Лука 17

Күткүлгелер, өршээл бээри, бүзүрээри база албан-хүлээлге дугайында

(Мф. 18:6-7, 21-22)

1А Бодунуң өөреникчилеринге Иисус мынча дээн: «Күткүлгелерниң кээри чайлаш чок, ынчалза-даа оларның кээриниң чылдагааны болган кижи ат болур!#Лк. 22:22 2Бо бичии улустуң кайы-бирээзин бачытче чыгапкан кижи бар болза, ооң мойнунга дээрбе дажы баглааш, далайже киир октаптары безин ол кижиге оон дээре салым болур ийик#Мк. 9:42.

3Кичээнгейлиг болуңар! Бир эвес эжиң бачыт үүлгедипсе, ону чемелеп чугаала#Лев. 19:17; Мф. 18:15, а бир эвес бачыдын миннир болза, ону өршээ. 4А бир эвес ол сеңээ удур хүнде чеди катап буруулуг херек үүлгеткеш, чеди катап дедир келгеш: „Буруулуг-дур мен“ – дээр болза, ону өршээ#Мф. 6:14».

5Дээрги Иисустуң элчиннери бир-ле катап Аңаа: «Бүзүреливисти өстүрүп көрүңер»#Мк. 9:24 – дээннер. 6Дээрги мынча деп харыылаан: «Бир эвес силерде оода-ла горчица үрезини хире бүзүрел бар болза#Мф. 17:20; Лк. 13:19, силер ынчан бо фига ыяжынга: „Дазылыңдан тура тырттылгаш, бодуңну далайга солуй олуртувут“ – дээр болзуңарза, ол силерге чагыртыр ийик.

7Силерниң бирээңер чер чарып азы хой кадарып хүнзээр чалчалыг дижик. Ол шөлден чанып кээрге, аңаа: „Дүрген кирем, олургаш, чемненип көрем“ – деп чугаалавас болгай сен. 8Оон байтыгай, мынча дээр болгай сен: „Меңээ чемден белетке, оон эде кеттингеш, ижип-чип олурумда, меңээ бараан бол, а ооң соонда бодуң ижип-чип боор сен“. 9Айыткан аайыңар-биле бараалгааны дээш, чалчаңарга ооң соонда өөрүп четтиргениң илеретпес-ле болгай сен. 10Силер база шак ындыг болуңар, „кылыңар“ деп айыткан бүгү чүүлдү кылып каапкаш: „Бис дээрге төлеп чок чалчалар-дыр бис, чүгле хүлээлгевис күүсеткенивис ол-дур“ – деп чугаалаңар».

Экирий берген кеш аарыглыг он кижи

11Иисус Иерусалимче углап, Самария биле Галилеяның аразында кызыгаарны дургаар чоруп олурган. 12Ол бир-ле суурже кирип кел чыдырда, Ону кеш аарыглыг он кижи уткуп алган#Лев. 13:3; Лк. 5:11. Олар элээн ырадыр туруп алгаш#Лев. 13:46, 13ыыткыр үн-биле кый дей бергеннер: «Иисус, Хайырааты, бисти кээргеп көрүңер!»

14Оларны көрүп кааш, Ол: «Баргаш, Бурганның бараалгакчыларынга көстүп калыңар#Лев. 14:1-32; Мф. 8:4; Мк. 1:44; Лк. 5:14» – дээн. Олар чорупкаш, орук ара арыгланып, экирий бергеннер.

15Оларның бирээзи экирий бергенин көрүп кааш-ла, Иисусче эглип келгеш, ыыткыр үн-биле Бурганны алдаржыдып эгелээн. 16Ол Иисустуң мурнунче кээп дүшкеш#Лк. 5:12, Аңаа өөрүп четтиргенин илереткен. Ол болза Самария чурттуг кижи болган#4 Хаан. 17:34; Ин. 4:9.

17Иисус мынча деп айтырган: «Арыгланган он кижи турган эвес чүве бе? А арткан тозу кайыл? 18Бо даштыкы кижиден аңгыда, оларның чаңгызы-даа Бурганны алдаржыдып, ээп келбээни ол бе?» 19Оон демги кижиге: «Че, чорувут, бүзүрелиң сени экиртип-камгалап каан-дыр#Мк. 10:52; Лк. 7:50; Эф. 2:8» – дээн.

Бурганның Чагыргазының чедип кээри

(Мф. 24:23-28, 37-41)

20Бир-ле катап фарисейлер Иисустан Бурганның Чагыргазы кажан кээрин айтырарга#Лк. 19:11; Аж.-ч. 1:6, Ол мынча деп харыылаан: «Бурганның Чагыргазы көскү кылдыр чедип келбес. 21Кым-даа: „Ол мында-дыр“ азы: „Ол дуу ында-дыр“ – деп шыдавас, чүге дээрге Бурганның Чагыргазы силерниң араңарда-дыр#17:21 Азы: «Силерниң ишти-хөңнүңерде-дир». ».

22Оон Ол Бодунуң өөреникчилеринге мынча дээн: «Кижи амытан Оглунуң оода чаңгыс хүнүн-даа болза аажок көрүксей бээриңер үе чедип кээр#Лк. 5:35; Ин. 8:56, ынчалза-даа көрүп шыдавас силер. 23Улус силерге: „Ол мында-дыр“ азы „Дуу ында-дыр“ – дижир#Мк. 13:21; Лк. 21:28, ынчалза-даа ынаар барбаңар база сүрүп маңнаваңар. 24Чүге дээрге Кижи амытан Оглу Бодунуң чедип кээр хүнүнде, кызаш кынгаш, дээрни бир кыдыындан өске кыдыынга чедир чайынналдыр чырыдыпкан чаңнык дег болур. 25Ынчалза-даа мурнунда Ол хөй хилинчекти көрүп эртер база бо салгалдың улузунга тооп көрдүрбес ужурлуг#Лк. 9:22.

26Нойнуң үезинде ынчаар болуп турганы дег#Э. д. 6:5, Кижи амытан Оглунуң чедип кээр хүннеринде база-ла ындыг болур. 27Бажың-хемезинче#Э. д. 6:14 Нойнуң кире бергени хүнге чедир улус-чон ижип-чип, кадай ап база ашакка барып келген болгай. Оон суг халавы хөме алгаш, оларның шуптузун чок кылып каан ийик чоп#Э. д. 7:21. 28Лоттуң үезинде база-ла шак ындыг болган. Кижилер ижип-чип, садыглап-даа, боттары-даа садыг кылып, тарып-олуртуп база тудуг кылып турганнар. 29Ынчалза-даа Лоттуң Содом хоорайны каггаш үнүпкен хүнүнде дээрден оттуг күгүрден бүткен чаъс чаггаш, оларның шуптузун чок кылып каан ийик чоп#Э. д. 19:16, 24; 2 Пет. 2:6-8.

30Кижи амытан Оглу чедип кээрге, база шак ындыг болур. 31Ол хүн боду бажыңының кырында турар, а эт-севи бажың иштинде чыдар кижи оозун алыры-биле дүшпезин#Мк. 13:15; а шөлге чораан кижи база ээп чанмазын. 32Лоттуң кадайын сактып келиңер!#Э. д. 19:26 33Амы-тынын арттырып алыр дээш чүткээн кижи – амы-тынындан чарлыр, а амы-тынындан чарылган кижи – амы-тынын кадагалап алыр#Мф. 10:39. 34Силерге чугаалап тур мен: ол дүне ийи кижи кады удуп чыдырда, оларның бирээзин алгаш баар, а өскезин арттырып каар. 35-36Ийи херээжен кады тараа дээрбелеп турар болза, бирээзин алгаш баар, а өскезин арттырып каар»#17:35-36 Өске бурунгу сөзүглелдерде «Ийи кижи шөлге ажылдап турар болза, оларның бирээзин алгаш баар, а өскезин арттырып каар» деп сөстерни немээн (Мф. 24:40 көр). .

37Өөреникчилери Иисустан: «Ол каяа болурул, Дээрги?» – деп айтырганнар.

«Кайда сек барыл, аңаа сек чиир куштар чыглып кээр» – деп, Иисус харыылаан.

Selectat acum:

Лука 17: TUV

Evidențiere

Partajează

Copiază