Versete biblice populare din Matayo 13

Partajează

Neke kangi imbeyu iyaamiidziilwe pa muganga úgunonile, yiihwananidzwa nu muunu ye iipulika ilidzwi lya Nguluvi nu kulifika. Umuunu uyo ye mwene ye iiveleka ifiveleko ligana limwinga, uyungi makyumi mutanda nu yungi makyumi gadatu.”

Imbeyu iyaamiidziilwe mu miifwa, yiihwananidzwa nu muunu ye iipulika ilidzwi lya Nguluvi, neke kangi wiimila wa ngudo dza pe naanyi, ukudzangwa nu wumosi, fyonda ifyo fiihologotedza ilidzwi litane ukuveleka ifiveleko.

Imbeyu iyaagwiliye pa ngʼaasi, yiihwananidzwa nu muunu ye iipulika ilidzwi lya Nguluvi, neke kangi asikulifika, uSetano iikwadza nu kusweketula ilidzwi ílimiidziilwe mu numbula yaakwe.

Imbeyu iyaamiidziilwe pa lutalaawe ulungaya muganga goloofu, yiihwananidzwa nu muunu ye iipulika ilidzwi lya Nguluvi, umusika guugo iikwanukila mu lukeelo. Neke kangi pakuva ilidzwi ilyo lingaya midela mu numbula yaakwe, iikwinatila mu musika mudebe. Kangi imumuko ni nalamu pe dzikumwadzila wiimila wa lidzwi ilya Nguluvi, umusika guugo iileka ukulifuuwa.

“Uwutwa wa kukyanya wúlingʼiine ni kiinu kya wutalamu íkifihiilwe mu mugunda. Umuunu yumwinga pe akiweene, iifihaga muumo kangi. Iihelelaga mu lukeelo kugudza imaale dzonda dze aali nadzo, iihelelaga kugula umugunda ugo.

Imbeyu iyingi yiigwilaga pa muganga úgunonile, yiivelekaga ifiveleko ligana limwinga (100), iyingi yiivelekaga makyumi mutanda (60), ni yingi yiivelekaga makyumi gadatu (30).

Muleke fyonda fikulanile ukufikila umusika gwa mbene. Umusika ugo, ndilavalongela avanya kubena ukutigila, valundase tandi ilinya wuledzi nu kugada fisa, ukuta vanyaanye. Neke kangi uwuledzi valundase nu kuviika mu kisandzi kyangu.’ ”