Versete biblice populare din Luka 6

Partajează

Berińler, sonda sizlerge de beriledi. Basıp, silkitip toltırılǵan, tasıp tógilgen mólsher menen eteklerińizge salıp beriledi. Sizler qanday ólshem menen ólshep berseńler, ózlerińizge de sonday ólshem menen ólshep beriledi.

Jaqsı adam kewlindegi jaqsı ǵáziynesinen jaqsılıq shıǵaradı, al jaman adam kewlindegi jaman ǵáziynesinen jamanlıq shıǵaradı. Adamnıń kewli nege tolıp tassa, awzınan sol shıǵadı.

Biraq sizler dushpanlarıńızdı súyińler. Jaqsılıq qılıp, hesh nárse dámetpey, qarız berińler. Sonda sizler úlken sıylıq alıp, Quday Taalanıń balaları bolasızlar. Óytkeni Ol jaqsılıqtı bilmeytuǵınlarǵa da, jaman adamlarǵa da miyrimli.

Solay etip, Ákeńiz miyrim-shápáátli bolǵanı sıyaqlı, sizler de miyrim-shápáátli bolıńlar.

– Basqalardı húkim etpeńler, sonda sizler de húkim etilmeysiz. Ayıplamańlar, sonda sizler de ayıplanbaysız. Keshirińler, sonda sizler de keshirilesiz.

– Biraq, Meni tıńlap otırǵan sizlerge aytatuǵınım: Dushpanlarıńızdı súyińler, Ózlerińizdi jek kóretuǵınlarǵa jaqsılıq isleńler. Sizlerdi ǵarǵaytuǵınlarǵa jaqsı tilek tileńler, Qapa qılatuǵınlar ushın duwa etińler.

Adamlardıń ózlerińizge ne islewin qáleseńler, Sizler de olarǵa sonı isleńler!

Betińniń bir jaǵına urǵanǵa ekinshi betińdi de tut. Shapanıńdı tartıp alǵanǵa kóylegińdi de alıwǵa ruxsat et! Sennen soraǵan hár bir adamǵa ber, Senikin alǵannan qaytarıp beriwdi talap qılma!

– Jaman miywe beretuǵın jaqsı terek hám jaqsı miywe beretuǵın jaman terek joq.

Hár bir terek miywesinen bilinedi: hesh kim sheńgelden ánjir jıynamaydı, tikenlikten júzim termeydi.