Versete biblice populare din Yohanes 15

Partajează

“Nyee nye wainti la, eye miawo mienye alɔawo. Ame si wɔ ɖeka kplim eye nye hã mewɔ ɖeka kplii la, eyae tsea ku geɖe elabe nye manɔmee la, miate ŋu awɔ naneke o.

Minɔ menye eye nye hã manɔ mia me. Ale si alɔa ɖeɖe mate ŋu atse ku le eɖokui si o, negbe ɖe wòle waintia ŋu la, nenema ke miawo hã, ne mienɔ me nye o la miate ŋu atse ku o.

Ne miewɔ ɖeka kplim eye nye nyawo hã le mia me la, mibia nu sia nu si miedi la ko; woawɔe na mi.

Menye miawoe tiam o, ke boŋ nyee tia mi, eye meɖo mi ɖa be miayi aɖatse ku eye be ku si miatse la nanɔ anyi ɖaa. Ale be nu sia nu si miabia Tɔ́ la le nye ŋkɔ me la, wòana mi.

Lɔlɔ̃ deto meli wu be ame natsɔ eƒe agbe ake ɖe xɔlɔ̃a ta o.

Alɔ sia alɔ si le ŋunye eye metsea ku o la, elãnɛ ɖa. Ke ɖe sia ɖe si tsea ku la, eɖea eŋu nyuie bene wòatse ku geɖe wu.

Se si nam mele mie nye be: Milɔ̃ mia nɔewo abe ale si melɔ̃ mii ene.

Azɔ ne mietse ku geɖe la, esia ɖe Tɔ́nye ƒe ŋutikɔkɔe fia, eye wòɖo kpe edzi be nye nusrɔ̃lawo mienye.

“Nyee nye wainti vavãtɔ la, eye Tɔ́nyee nye agbledela la.

Ame si mewɔ ɖeka kplim o la, wotsɔnɛ ƒua gbe, abe atilɔ ene eye wòƒuna. Woƒoa ƒu atilɔawo ƒua gbe ɖe dzo me wofiãna.

“Mele nya siawo gblɔm na mi, ne dzidzɔ si le menye la nanɔ miawo hã mia me, bene miaƒe dzidzɔ nade blibo.

Ne mielé nye seawo me ɖe asi la, nye lɔlɔ̃ na mi ayi edzi le mia me, abe ale si nye hã melé Tɔ́nye ƒe seawo me ɖe asi, eye eƒe lɔlɔ̃ nam le edzi yim le menye la ene.

Ale se si mele mia nam lae nye be: Milɔ̃ mia nɔewo.

Ne xexea me tɔ mienye la, anye ne xexea me lɔ̃ mi abe etɔwo ene. Ke esi metia mi tso xexea me eye mieganye xexea me tɔ o tae wòlé fu mi ɖo.