Versete biblice populare din Yohan 14

Partajează

— Ich lose te friite pay aych. Is mayn friite woo ich aych kewe. Ich kewe aych te friite net soo wii ti welt se aych kept. Kept net petriipt un praycht khee pang hon.

Yeesus hot keantwort: — Ich sin te weech, ti woerheet un es leewe; nimant khan pis an te Fater khome wen es net is torich mich.

Yeesus saat: — Kept net petriipt. Klaapt an Hërkot un klaapt aach an mich.

Awer te Hilfer, te Hayliche Kayst, woo te Fater xike tuut in mayne naame, tuut aych aler tings lërne un macht tas teyer erinere tuut ales was ich aych saat.

— Weyer mayn kepoote aan nëmt un noo keet, pewayst tas er mich liipt. Un mayne Fater wërt liipe tee woo mich liipt, un ich wërt tëm aach liipe un tëm tsayche weyer ich sin.

Ich ferlange fer te Fater, un eyer wërt aych en anere Hilfer kewe, te Kayst fon te Woerheet, woo fer imer pay aych playpt. Ti welt khan net tee Kayst aan nëme, wayl se em net siin un net khëne khan. Awer teyer khënt iim, wayl eyer is pay aych un wil in aych leewe.

Un ales was teyer ferlangt in mayne naame, mache ich, soo tas te Fater sayn kloor torich em Soon reweleyert kept. Ich wëre ales tuun woo teyer meyer ferlangt in mayn naame.

Yeesus saat wayter: — Wen teyer mich liipt, heyert mayn kepoote aan.

An mayn Fater sayn haus sin fiil tsimre, un ich raume en plats uf fer aych. Wen es net soo weyer, het ich tas aych xon kesaat.

Un, noo tëm ich en plats uf keraumt hon fer aych, khome ich tsurik un nëme aych mit meyer tas, woo ich sin, sayt teyer aach.

Too hot Thoome kefroot: — Hër, meyer wise net woo tuu hiin keest. Wii khëne meyer tan te weech wise?