Versete biblice populare din Yohanes 16

Partajează

Megblɔ esia na mi ale be ŋutifafa nasu mia si esi miewɔ ɖeka kplim ta. Xaxa tu mi le xexea me. Ke milé dzi ɖe ƒo. Nye la, meɖu xexea me dzi!”

Ne Gbɔgbɔ si fiana be Mawu nye nyateƒetɔ la va la, ana mianya nyateƒe la katã tso Mawu gbɔ. Elabe magblɔ nya aɖeke le eya ŋutɔ ƒe ŋusẽ me o, ke nu si wòse la ko wòagblɔ, eye wòaƒo nu le nu siwo ava dzɔ la ŋuti.

Va se ɖe fifi la, miebia naneke to dzinye kpɔ o. Mibia ko, woana mi ale be miaƒe dzidzɔkpɔkpɔ nade blibo.

Togbɔ be wòle alea hã la, nyateƒe tom mele na mi be: Enyo na mi be madzo, elabe ne nyemedzo o la, Nyaxɔɖeakɔla la mava mia gbɔ o. Ke ne meyi la, maɖoe ɖa. Nenye be wòva la, ana xexea me tɔwo nadze si nu si nye nuvɔ̃, dzɔdzɔenyenye kple ʋɔnudɔdrɔ̃.

Ale miele nu xam fifia, ke megale mia kpɔ ge eye dzi adzɔ mi ale gbegbe be ame aɖeke mate ŋu atsi miaƒe dzidzɔkpɔkpɔ nu o. Ɣe ma ɣi la, miegale naneke bia gem o. Nyateƒe tom mele na mi be, ne miebia nane Tɔ́ la la, ana mi le tanye.

Nyateƒe tom mele na mi be miafa avi, afa konyi, ke xexea me lakpɔ dzidzɔ. Miawo la, miaxa nu, ke miaƒe nuxaxa latrɔ azu dzidzɔ.