Rome-aku Nyangatja Ngaṉmanytju Nyakula Wangkanytjaku
Nyangatja Ngaṉmanytju Nyakula Wangkanytjaku
Nyangatja Godaku tjukurpa Paulalu walkatjuṟa iyantja Jesuku walytja tjuṯakutu ngura nyara Rome-ala nyinanytja tjuṯakutu. Lita nyangatja Paulalu walkatjunu ngura ini Kaṟintjala nyinara tjinguṟu yiya nampa nyangangka AD 57-ta.
Nyangatja lita puḻka Paulalu walkatjunu tjukurpa puḻka Jesunyatjara, kala uti purkaṟangku nyakula wangkama munu puḻkaṟa kulinma panya tjukurpa wiṟu mulapa Godalu palula utiṟa nintintja. Lita nyangangka Paulalu tjakultjunanyi alatji, panya aṉangu uwankara alatjiṯu kura nyinanyi munuya Godalanguṟu mauṉṯalparingu, ka Jesunya kutju palya mulapa nyinanyi kura wiya alatjiṯu. Kala uti Jesuku mulamularingama panya paluṟu nganampa puḻkaṟa mukuringkupai munu panya nganaṉa kura palyantjitjanguṟu nganampa ngalkilpa ilungu Godalu nganaṉanya palumpa mulamularingkunyangka kalypangku wantinytjaku munu nganaṉanya walytjanmankunytjaku. Alatji Paulalu walkatjuṟa utiningi Jesuku walytja tjuṯangku tjukaṟurungku kulintjaku ngunti kuliṟa Godalanguṟu paṯuringkunytjaku-tawara.
Tjukurpa nyanganpa ngarinyi:
1:1-17 Paulalu tjukurpa ngaṉmanyitja wangkanytja
1:18—3:20 Aṉangu uwankara kura palyalpai
3:21—8:39 Godalu nganaṉanya kura palyantjitjanguṟu kalypangku wantipai
9:1—11:36 Aṉangu Jew tjuṯaku Godalu palyantja
12:1—15:13 Jesuku walytja tjuṯa wiṟuṟa tjukaṟuru nyinanytjaku
15:14—16:27 Paulalu tjukurpa maḻatja wangkanytja munu maḻpa tjuṯangka wangkanytja
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© Bible Society Australia