Versete biblice populare din Mateu 24

Partajează

Ay ngayu bank taw wa kesug ya angku, aroro umkayu ban at fagmauriun. Ay dewa katanya at namabakvd sat fagafanudun sitsigons fakatabuan, umlangfe tua ban.

Ay e gfoyung ban sas fagdaul daga at Masine fag Barita sabaliwas Dius nu gfagtainan, laman sas fagayu talun at ngay taw sumaful. Ay sanya ginan, kadasug wan at fakatabuan.

Ay dewa ban am nadungug ngay awayan at munakbang si ayu, ay e dungganan am te, e gawayan ngayayu, lag kalimu. Matuyan, umfasludan ban takatanya, dewa katanya, bunya kanya at fakatabuan fag ngay menit.

Aroro tibak talun ban at ngay taw at fagfawayanun tiba yangayk talun at ngay taw. Ay sik fun at ngay taw gfawayan yangay ban sik fun at ngay taw, ay sa ban tibak talun maksvn nu malunus ay nu e faleleg. Takatanya fagayu famasigad takadasug fag ngay fagidapun, kata sik mangena nu gidapan gina gafasalugun.

Banwa ay daga kalyam way ban, dewa katanya, ku longan ban sanya tua gugat kabavn.

Aroro ngayu bank taw kadasug ay glong te, ‘Au wan Dius at nafili fag Fun,’ ay gdaya ban ngayuk taw.

“Ginanya ban e ggamat ayu ay gtaban sat mauri fag ngay taw, laman gfauri ay namabul ayu. Fagayu talun ban at ngay taw kauri yangay ayu, aroro gafanud am sa angku. Ay ginanya ban ngayuk taw gubun at fagafanudun. Ay kanya ban fagayu gfoyung at ngay iba sat mauri fag ngay taw ay kadkaurian. Ay ngayu ban takadasug ay kamuagan te, ‘Au wan Dius at taglong at sadi,’ ay nandaya ban ngayuk taw.

Ay Isus nabalus te, “Mataganani tua laman diam gadayan nusnga sinu.

Nu katanya, anggan am mafalganani tua. Aroro nu kadasug au, Taw at Baguama, gina way ban am yud gamatangan te, kadasug kwan.

Nu katanya, mafalganani tua gugat, aroro wam nasaful te, ginain ay Fun nu kadasug.

“We taw nasaful te, ginanya ban fag menit ay fag buknga nu kafoli au. Anggan Dius at ngay tagbarita sis banwa wa yangay nasaful. Ay au oma, Dius at Baguama, kwa nasaful. Ku Mama way lang tagsaful.

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

Au, Taw at Baguama, nu kadasug kban, ngay taw at fakamulun kata ebi gina Nui at buknga. Ginanya, gina lino daul gakadasugun, ngay taw mabayan way fia gfangon ay ginum ay gdaddadwaan, yakmay Nui nasakbo sas sakayan lino. Ay kafag ngay taw wa nasaful takafasludan, yakmay kafag lino daul andasug ay nafapnut anya fagayu. Ay katanya yangay ban nu kadasug au, Taw at Baguama.