UJƆ́NI 2
2
Ɔnyā nēé lɛ ajɛ kú Ukéna
1Ɛ̄cī ɔmɛtá, é yɔ̄ ī lɔnyā igelī nɛ̄ŋcɛ́ kú Ukéna kú Ugálīli. Ɛ́nɛ́ Ujísɔ̄si yɔ̄ abɔ́ɔ. 2É le Ujísɔ̄si mɛ́mla ayíkpó kú nū hīigwú dúú. 3Anɔ́ɔ eko nɛ̄ ejé mɛɛ ā, ɛ́nɛ́ kú Ujísɔ̄si da ɔ́ kahíníī, “Ejé kú uwā mɛɛ́ n.” 4Anɔ́ɔ Ujísɔ̄si da ɔ́ kahíníī, “Ɛ́nɛ́, eko kú um í kē yá ɛ́ɛ́ ŋ́.” 5Ɛ́nɛ́ nū da ācocɛ̄hɔ̄ ā kahíníī, “Aá yá ɔdā dúú nōó da aá ā.” 6Ɛtɛ́ ɛhīlī nēé bī ɛcɔ̄ yá bá abɔ́ɔ ohígbū ka uwá nɛ̄ ācɛ Ujíyu gē bī le yá uculo kú iyē o gwu ācɛ anú á. 7Ujísɔ̄si da ācocɛ̄hɔ̄ ā kahíníī, “Aá lɛ éŋkpɔ̄ kpó tū ipú ɛtɛ́ nēe bá ā.” Anɔ́ɔ é le éŋkpɔ̄ kpó tū uwā kwu ɔkɔ kpɛ́mm á. 8Anɔ́ɔ ó da uwá kahíníī, “Aá hɛ́, ká aá bī gé lɛ otrɛ̄yí kú ucɛ ā mɛ́ɛ́nɛ.” É le éŋkpɔ̄ ā hɛ́ bī nyɔ̄. 9Eko nɛ̄ otrɛ̄yí kú ucɛ ā lɛ okónu kwu éŋkpɔ̄ nōo je pīya ejé ā, nɛ̄ ó jé ɛga nɛ̄ ó ŋmá ŋ́ mā (Amáŋ ācocɛ̄hɔ̄ nēe hɛ́ éŋkpɔ̄ ā jé ɛga nɛ̄ ó ŋmá ā) otrɛ̄yí kú ucɛ ā le olɔnyā ā hīgwú, 10anɔ́ɔ ó da ɔ́ kahíníī, “Ɛ́gɛ́nɛ̄ ó gē lɛ ā, ācɛ dóódu gē lɛ ejé olɔhi ā tū lɛ ācɛ le gwá gbɔbū, cɛ́ɛ́ eko nēé le gwá lɛ ipú nū, ɛ́ɛ́ nēé gē bī ejé obɔ̄bí ā wɛ̄ɛcɛ kilɔ́dɔ́ɔ́ á. Awɔ ā lɛ ejé olɔhi ā tū jāā gbéeko nyā.” 11Ɛ̄nyā wɛ úklɔ́ idáagó ká aflɛ́yí nɛ̄ Ujísɔ̄si yá Ukéna kú Ugálīli á. Anɔ́ɔ ó le ɛgahi mɛ́mla ɔfú kú nū mafú, o ŋmá lɛ ɔdā nɛ̄ ó yá nyā á. Anɔ́ɔ ayíkpó kú nū cɛ̄ɛ̄lā nū á.
12 #
Umát 4.13
Igbīhi ɛ̄nyā ā ó le yɛ tá Ukapánɔm mla ɛ́nɛ́ nū, mɛ́mla ayínɛ́ nū, mɛ́mla ayíkpó kú nū. É gbojī abɔ́ɔ ŋ́.
Ujísɔ̄si ga ipú Agblīihɔ-nɛ̄hi ā
(Umát 21.12,13; Umák 11.15-18; Ulúk 19.45,46)
13 #
Oyɛb 12.1-27
Eko nɛ̄ ucɛ kú onyatá kú ācɛ Ujíyu le bá ā, Ujísɔ̄si le tá Ujerúsālɛm. 14Anɔ́ɔ ipú Agblīihɔ-nɛ̄hi ā, ó má ācɛ nēe bā gē je aɛ́na mɛ́mla aálá mɛ́mla ɔklɛ́bɛ́tɛ lá mɛ́mla ācɛ nēe bá ī fūla ije abɔ̄ bá ulɔ kú uwā. 15Anɔ́ɔ ó lɛ itali kú ɔ́ŋgba ōjíla yá. Anɔ́ɔ ó lɛ aálá mɛ́mla aɛ́na nū ŋmá Agblīihɔ-nɛ̄hi ā bá ɛcɛ á. Anɔ́ɔ ó lɛ ije kú ācɛ ofūla ije abɔ̄ ā pīya bónū, anɔ́ɔ ó lɛ ítéblu kú uwā cē gwōnū á. 16Anɔ́ɔ ó da ācɛ nēe gē je ɔklɛ́bɛ́tɛ lá ā kahíníī, “Aá lɛ ɔdā nēe bá ā kpó. Aá híī yá inu kú Ádā um bɛ̄ɛka inu oōtɔ́hí ā ŋ́.” 17#Aíjē 69.9 Ayíkpó kú nū le bla keé lɛ ɔ́ tá kahíníī, “Ɔtu caca kú Agblīihɔ-nɛ̄hi kú uwɔ ā yɔ̄ ī yi um ɔlá nɛ̄hi.” 18Ohígbū ɔ́ɔmā ācɛ Ujíyu da ɔ́ ɔ̄kā kahíníī, “Ocābɔ̄ ɔdí nāa tínē ká ā mafú lɛ alɔ ŋmá ɔdā nāa gē yá nyā ā?” 19#Umát 26.61; 27.40; Umák 14.58; 15.29Anɔ́ɔ Ujísɔ̄si tóohi da uwá kahíníī, “Aá lɛ Agblīihɔ-nɛ̄hi nyā ca, ipú ɛ̄cī ɛtá n géē gwó ɔ́ gicō.” 20Ācɛ Ujíyu da ɔ́ ɔ́kā kahíníī, “A ka anúɔ lɔfú gwó ɔ̄ ɛ̄cī ɛtá nāa ka āa? Ó je alɔ iháyí ofɛpa cɛhīlī ɛ́ɛ́ nɛ̄ alɔ gwó Agblīihɔ-nɛ̄hi nyā á.” 21Amáŋ Agblīihɔ-nɛ̄hi nɛ̄ Ujísɔ̄si kɛlā nū ā wɛ ɔkpíyē kú nū. 22Ohígbū ɔ́ɔmā eko nēé kwú ɔ̄ ú héyī ŋmá ɔlékwū ā, ayíkpó kú nū le bla ka ɔ́ɔ tɛtɛ le ɛlā nyā ka, anɔ́ɔ é cɛ̄ ɔdā nēé tá tū ɔkpá kú ɛlɔ̄ɔwɔicō ā mɛ́mla ɛlā nɛ̄ Ujísɔ̄si ka ā á.
23Eko nɛ̄ ó yɔ̄ Ujerúsālɛm ohígbū kú Ucɛ kú Onyatá ā, ācɛ alɛwa cɛ̄ɛ̄lā nū, abɔ̄ é le ɔdā ō hídáagó nōó yā ā má ā. 24Amáŋ Ujísɔ̄si abɔ̄yī nū í lɔtūce uwá ŋ́, ohígbū koó jé ɔ̄cɛ dóódu. 25Ó tínē ká ācɛ dúúmā kéē cɛ̄ ijáalí lɛ ɔ́ ŋ́, ohígbū ka anú abɔ̄yī nū jé ɔdā nōo yɔ̄ ipú ɔtū kú ācɛ ā.
Selectat acum:
UJƆ́NI 2: IFBCL
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
