Versete biblice populare din Johannesi 13

Partajează

Muragho ghoghupya na kumupa. Mu kuhake pofotji. Thika di na mu haka Me kemo sho mu hake namwe karo. Ngeshi ha mu kuhaka pofotji, mbana dimuka wahe eshi, mwakathishongero wange.”

Ngeshi ngo Yame Fumu wenu no muhongi wenu, gho na yogho mapadhi ghenu, mwa kona namwe kukuyoghathana mapadhi ghenu. Yoyi na mu pa thitamenedhi, no thika di na tendi Me kukwenu, kemo dyo mbo mu tenda namwe.

Jesusi gha mu huthire eshi: “Eyi na kutenda, mbadi sho yi tjwathane pan̂anyi‐n̂anyi, ene mbo ghuna yi tjwathana munyima.”

Shemwa na kumutongwera, mupika mbadi gha piterera hekudyendi, nathitumi, mbadi gha piterera mukakumutuma.

Muna yi dimuka pan̂anyi-n̂anyi, mwakaruvigha ngeshi ha mu yi tendi namwe karo.

Munyima ghemanine kuthidyero no gha shupurire mwaye wendi, ho gha tumburire mukata gha ghu kughange. Gho gha pingwerire meyu mukaronga kokukuyoghera, no gha tangire kuyogha mapadhi ghawakathishongero wendi, ho gha wa kuyurire nomukata oghu gha kughangire.