MATHAI 5
5
Mualtung a thugenna
1Mihonpi amuhtak in, mual tungah apaitou a, atou a. Anungjuite a kiangah ahungpaita ua, 2tuachi`n thu agen a, hichin a nungjuite thu ahilhta hi:
Kipahna diktak
(Luk. 6.20-23)
3“Khalam a jawngkhalte a hampha uhi;
van gam amau ua ahihman in!”
4“Lungkhamte a hampha uhi;
khamuan a om ding ahihman un!” #Isa. 61.2.
5“Mi nunnemte ahampha uhi;
leigou luah ding ahihman un!” #Psa. 37.11.
6“Diktatna lunggulh a gilkial dangtakte ahampha uhi;
taiding ahihjiak un!” #Isa. 55.1,2.
7“Zahngaitheite ahampha uhi;
zahngaihna mu ding ahihman un!”
8“Lungsim a siangthoute ahampha uhi;
Pasian mu ding ahihjiak un!” #Psa. 24.3,4.
9“Lemna bawlte ahampha uhi,
Pasian Tate kichi ding ahihjiak un!”
10“Diktatna jiaka gawtna thuakte ahampha uhi;
van gam amauh a ahihjiak in!” #1 Pet. 3.14.
11“Mi`n Kei jiaka ahung housiat ua, ahung gawt ua juau a gilou chiteng a ahunghek hun chiang un na hampha uhi. #1 Pet. 4.14. 12Nuam unla nakpitak in kipak un, van ah na nuamman uh thupi ahihman in. Tuamah bangin namai ua Jawlnei omte zong ana bawlsia uhi.” #2 Kronk. 36.16; Nst. 7.52.
Chi leh meivak a gentehna
(Mrk. 9.50; Luk. 14.34,35)
13“Noute lei chi nahi uhi. Hinanleh chi in a alna mansuah taleh, bang chi`n alkikthei ding ahia, Paihkhiat a mite chilgawp ding louhngal in bangmah phattuamna anei nawnkei ding hi. #Mrk. 9.50; Luk. 14.34,35.
14“Noute leitung va`k nahi uh. Mualtung a khuapi om pen phualdap theih ahi kei. #Jhn. 8.12; 9.5. 15Kuaman a meivak de in lawh nuaiah akoih ngaikei; a tanna khuam tungah akoih a, tuachi`n ava`k in innsung teng asalhvakjaw hi. #Mrk. 4.21; Luk. 8.16; 11.33. 16Tuachimah bangin, na va`k uh mite maiah va`k hen, tuahileh mi`n na nasep-hoihte uh mu un chin, van a om na Pa uh min aphatthei ding uhi. #1 Pet. 2.12.
Dan thu a hilhna
17“Jawlneite leh da`nthu beisak ding a hungpai ka hih hung gingta kei un. Beisak ding a hungpai ka hikei a tangtungsak ding a hungpai ka hijaw hi. 18Adiktak in na kiang uah kung hilh ahi, lei leh van aman masiah, da`nthu bu a sut vom khat hiam, laimal neunou khat zong a mangthang kei ding, aun a atangtun masiah. #Luk. 16.17. 19Tuajiakin, kuahileh hih da`n thupiakte lak a neupen khatmai zong juilou a, tuabang bawl ding a mi hilhte pen, van gam ah mineupen a kichi ding uhi. Hinanleh kuahileh a jui a mi hilhte van gam ah milian a kichi ding hi. 20Na diktatna un Laigelhmite leh Pharisaite diktatna akhupzoh keileh, van gam na lut kei ding uh, chih kung hilh ahi.
Thangpaihna thu a hilhna
21“Tanglai mite kiangah, ‘Tual na thahlouh ding uh ahi, kuahileh tualthat in thukhenni a dingin lauhhuai takin aom ding chih na jata uhi.’ #Exo. 20.13; Deut. 5.17. 22Hinanleh ken noute kung hilh ahi: Ajiak beia a sanggampa tung a hehmi pen thukhenna thuak ding in alauhuai ding; tualeh a sanggampa sialphou mi pen vaihawmpawl maia dinding alauhuai ding; hinanleh a sanggampa kiang a ‘Nang mimaw!’ chi mi pen gawtmun meidil a paihding alauhuai ding hi. #5.22 Raca (grik ham) nang mimaw chihna ahi. 23Tuajiakin maitam a silpiak latding a nungtawi laitakin, na sanggampa`n na tungah banghiam khat lungkim louhna anei hi chih na theihleh, 24maitam maiah na silpiak nusia inla, pai inla na sanggampa tawh kilem masaphot inla, tuakhit chiah hungpai inla na silpiak lan in.
25“Na langpa tawh lampi a na pailai un kintakin kileppih in, atuachih keileh na langpa`n vaihawmmite khut ah ahung piakhia kha ding a, tualeh vaihawmmite`n mimanpa khut ah ahung piakhia kha ding a thong ah a hungkhum kha ding uhi. #Luk. 12.57-59. 26Adiktak in na kiang uah kung hilh ahi, paisasan khat bek napiak masiah hua a pan-in na pawtkhia ngaikei ding hi.
Angkawmna thu a hilhna
27“Tanglai mite kiangah, ‘Ang na kawmlouh ding ahi,’ chia kigen najata uhi. #Exo. 20.14; Deut. 5.18. 28Hinanleh Ken: kuahileh numei sualpih utna tawh enmi in a lungsim in huanu tawh ang a kawmkhinta ka chi hi. 29Tualeh na mit jiatlam in ahung khialhsak ding leh, kheikhia inla na kiang a pan paikhia in! Na pumpi gawtmun meidil a paih a aom sangin na chimeng khat mansuah nang a dingin ahoihjaw hi. #Mat. 18.9; Mrk. 9.47. 30Tuaban ah nakhut jiatlam in ahung khialhsak ding leh, sattan inla na kiang a pan paikhia in! Na pumpi a gawtmun meidil a paih a na om sangin na chimeng khat mansuah nang a dingin ahoihjaw hi. #Mat. 18.8; Mrk. 9.43.
Kikhul thu a hilhna
(Mat. 19.9; Mrk. 10.11,12; Luk. 16.18)
31“Tuaban ah, ‘Kuapeuh azi khul in, kikhulna lai a kiangah pia hen,’ zong aki chi hi. #Deut. 24.1-4; Mat. 19.7; Mrk. 10.4. 32Hinanleh Ken: kuapeuh angkawm jiak hilou a, bangjiak hiam a azi khul in, amah angkawmsak ahi; tualeh kuapeuh khulsa numei kitenpihte zong angkawm ahi, ka chi hi. #Mat. 19.9; Mrk. 10.11,12; Luk. 16.18; 1 Kor. 7.10,11.
Kichiam thu a hilhna
33“Tanglai mite kiangah, ‘Juauthu in kichiam kenla, hinanleh Toupa kiangah na kichiamnate tangtung sakjaw in, a kichi chih zong najata uhi.’ #Lev. 19.12; Num. 30.2; Deut. 23.21. 34Hinanleh Ken na kiang uah kung hilh ahi: Kichiam mawng mawng kei un. Van louin kichiam kei un, Pasian Laltouna ahihjiak in; #Jkb. 5.12; Isa. 66.1; Mat. 23.22. 35leitung louin zong kichiam kei un, akeng koihna ahihjiak in; Jerusalem lou in zong kichiam kei un, kumpi liantak khuapi ahihjiak in. #Isa. 66.1; Psa. 48.2. 36Na lutang louin zong kichiam kei un, ajiak samzang khat zong na kangsakthei kei a, zong na vomsakthei kei hi. 37Hinanleh, ‘Ahi’ nachih uleh ahi hihenla, ‘Hilou’ nachih uh ahilou hilel hen, aka`n avalpen gitlouhna a kipan ahi.
Phu lakthu a hilhna
(Luk. 6.29,30)
38“ ‘Mit tang in mit, ha tang in ha, aki chi chia kigen na jangaita uhi.’ 39Hinanleh Ken na kiang uah kung hilh ahi: migiloute dal kenla, hinanleh kuahiam in na pheta jiatlam ahung bek leh alangkhat zong dawh in. 40Kuahiam khat in hung hek a na puan-ak a lakmang utleh na puantual zong lasakvet in. 41Tualeh mi kuahiam in melkhat pai ding a nang ahung phutleh, amah toh melnih pai in. 42Na kiang a hungngen kiangah pia inla, tualeh na kiang a leitawi nuamte a pan kihem mang ken.
Melmate it ding
(Luk. 6.27,28,32-36)
43“Na vengte na it ding a, ‘Na melmate na huading chia kigen na ja-ngaita uhi.’ 44Hinanleh Ken na kiang uah kung hilh ahi: na melmate it inla, nang hung gensiate thupha pia inla, nang hung huate kiang ah silhoih bawl inla, tualeh nang hung gawtte leh nang hung nuaisiahte thumsak jaw in, 45van a om na Pa uh tate na hung hihtheihna ding un. Aman migiloute tung leh mihoihte ni suaksak a, tualeh midikte tung leh midikloute tungah guah a jusak hi. 46Nou hung itte guak na it uleh, nuamman bang ahia namuh ding uh? Siah dongmite nangawn in zong tuabang in a bawljel uh hilou maw! 47Tualeh na sanggamte guak na pahtak uleh, midangte sangin bang na bawltamjaw tuan a? Siah dongmite nangawn in zong tuabang in a bawljel uh hilou maw! 48Tuajiakin van a om na Pa uh a hoihkim sipsip mah bangin nou zong na hoihkim sipsip ding uhi.” #Lev. 19.2; Deut. 18.13.
Selectat acum:
MATHAI 5: THKHBSI
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.
