nōo i kɛlā ŋmá ɔfú kú iyī nū, gē tíne owóofu kú iyī nū. Amáŋ ɔ̄cɛ nōo gē tíne owóofu kú Ɔ̄cɛ nōo tū ɔ̄ ɛhɔ̄ ā, wɛ ɔ̄cɛ ɔkwɛ̄yi. Ɛ̄kɛ̄mgbɛ̄ í yɔ̄ ipú oyēeyī kú nū ŋ́. 19Umósīsi í je íne lɛ aá ŋ́ nɛɛ, nááná anɔ́ɔ ɔ̄cɛ dúú kú ipú aá í lɛ íne ā tū ŋ́ má ā? Ɔdíyá nɛ̄ aá gē tíne ká aá ŋmó um ā?” 20Anɔ́ɔ ācɛ ā kahíníī, “A lɛ alelékwū obɔ̄bí. Ɔ̄nyɛ tíne kóō ŋmó uwɔ ā?” 21Anɔ́ɔ Ujísɔ̄si tóohi da uwá kahíníī, “N le úklɔ́ éyi yá, ó kē le hɛ́ odúúdú aá idáagó. 22#Ulīf 12.3; Ohút 17.10Ohígbū ɛ̄nyā Umósīsi le íne je lɛ aá ká lɛ ayípɛ̄ ɔlɛ́ aá apī hɛ́. (ó wɛ ka o ŋmá abɔ̄ Umósīsi nóo amáŋ ó ŋmá abɔ̄ aádáádā aá), anɔ́ɔ aá gē hɛ́ ɔ̄cɛ apī ɛ̄cī usábāti á. 23#Ujɔ́n 5.9Ɔ́dāŋ́ ka é lɛ ɔ̄cɛ apī hɛ́ ɛ̄cī usábāti o yá ɛ́ɛ́ kéē híī nyílá íne kú Umósīsi ŋ́, aá gē cɔ̄nū tū um ohígbū ka n le yá kú ōcē kú ɔ̄cɛ éyi kóō mɛ dúúdú ɛ̄cī usábāti ā nɛɛ? 24Aá híī hɛ́pɔ̄ ohígbū eyīgoo kú ɔ̄cɛ ŋ́, amáŋ aá ka ɛ́nɛ́nɛ̄ ɛpɔ̄.”
Anú wɛ Ohɔ́nyɛtá á nɛɛ?
25Anɔ́ɔ ācɛ kú Ujerúsālɛm ōhī kahíníī, “Ó wɛ ɔ̄cɛ ā nēé yɔ̄ ī tíne kéē ŋmó ā ŋ́ nɛɛ? 26Má ɔ̄, ó yɔ̄ i kɛlā cāā, ɔ̄cɛ dúú kē da ɔ́ ɔdā dúúmā ŋ́. Aótrɛ̄yí ká alɔ i kpōō le jé ɔkwɛ̄yi ka ɔ̄cɛ ā wɛ Ohɔ́nyɛtá ā nɛɛ? 27Nááná ā alɔ jé ɛga nɛ̄ ɔ̄cɛ ā ŋmá ā, amáŋ eko nɛ̄ Ohɔ́nyɛtá ā gā, ɔ̄cɛ dúúmā í gáā jé ɛga nōó ŋmá ā ŋ́.” 28Ujísɔ̄si yɔ̄ ī nwɛ̄lā ipú Agblīihɔ-nɛ̄hi ā, ó lɛ ɔkɔ cɛyí dɛ̄gba kahíníī, “Aá jé um, aá kē jé ɛga nɛ̄ n ŋmá ā ɔkwɛ̄yi? Ń bī ɔfú kú abɔ̄yī um wā nóó, amáŋ ɔ̄cɛ nōo tū um ɛhɔ̄ ā, nɛ̄ aá jé ŋ́ mā, wɛ ɔ̄cɛ ɔkwɛ̄yi. 29Ami ā jé ɔ̄, ohígbū ka n ŋmá ɛgiyí nū, anú abɔ̄yī nū tū um ɛhɔ̄ á.” 30Anɔ́ɔ é dɔɔ̄kā kéē lɛ ɔ́ kwú abɔ̄fú, amáŋ ɔ̄cɛ dúúmā í lɛ abɔ̄ kwu ɔ́ ŋ́, ohígbū ka eko kú nū í yá ɛ́ɛ́ ŋ́. 31Amáŋ ācɛ alɛwa lɔtūce ɔ́, anɔ́ɔ é kahíníī, “Eko nɛ̄ Ohɔ́nyɛtá ā gā, ó géē yá ɔdā ocābɔ̄ fíyɛ́ ɛ̄nɛ̄ ɔ̄cɛ ā yá ā?” 32Ācɛ Ufárisīi pó iŋini nɛ̄ ɛwa ā gē ka ohígbū nū ā. Ohígbū ɔ́ɔmā ācɛ Ufárisīi mɛ́mla otrɛ̄yí kú ācogwɛ́ɛya le aídengéli tɛ̄hɔ̄ kéē gaá lɛ ɔ́ kwú abɔ̄fú. 33Anɔ́ɔ Ujísɔ̄si kahíníī, “N géē yɔ̄ mla aá eko kpií, cɛ́ɛ́ n nyɛ̄ɛ̄ ga ɛgiyí ɔ̄cɛ nōo tū um ɛhɔ̄ ā. 34Aá géē dɔɔ̄kā um, amáŋ aá gáā má um glá ŋ́. Ɛga nɛ̄ n kē yɔ̄ ā, aá gáā lɔfú wā abɔ́ɔ glá ŋ́.” 35Anɔ́ɔ ācɛ Ujíyu da iyī uwā kahíníī, “Iní nōó tíne ō nyɔ̄ nɛ̄ alɔ í gáā má ɔ̄ glá ŋ́ mā ā? Ó tíne ō nyɔ̄ ɛgiyí ācɛ Ujíyu nēe le pahīla ɔtāhɛ̄ kú ācɛ Ugiríiki ā, kóō nwū ācɛ Ugiríiki ɛlā kɛ̄ɛ? 36Ɔdí wɛ ɛyí ɛlā nyā ā nōó ka, ‘Aá géē dɔɔ̄kā um, amáŋ aá gáā má um glá ŋ́. Ɛga nɛ̄ n kē í yɔ̄ ā, aá gáā lɔfú wā abɔ́ɔ glá ŋ́ mā ā?”
Éŋkpɔ̄ kú oyēeyī
37 #
Ulīf 23.36
Ɛ̄cī ámōōmɛ, nōo wɛ ɛ̄cī nɛ̄hi kú ucɛ ā, Ujísɔ̄si háyi lɛ ɔkɔ cɛyí dɛ̄gba kahíníī, “Ɔ̄cɛ dúúmā nɛ̄ ijēēnyi gē ŋmó ɔ̄ kóō wā ɛgiyí um gaá gwá éŋkpɔ̄. 38#Isík 47.1; Usak 14.8Ɔ̄cɛ dúúmā nōo lɔtūce um, ɛ́gɛ́nɛ̄ é tá ɔkpá kú ɛlɔ̄ɔwɔicō lɛ ā, ‘Ŋmá ipú nū ísu kú éŋkpɔ̄ ōhíjēnyi géē pɛ́ wɛ̄ɛcɛ.’”#7.38: Ɛlā kú Ujísɔ̄si ɔgba 37-38 lɔfú le tá lɛ ā glá: Ɔ̄cɛ dúú nɛ̄ íjééyī i ŋmó ɔ̄ kóō wā ɛgiyí um. anɔ́ɔ ɔ̄cɛ dúú nōo cɛ̄ ɛlā um ká o gwá, 38 ɛ́gɛ́nɛ̄ é tá ɔkpá kú ɛlɔ̄ɔwɔicō lɛ ā,” Njɔlɔ kú éŋkpɔ̄ oyēeyī géē pɛ́ ŋmá ɔ́ ipú wɛ̄ɛcɛ.” 39Ó ka ɛ̄nyā ohígbū Alelékwū nɛ̄ ācɛ nēe lɔtūce ɔ́ ā géē mīyɛ ā. Ohígbū ka jāā kwu eko ɔ́ɔmā é je Alelékwū ā lɛ ācɛ ɛ́ɛ́ ŋ́, ohígbū keé je Ujísɔ̄si gicō ipú ɛgahi mɛ́mla ojīlīmā ɛ́ɛ́ ŋ́.
40Ācɛ ōhī kú ipú ɛwa nēe pó ɛlā nyā kahíníī, “Ɔkwɛ̄yi, ɛ̄nyā wɛ ɔ̄comɛ́ɛbɛ #ɛbɛ ma (2) ā á.” 41Aɔ́há kahíníī, “Ɛ̄nyā wɛ Ohɔ́nyɛtá ā á.” Amáŋ ɔhá kahíníī, “Ohɔ́nyɛtá ā géē ŋmá Ugálīli nɛɛ? 42#2 Usám 7.12; Umáy 5.2É tá ipú ɔkpá kú ɛlɔ̄ɔwɔicō ā ka Ohɔ́nyɛtá ā géē ŋmá ipɔ́ɔma kú Ɔcɛ́ Udéfīdi, ipú Ubɛ́tulɛhēm, igelī nɛ̄ŋcɛ́ ɛga nēé ma Udéfīdi ā.” 43Anɔ́ɔ ɛwa ā le kɔ̄ ohígbū nū á. 44Aóhī kú uwā tíne kéē lɛ ɔ́ kwú abɔ̄fú, amáŋ ɔ̄cɛ dúúmā í lɛ abɔ̄ kwu ɔ́ glá ŋ́.
45Anɔ́ɔ aídengéli ā kwúcē le tá ɛgiyí otrɛ̄yí kú ācogwɛ́ɛya mɛ́mla ācɛ Ufárisīi ā, anɔ́ɔ é da uwá ɔ̄kā kahíníī, “Ɔdíyá nɛ̄ aá bī ɔ̄ wā ŋ́?” 46Anɔ́ɔ aídengéli ā tóohi kahíníī, “Ɔ̄cɛ dúúmā í kɛlā bɛ̄ɛka anú ā jégéé ŋ́.” 47Anɔ́ɔ ācɛ Ufárisīi ā tá uwā ohi kahíníī, “Ó lɛ aá bī bī dúú nɛɛ? 48Ó lɛ ɔ̄cɛ dúú ŋmá ipú aótrɛ̄yí ā ámāŋ ācɛ Ufárisīsi nōo lɛ ɔtūce ɔ́ nɛɛ? 49Amáŋ ɛwa kú ācɛ nēe bá ā nēé jé íne ā ŋ́ mā nɛ, é kē lɛ okónu tá lɛ uwá!” 50#Ujɔ́n 3.1,2Unikɔdímɔ̄si, éyi kú uwā, nōo wā ɛgiyí nū eko éyi ā, da uwá ka, 51“Íne kú alɔ ī ŋmó ɔ̄cɛ ɛpɔ̄bí gbɔbū ɛ́ɛ́ kéē pó ɔkɔ kú nū, kla jé ɔdā nōó yá ā nɛɛ?” 52Anɔ́ɔ uwá tóohi da ɔ́ kahíníī, “A ŋmá Ugálīli dúú nɛɛ? Jila ɔkpá kú ɛlɔ̄ɔwɔicō, a géē má ka ɔ̄comɛ́ɛbɛ dúúmā í bɛ̄cɛ ŋmá Ugálīli ŋ́.” 53Anɔ́ɔ ɔnyɔɔnyɛ le kābɔ̄ ga ɔlɛ́ nū á.
Selectat acum:
UJƆ́NI 7: IFBCL
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
