Versete biblice populare din JONE 14

Împărtășește

Oku ou tuku ae melino kiate kimoutolu, ko eku melino oku ou foaki kiate kimoutolu: oku ikai hage koe foaki a mamani, a eku foaki kiate kimoutolu. Oua naa mamahi ho mou loto, bea oua naa manavahe ia.

Bea talaage e Jisu kiate ia, Ko au koe hala, moe mooni, bea moe moui: oku ikai h‘au ha tagata e taha ki he Tamai, kae iate au.

OUA naa mamahi ho mou loto: oku mou tui ki he Otua, tui foki kiate au.

Ka koe Fakafiemalie koe Laumalie Maonioni, aia e fekau e he Tamai i hoku huafa, te ne ako‘i akimoutolu i he mea kotoabe, mo fakamanatu‘i akimoutolu i he mea kotoabe, aia kuou lea aki kiate kimoutolu.

Ko ia oku ne ma‘u eku gaahi fekau, o fai ki ai, ko ia ia oku ofa kiate au: bea ko ia oku ofa kiate au, e ofa a eku Tamai kiate ia, bea teu ofa mo au kiate ia, bea teu fakaha au kiate ia.

Bea teu kole ki he Tamai, bea te ne foaki kiate kimoutolu ha Fakafiemalie e taha, koeuhi ke nofo ia mo kimoutolu o taegata; Io, koe Laumalie oe mooni; aia oku ikai faa ma‘u e he mamani, he oku ikai mamata ia ki ai, be ilo‘i ia: ka te mou ilo ia; he te ne nofo mo kimoutolu, bea nofoia eia akimoutolu.

Bea koe mea kotoabe te mou kole i hoku huafa, teu fai ia, koeuhi ke fakaogoogolelei ae Tamai i he Alo. Koia kotoabe te mou kole i hoku huafa, teu fai.

Kabau oku mou ofa kiate au, fai eku gaahi fekau.

I he fale o eku Tamai oku ai ae gaahi nofoaga oku lahi: ka ne ikai, behe, kuou tala ia kiate kimoutolu. Oku ou alu ke teuteu ha botu moo moutolu.

Bea kabau teu alu, o teuteu ha botu moo moutolu, teu toe ha‘u, o ma‘u akimoutolu kiate au; koeuhi koe botu teu i ai, te mou i ai foki.

Bea lea a Tomasi kiate ia, Eiki, oku ikai te mau ilo be oku ke alu kife; bea e fefe e mau ilo ae hala?