Versete biblice populare din Matayo 14

Partajează

Neke kangi pe aaweene ilivelo likomi liipuga, iikoogopaga hiilo, iivangaga ukudwivala mu lulenga. Iikoolaga iitigilaga, “Mutwave, uumoke!” Baaho na baaho, uYesu iigolosaga iliwoko akumwibataga, akumulongelaga iitigilaga, “Uveeve ye uli nu lufuuwo lukeefuave, kye kiki uli nu wugayagaya?”

Neke kangi pe aaweene ilivelo likomi liipuga, iikoogopaga hiilo, iivangaga ukudwivala mu lulenga. Iikoolaga iitigilaga, “Mutwave, uumoke!”

Baaho na baaho, uYesu akuvalongelaga iitigilaga, “Mwikangadze inumbula, ye neene. Mutane ukoogopa.”

UPetulo akumuhigaga iitigilaga, “Mutwave, ngana ye veeve ndakyene, uungʼemeele ukuta ndaadze ukwako ndiigenda pakyanya pa lulenga.” UYesu akumuhigaga iitigilaga, “Waadze.” Neke uPetulo ahumage mu waato uwo, agendage pakyanya pa lulenga, ahelelage kwa Yesu.

Neke avanyigendwa avaali mu waato, vamugondamilage uYesu vatigilage, “Ndakyene uveeve uli Muswamuve va Nguluvi!”

UYesu akuvahigaga iitigilaga, “Vatane ukuhelela. Muvapeele yuunye ikyakuliya.” Aveene vakumuhigaga viitigilaga, “Tuli ni mikaate gihaanu ni somba dzivili swe.”

UYesu akuvalongelaga iitigilaga, “Muundeetele apa.” Neke avalagidzage avaanu ukutigila viikale pa lusoli. Iinyamulaga imikaate gihaanu igyo ni somba dzivili, iilolaga kukyanya, akufifuunyililaga. Neke amenyulage imikaate, avapeelage avanyigendwa vaakwe, navo vakuvagavilaga avaanu.

Avaanu vonda viiliyaga nu kwiguta. Neke avanyigendwa vaakwe valundasage utuwuluwulu utwasigiye, vamemyage ifihiivi finyikyumi ni fivili (12).