Versete biblice populare din Joni 13

Partajează

Au sa solia vei kemudou e dua na i vakaro vou, mo dou veilomani. Me vaka au sa lomani kemudou, mo dou veilomani talega vakakina. Na ka oqo era na kila kina na tamata kecega ni dou sa noqu tisaipeli, o ya kevaka dou sa dau veilomani.”

O koya oqo, kevaka au sa vuya na yavamudou, oi au na nomudou Turaga ka nomudou i Vakavuvuli, sa dodonu talega mo dou veivuiyava. Ni'u sa qai vakaraitaka oti vei kemudou e dua na i vakarau; mo dou kitaka me vaka au sa kitaka vei kemudou.

Sa qai sauma o Jisu ka kaya vua, “O se sega ni kila rawa ena gauna oqo na i balebale ni ka au sa vakayacora oqo, ia o na qai kila e muri.”

Au sa tukuna vakaidina vei kemudou: sa sega ni levu cake na dauveiqaravi mai vua na nona turaga; ka sa sega talega ni levu cake o koya e talai mai vei koya sa veitalai.

Ia ni dou sa kila na dina oqo, ena levu cake sara na nomudou marau kevaka dou sa vakayacora vakakina!

Sa qai tucake mai na teveli ni kana, a sa luvata na nona i sulu e sau, ka taura e dua na i tawelu ka vesuka ki tolona. Sa qai livia na wai ki na dua na beseni, ka vakatekivu me vuya na yavadratou na nona tisaipeli, ka qusia ena i tawelu sa vesu toka e tolona.